Ískyggileg þróun jarðhræringa

Ískyggileg þróun hefur átt sér stað í jarðhræðingum víðsvegar um heiminn að undanförnu, og í raun allt frá árinu 2004 þegar risastór skjálfti varð við Indónesíu sem olli gríðarlegum flóðbylgjum. George Ure, UrbanSurvival bendir á að spá sem unnin er upp úr greiningu á breytingum í málfarsnotkun á netinu, að það sé eins og fólk finni á sér að enn eigi eftir að verða nokkrir stórir skjálftar áður en árið er á enda. Þetta sama spálíkan hefur reynst gefa, að því er virðist, vísbendingar um yfirvofandi jarðskjálfta, án þess að það hafi verið útskýrt nákvæmlega hvernig, en er t.d. sagt hafa spáð fyrir um áðurnefndan skjálfta við Indónesíu 2004. Sama líkan hefur nú talsvert lengi verið að spá hræringum af stærri gráðu en er í manna minnum, eða jafnvel breytingum á jarðskorpunni eða braut jarðar í himingeiminum, og nú er það hugsanlega byrjað að rætast. Lítum á tölfræði yfir þróun á styrkleika jarðskjálfta síðustu 40 árin.

Á meðan heildarfjöldi skjálfta af stærð 3 og yfir hefur skyndilega minnkað á síðustu tveimur árum...

 

... þá hefur meðalstyrkur þeirra AUKIST á sama tíma!

En mesta áhyggjuefnið er samt fjöldi stórra skjálfta (6 og yfir) sem valdið geta manntjóni, sem stefnir hvert???

En að mati George, höfundar þessara myndrita, þá er stóra spurningin sú hversu mörg lönd mega þola svona harkalegan hristing áður en það fer að bitna á efnahagslífi heimsins, sem er í besta falli á viðkvæmum batavegi.

Breytti möndli jarðar

IceSave samantekt í vikubyrjun

Ég minni á fyrri samantektir mínar með fjölmiðlaumfjöllun um IceSave málið. Nú er ný vika runnin upp, sú síðasta fyrir þjóðaratkvæðagreiðslu, og þá er við hæfi að byrja nýja færslu sem verður svo uppfærð eftir því sem líður á vikuna. Tvær skoðanakannanir voru birtar í gær, fyrst er það könnun Gallup fyrir RÚV þar sem 74% segjast ætla að kjósa gegn IceSave-lögunum:

 

Reykjavík Síðdegis á Bylgjunni var með könnun um helgina á visir.is þar sem spurt var: Hvernig ætlarðu að kjósa í þjóðaratkvæðagreiðslunni um IceSave lögin? Niðurstöðurnar gáfu svipaða mynd af stöðunni, en athyglisvert er að skoða samanburð niðurstaðna á tímaásnum sem gefur til kynna að andstaða þjóðarinnar við ríkisábyrgð sé jafnt og þétt að aukast nú á lokasprettinum!

 

Hollendingur Jan Schouten hefur ritað forseta Íslands, Ólafi Ragnari Grímssyni, bréf þar sem segir að Hollendingar eigi að gefa Íslendingum eftir fjárkröfur vegna Icesave sem skaðabætur fyrir Tyrkjaránið svokallaða árið 1627. Foringi ræningjanna var nefnilega hollenski sjóræninginn Jan Janzoon van Haarlem, og fyrir það hefur aldrei verið bætt:

Skulda Íslandi fyrir Tyrkjaránið

Sigrún Davíðsdóttir fréttamaður RÚV, segir Íslendinga ofmeta áhrif þjóðaratkvæðagreiðslunnar um Icesave, að hennar mati skipti kosningin bresk stjórnvöld litlu máli. "“Það er miklu meira gert úr þessari þjóðaratkvæðagreiðslu á Íslandi en nokkurn tíma hér í Bretlandi,” var haft eftir Sigrúnu í síðdegisútvarpinu á mánudaginn:

Telur þjóðaratkvæðagreiðsluna ofmetna

Ummæli Sigrúnar eru nokkuð á skjön við ýmislegt sem fram hefur komið í breskum blöðum og fjölmiðlum en þar hafa allmargir málsmetandi greinarhöfundar tjáð sig um mikilvægi þessarar þjóðaratkvæðagreiðslu að undanförnu.

Morgunblaðið sendi fyrirspurn til breska fjármálaeftirlitsins, FSA, um frystingu eigna Landsbankans, sem er enn í gildi þrátt fyrir að ákvæðum hryðjuverkalaga hafi verið aflétt:

Eignir Landsbanka enn frystar

Fram kemur að 3. október 2008 eða fimm dögum áður en Bretar gerðu allar eignir Íslendinga í London City upptækar, hafi FSA fyrirskipað 20% bindiskyldu á IceSave hjá Englandsbanka. Líklega hafa þeir brugðist svona við þegar þeir gerðu sér grein fyrir því að 25. mars 2008 eða rúmum fimm mánuðum fyrr hafði Seðlabanki Íslands afnumið bindiskyldu erlendra útibúa bankanna og þannig hjálpað IceSave að verða að þeirri svikamyllu sem það reyndist svo vera. Athyglisvert að ekki skuli minnst á það líka í Morgunblaðinu... ætli den store haldi að við tökum ekki eftir því?!

John McFall formaður fjárlaganefndar breska þingins lét þau ummæli falla í þættinum Daily Politics á BBC í gær að Íslendingar væru í miklum vandræðum ef þeir stæðu ekki við skuldbindingar sínar. Undir lok þáttarins sagði McFall að ef ekki náist niðurstaða í Icesave málinu verði afleiðingarnar fyrir Evrópu gríðarlegar (implications are enormous) en náði ekki að útskýra það betur áður en þættinum lauk:

John McFall on Iceland's finances

Eiríkur Bergmann Einarsson, dósent við háskólann á Bifröst, segir við norska blaðið Aftenposten í dag, að stemningin á Íslandi sé núna þannig að Íslendingar vilji frekar herða sultarólina í eitt ár en greiða Bretum og Hollendingum penní eða sent vegna Icesave og að Icesave-málið sé að fara inn í hefðbundinn farveg íslenskra utanríkismála eins og í Þorskastríðunum. "Íslendingar geta rekið þetta mál áratugum saman ef svo ber undir," hefur Aftenposten eftir Eiríki:

Mener Island driver uthalingstaktikk

Matthew Lynn, dálkahöfundur hjá Bloomberg fréttaveitunni vill að Íslendingar segi einfaldlega: „Við getum ekki borgað, við viljum ekki borga, þannig að þið getið átt ykkur.“ Hafni Íslendingar Icesave-samningunum þá sendi þeir skilaboð sem skattgreiðendur í mörgum ríkjum hafi fulla samúð með: Við ætlum ekki alltaf að greiða skuldir bankamanna! "Ríkisstjórnir víðsvegar um heim hafa keypt þá hugmynd að skattgreiðendur eigi að bæta tap banka. Það er slæm meginregla".

Lynn on Icelandic Loan Mutiny

Jan Davidsen formaður Fagforbundet, stærsta verkalýðsfélags bæjar- og heilbrigðisstarfsmanna í Noregi, og Kjartan Lund, framkvæmdastjóri norrænna samtaka opinberra starfsmanna, skrifa lesendabréf í Dagbladet þar sem þeir hvetja til þess að lán verði veitt til Íslands framhjá áætlun Alþjóðagjaldeyrissjóðsins og þar með án tillits til niðurstöðu í IceSave málinu.

Norge må gi lån til Island nå

Dóms- og mannréttindaráðuneytið deifði á þriðjudag í öll hús upplýsingabæklingi sem Lagastofnun Háskóla Íslands hefur útbúið um þjóðaratkvæðagreiðsluna, en nánar er fjallað um hana á vefnum Þjóðaratkvæði.is.

Elaine Byrne, dálkahöfundur Irish Times spyr að því í þriðjudagspistli sínum hvort Írar ættu e.t.v. að fylgja fordæmi Íslendinga og kjósa um hvort þeir eigi að leggja almannafé í björgunaraðgerðir fyrir einkarekna banka. Hún vitnar í ritstjórnargrein Financial Times þar sem bent er á að reiði og synjun íslensks almennings opni fyrir þann möguleika að aðrar þjóðir neiti líka að borga fyrir mistök annara, og muni þannig breyta leikreglunum á þessum vettvangi svo um munar (game-changing event).

Should Ireland's citizens refuse to bail out the banks?

Morgunblaðið segir frá því að á þriðjudagskvöld hafi íslensku samninganefndinni borist svar frá Bretum við nýjasta tilboði Íslendinga, sem hafi valdið þeim miklum vonbrigðum og falið í sér gagntilboð sem hafi verið með öllu óásættanlegt:

Svör Breta í gær valda miklum vonbrigðum

Því er haldið fram að Lee Buchheit, sem fer fyrir íslensku samninganefndinni telji það glapræði að hrófla við fyrirhugaðri atkvæðagreiðslu og hafi lagt á það áherslu við leiðtoga ríkisstjórnarinnar að gera ekki lítið úr mikilvægi hennar. Þjóðaratkvæðagreiðslan væri í raun sterkasta samningavopn Íslendinga.

Í miðvikudagsútgáfu ástralska blaðsins Herald Sun segir að ákvörðunin sem Íslendingar standi frammi fyrir sé allt annað en auðveld, og svo er farið yfir hversu mikil greiðslubyrðin yrði á hvern íbúa sem hafi þó aldrei samþykkt að ábyrgjast slíkar upphæðir:

Icelandic vote to get cool reception

Reuters hefur eftir Össuri Skarphéðinssyni utanríkisráðherra í viðtali við Financial Times Deutschland á miðvikudag, að hann sé vongóður um að betri samningur náist áður en til atkvæðagreiðslunnar kemur:

Conditions good for Icesave deal: Iceland minister

Fundur fyrir hádegi

Afþökkum "aðstoð" Alþjóðagjaldeyrissjóðsins !

Nokkrir þingmenn Hreyfingarinnar og Framsóknarflokks standa nú saman að þingsályktunartillögu um að ráðist verði í gerð efnahagsáætlunar sem geri ekki ráð fyrir "aðstoð" Alþjóðagjaldeyrissjóðsins (IMF). Síðuhöfundur styður þessa tillögu heilshugar, enda hefur aldrei farið fram heilstætt mat á því hvort samstarfið við sjóðinn þjóni raunverulega best hagsmunum Íslands og hvort aðrir möguleikar séu fyrir hendi til að leysa úr aðsteðjandi efnahagsvanda.

IMF er ekki góðgerðastofnun heldur fjárfestingarsjóður sem lánar til endurfjármögnunar ríkisskulda og yfirtekur þær í rauninni, en þær þarf samt sem áður alltaf að endurgreiða. Því hefur verið haldið fram að ekki standi til að nota IMF lán Íslands til að greiða skuldir heldur geyma það sem gjaldeyrisforða á bankareikningi í Bandaríkjunum, en til hvers þá að borga vaxtamuninn ef ekki á að hreyfa þessa fjármuni hvort sem er? Það að kostnaðarauki vegna gjaldeyrisforða sem ekki á að nota styrki á einhvern hátt krónuna eða auki trúverðugleika íslensks efnahagslífs er auðvitað þvílík rökleysa sem flestir sjá í gegn um, að mann grunar helst að eitthvað annarlegt liggi að baki.

Enn fremur hefur það fengist staðfest að sjóðurinn hafi beinlínis verið notaður sem verkfæri til þvingunaraðgerða í IceSave deilunni. Fari svo að fyrirliggjandi IceSave samningi verði hafnað í þjóðaratkvæðagreiðslu er sá möguleiki fyrir hendi að IMF-áætlunin komist í uppnám, og því full ástæða til að skoða aðrar lausnir í stöðunni. Að mínu mati eigum við frekar að reyna að greiða þær skuldir sem fyrir eru heldur en að framlengja þær með IMF-yfirtöku, og ef við eigum ekki fyrir þeim þá á bara að viðurkenna það. Rannsóknir á reynslu þeirra þjóða sem hafa lent í fjármálakreppu sýna að í meirihluta tilfella er greiðslufall ódýrari leið en að rembast við að reyna að bera óviðráðanlegan skuldaklafa.

Ég dreg hér fram nokkur atriði úr greinargerð um tillöguna til áherslu:

Skilgreindar verði nauðsynlegar aðgerðir til að gera íslenskt hagkerfi óháð aðstoð sjóðsins og forðast frekari skuldsetningu ríkissjóðs...

Forsendur hafa gjörbreyst og ljóst að ekki er hægt að treysta á hlutleysi sjóðsins eða að hann framfylgi yfirlýstum markmiðum sínum...

Víða þar sem Alþjóðagjaldeyrissjóðurinn hefur komið að málum hafa stjórnvöld, sem fyrr segir, verið neydd til að beita kreppudýpkandi aðgerðum og ljóst er að hið sama gildir um Ísland...

Rannsóknir sýna að fjármálakreppa einkennist af mikilli eignatilfærslu frá þeim fátæku til þeirra ríku... Markmið hagstjórnar á krepputímum á að vera að auka efnahagslega velferð og leiðirnar að því markmiði eru aðgerðir sem tryggja fulla atvinnu, hagvöxt og stöðugleika til lengri tíma. Efnahagsstefna Alþjóðagjaldeyrissjóðsins og íslenskra stjórnvalda mun ekki ná fram þessum markmiðum. Markmið hennar er aðeins að tryggja að fjármagnseigendur fái sæmilega ávöxtun á fé sitt á meðan það er lokað inni í hagkerfinu og að Seðlabankinn hafi bolmagn til að kaupa krónurnar af þessum fjármagnseigendum þegar hægt verður að afnema gjaldeyrishöftin án þess að krónan fari í frjálst fall.

Erlendar skuldir landsins eru nú þegar orðnar háskalega miklar og því hætta á að þjóðin þurfi að búa við þann hörmulega veruleika að stór hluti þjóðarframleiðslu muni aðeins renna til þess vonlausa verkefnis að greiða vexti af erlendum skuldum.

Vilja hafna aðstoð AGS

Breska fjármálaveldið skelfur á beinunum

Þegar hluti samninganefndarinnar var ný lent á Keflavíkurflugvelli, höfðu Bretar samband - í „afsökunartón“...

Jafnframt var beðist afsökunar á fjölmiðlaleka sem hafði átt sér stað af hálfu Breta, og sögðust Bretarnir hafa leiðrétt fréttir af því að íslenska nefndin hafi gengið út. ...

Ráðgjafi Íslendinga í deilunni telur raunar að ástæða þess að Bretar hafi samband núna, sé sú að tilraun til að koma af stað ákveðinni fjölmiðlaumræðu hafi mistekist, en fjölmiðlaumfjöllun t.d. í mörgum virtum breskum fjölmiðlum var Íslendingum alls ekki óvinveitt eftir að viðræður fóru út um þúfur.

Bretar leggja áherslu á að fundirnir, sem hefjast í dag, fari leynt fram.

Fjármálakerfið snýst um völd og valdbeitingu. Engilsaxneska heimsveldið hefur lengi haldið um stjórnvölinn, ekki síst af sögulegum ástæðum. Nú nötra þeir á beinunum því þeir finna að þeir eru að missa völdin. Þetta er sögulegt tækifæri til að rísa upp gegn auðvaldinu, sem venjulegu fólki býðst ekki nema í mesta lagi einu sinni á öld.

Látum nú kné fylgja kviði!

Leynifundur um Icesave

Stjórnarkreppa #2 vegna ESB?

Ef stjórnarsamstarfið springur vegna umsóknar um aðild að Evrópusambandinu þá hefur Samfylkingin afrekað það að splundra tveimur ríkisstjórnum á einu og sama málinu.

Geri aðrir betur!

Djúpstæður klofningur hjá VG