Þú ert það sem þú hugsar

Þú ert það sem þú hugsar, ekkert annað skilgreinir persónuleika þinn.

Hinsvegar eru margir sem falla í þá gryfju að einbeita sér að vandamálum, með þeirri óhjákvæmilegu afleiðingu að þeir byrja að líta á sjálfa sig sem vandamálið og festast þannig í vítahring sjálfsvorkunnar. ("Ég er svo ömurlegur, það hlýtur að vera eitthvað að mér.") Þeir sem þannig hugsa eru bara ekki að fylgja þeim leiðbeiningum sem flestöll sjálfshjálparspeki gengur út á, þeir "fatta" hreinlega ekki "leyndarmálið", en lykillinn að því er svokallað aðdráttarlögmál sem talið er eiga uppruna sinn í bók William Walker Atkinson frá árinu 1906, Thought Vibration or the Law of Attraction in the Thought World. Kjarni lögmálsins er að ef maður vill eitthvað og trúir af einlægni að það sé mögulegt þá muni það verða að veruleika. Seinni tíma spekingar telja sig hafa fundið þessu lögmáli vísindalega fótfestu í skammtafræði, sem er reyndar umdeild skýring, en aðferðin við að stýra þessari hugarorku er sögð kristallast í eftirfarandi fjórum atriðum:

1. Að vita nákvæmlega hvað maður vill.
2. Að biðja "alheiminn" um það.
3. Að framkvæma, vita og líða eins og það sé þegar orðið að veruleika.
4. Vera opinn fyrir því a móttaka það sem "alheimurinn" svo færir manni

Við erum flest fær um að gera þetta ef við bara leyfum því að gerast af sjálfu sér, en staðreyndin er því miður oft sú að fólk er of fastheldið á "gamla sjálfið" til að sleppa tökunum á því sem hingað til hefur skilgreint persónuleika þess. Það er einhvern veginn ekki innbyggt í okkur að gefast svo auðveldlega upp fyrir sjálfinu og kringumstæðunum, sem er þó grundvallarforsenda þess að gera breytingar innra með sér, sem er svo aftur óbein forsenda þess að breytingar verði á ytra umhverfinu.

Allir menn sem hafa verið spurðir að því hvernig þeir hafi farið að því að ná framúrskarandi árangri eða sigrast á nánast óyfirstíganleikum hindrunum hafa gefið mjög keimlík svör. Flestir þeirra fylgdu engri nákvæmri áætlun með fyrirframskilgreindri útkomu, því lífið er síbreytilegt og engin áætlun getur staðist óbreytt frá byrjun til enda, heldur er það sem þeir eiga fyrst fremst sameiginlegt að þeir höfðu allan tímann óbilandi trú á sjálfum sér og markmiðum sínum, voru raunverulega sannfærðir um það hver væri tilgangur þeirra í lífinu, og það ekki af neinni hálfvelgju.

Dæmi um slíka menn eru bílaframleiðandinn Henry Ford sem gat af sér iðnbyltinguna með því að útfæra fjöldaframleiðslu fyrstur manna, tölvunördinn Bill Gates sem færði upplýsingatæknibyltinguna inn á nánast hvert einasta heimili í hinum vestræna heimi og var um tíma ríkasti maður heims, og íþróttaálfurinn Magnús Scheving sem hefur haft jákvæð áhrif á lífsstíl og heilsu þúsunda ef ekki milljóna barna um víða veröld sem annars hefðu líklega endað með hamborgararass og kransæðastíflu.

Það skal þó tekið fram að þessir menn er ekkert endilega neinir dýrlingar eða ofurmenni og langt frá því að þeir hafi staðið einir að verkum sínum, hinsvegar eiga þeir það sameiginlegt að hafa sameinað undir markmiðum sínum alla þá einstaklinga og krafta sem nauðsynlegir voru til að ná tilætluðum árangri. Og svo hafa þeir auðvitað líka bara verið mjög mjög duglegir og aldrei gefist upp, hvorki fyrir sjálfum sér né umhverfinu.

Hafi lesendur áhuga á að kynna sér fræðin vil ég benda á eftirfarandi bækur:

• The Science of Getting Rich (Wallace D. Wattles, 1910)
• The Master Key System (Charles F. Haanel, 1912)
• Think and Grow Rich (Napoleon Hill, 1937).

Tvær fyrrnefndu bækurnar urðu nýlega innblástur að sjónvarpsmynd, bók, og ýmsu fleira sem kallað er The Secret, og ætti að vera Íslendingum að góðu kunn.

 

Sjálfshjálp gerir illt verra

Stórasta myntkörfulán í heimi

Eins og margir málsmetandi aðilar hafa réttilega vakið athygli á þá getum við ekki prentað erlendan gjaldeyri til að borga IceSave skuldbindingar. Alveg sama hvað hvað við þenjum íslenskt efnahagslíf mikið út, þá er greiðslugeta okkar í erlendum gjaldmiðli takmörkuð af útflutningsverðmætum þegar öllu er á botninn hvolft. IceSave samningurinn hljóðar í raun og veru upp á stærsta myntkörfulán Íslandssögunnar, auk þess að hafa yfirbragð kúluláns líka, en vextina á svo að borga með yfirdrætti eða velta þeim áfram með nýrri lántöku. Ætlar þessi þjóð aldrei að læra af reynslunni? Maður læknar ekki sjúkling af eitrun með því að gefa honum meira af eitrinu, heldur mun það drepa hann!

Getum ekki prentað gjaldeyri

Stjórnarskrársinnar takið eftir

Hæstiréttur Hondúras hefur ræst út herinn til að fjarlægja forseta landsins úr embætti vegna fyrirhugaðra stjórnarskrárbrota af hans hálfu. Já Hondúras, sem hefur lengi verið stimplað sem bananalýðveldi. Hér á Íslandi sjá ráðherrar og aðrir embættismenn hinsvegar ekki tilefni til að segja sig úr embætti, jafnvel þó fallnir séu dómar um brot þeirra á landslögum í starfi sínu.

Kannski það væri ekki svo vitlaust eftir allt saman ef það væri her á Íslandi. Þetta fær mann a.m.k. til að efast um sannfæringu sína í þeim efnum. Reyndar ætti lögreglan hér að vera búin að grípa til svipaðra aðgerða gegn valdhöfum fyrir löngu síðan, ef hún væri starfi sínu vaxin, og ef dómstólar landsins væru ekki það vanhæfir að slíkt hefði aldrei neitt upp á sig.

Af tvennu illu, hvort er verra? Forseti sem ætlar að brjóta þá stjórnarskrá sem hann starfar samkvæmt, eða forseti sem framfylgir ekki einu sinni stjórnarskránni eða felur öðrum að gera það í krafti embættis síns?

Jafnvel þó stærsta bananaplantekra Evrópu sé í Ölfusinu þá verðskuldar Ísland ekki einu sinni titilinn bananlýðveldi. Æska landsins þekkir heldur ekki hugtakið nema í besta falli sem vörumerki á tískufötum! Nærtækara væri að kalla stjórnarfarið sem við búum við sýndarlýðræði.

Hæstiréttur Hondúras fyrirskipaði handtöku forsetans

Sjá yfirlýsingu Samtaka Fullveldissinna um IceSave

Ég vil nota tækifærið og vekja athygli á yfirlýsingu Samtaka Fullveldissinna um IceSave. Efnislega er ályktun samtakanna í takt við þau ummæli sem höfð eru eftir Jóni Daníelssyni í tengdri frétt, að Alþingi eigi með réttu að fella þann samning sem nú liggur fyrir og semja eigi upp á nýtt um raunhæft samkomulag við Breta og Hollendinga. Með yfirlýsingunni fylgir ítarleg greinargerð þar sem þessi afstaða er skýrð og rökstudd með tilvísunum í gildandi lög og reglur.

Einnig er vísað til álits úr skýrslu Ríkisendurskoðunar frá 2007 þar sem segir orðrétt á bls. 9 og er áréttað á bls. 57 um Tryggingasjóð Innstæðueigenda: "Sjóðurinn getur með engu móti talist eign ríkisins og það ber heldur ekki ábyrgð á skuldbindingum hans".

Segir að Ísland eigi að fella Icesave-samning

Kalifornía er líka á leiðinni í rusleinkunn

Ísland er ekki eina ríkið sem gæti átt á hættu að fá lánshæfiseinkunnina "rusl" sem er gjarnan táknuð með CCC eða einhverju svipuðu. Kaliforníuríki, sem væri áttunda stærsta hagkerfi heims ef það væri sjálfstætt ríki, er líka á leiðinni þangað samkvæmt meðfylgjandi fréttaskeyti frá Reuters. Nauðungaruppboðum hefur fjölgað gríðarlega þar að undanförnu, þar til nýlega að Arnold "Governator" Schwarzenegger undirritaði lög sem fresta gjaldþrotameðferðum einstaklinga fram á haustið, líklega af ótta við upplausnarástand. Ríkið sjálft stendur frammi fyrir 24,3 milljarða dala fjárlagagati auk skuldahalla upp á 72 milljarða dala. Bráðavandi er yfirvofandi vegna mögulegs lausafjárskorts, og hefur nú þegar þurft að fresta greiðslum til bótaþega almannatrygginga o.fl. Að óbreyttu gæti jafnvel stefnt í vanskil með launagreiðslur til ríkisstarfsmanna á næstunni, sem boðar alls ekki gott þarna í "villta vestrinu". (Hvað gerir t.d. löggan þegar hún á e.t.v. ekki fyrir húsaleigu, eða matvælum og öðrum nauðsynjum?!)

 

Moody's warning on California debt stuns state

SAN FRANCISCO (Reuters) - California, which is struggling to close a $24.3 billion budget gap, faces the prospect of a "multi-notch" downgrade in its credit rating if the state's legislature fails to act quickly to produce a budget, Moody's Investors Service warned on Friday.
Moody's decision to place California's general obligation debt on alert for a possible "multi-notch" downgrade stunned state officials.
The state's current A2 credit rating is Moody's sixth-highest investment grade and makes California the lowest rated of the 50 states.
The A2 rating is just five notches above speculative status and Moody's raised the potential for the rating to tumble toward "junk" status if lawmakers fail to quickly produce a budget for Governor Arnold Schwarzenegger to sign.
"If the legislature does not take action quickly, the state's cash situation will deteriorate to the point where the controller will have to delay most non-priority payments in July," Moody's said in a statement.
"Lack of action could result in a multi-notch downgrade," Moody's added.
"I cannot remember reading a ratings note that raised the specter of a multi-notch downgrade," said H.D. Palmer, a spokesman for Schwarzenegger on state finance matters. "It's another clear warning from the financial markets that there will be substantial and costly consequences if the legislature does not send the governor a budget that he can sign."
A downgrade could push California's borrowing costs up at time when state officials expect to issue up to $9 billion in revenue anticipation notes as soon as possible after a budget agreement is notched -- a deal whose timing is in doubt.
Moody's said California's leasing debt and other state-related debt are also on review, affecting a total of $72 billion of debt.

... ... ...

Rætt við matsfyrirtækin