Listi Bilderberg þáttakenda uppfærður

Fyrir þá sem ekki vita þá er Bilderberg hópurinn óopinber samtök valdamikilla aðila, baktjaldamanna og fulltrúa ýmissa hagsmuna á sviði Alþjóðamála. Hugmyndin að stofnun þessara samtaka kom frá pólverjanum Józef Retinger, stofnanda Evrópuhreyfingarinnar, þrýstihóps sem hefur að markmiði að stofnað verði stórríki í Evrópu og gat m.a. af sér Evrópuráðið ásamt því að beita sér fyrir Maastricht stofnsáttmála Evrópusambandsins. Retinger kom hugmyndinni á framfæri við Bernard prins af Hollandi sem fékk til liðs við sig Paul Van Zeeland, þáverandi forsætisráðherra Belgíu ásamt Walter Bedell Smith, yfirmanni bandarísku leyniþjónustunnar CIA. Árið 1954 héldu þeir svo fyrsta fundinn nálægt Arnhem í Hollandi á Hotel de Bilderberg, sem hópurinn dregur nafn sitt af, og þótti hann heppnast svo að síðan þá hefur þetta verið árlegur viðburður. Fundirnir eru ávallt leynilegir og haldnir fyrir lokuðum dyrum þó svo að í seinni tíð hafi staðsetning þeirra gjarnan kvisast út nokkrum dögum áður en þeir eru haldnir. Því hefur verið haldið fram að á þessum fundum séu þeir valdamiklu aðilar sem fundina sækja að véla um og taka stefnumótandi ákvarðanir sem spila stórt hlutverk í þróun heimsmálanna. Stundum er t.d. sagt bæði í gamni og alvöru að enginn Bandaríkjaforseti hafi verið vígður í embætti undanfarna áratugi nema vera búinn að mæta á fund hjá þeim fyrst, síðast þegar fundurinn var haldinn árið 2008 voru t.d. báðir frambjóðendur Demókrata, Hillary Clinton og Barack Obama, meðal fundargesta. Á Wikipedia er haldið úti lista yfir fundargesti frá hinum ýmsu löndum, a.m.k. þá sem hægt hefur verið að staðfesta, en vissulega er upptalningin langt frá því að vera tæmandi. Gegnum árin hafa nokkrir nafntogaðir Íslendingar orðið þess vafasama heiðurs aðnjótandi að komast á þennan lista, og nú nýverið var listinn uppfærður í ljósi nýuppgötvaðra heimilda.

Bilderberg þáttakendur frá Íslandi (í stafrófsröð):

• Bjarni Benediktsson, fv. forsætisráðherra
• Björn Bjarnason, fv. menntamála- og dómsmálaráðherra
• Davíð Oddsson, fv. forsætis- og utanríkisráðherra, seðlabankastjóri o.fl.
• Einar Benediktsson, fyrrv. sendiherra í USA, hjá ESB, NATO, o.fl.
• Geir Haarde, fv. fjármála- og forsætisráðherra
• Geir Hallgrímsson, fv. forsætisráðherra
• Hörður Sigurgestsson, fv. forstjóri Eimskipafélags Íslands
• Jón Sigurðsson, fv. fastafulltrúi Norðurlanda hjá IMF, iðnaðarráðherra, seðlabankastjóri o.fl.

Flestir eru þetta einstaklingar sem koma úr rótgrónum fjölskyldum, viðskiptablokkum og/eða flokksmaskínum sem hafa lengi verið valdamikil á Íslandi, og flestir hafa þeir verið áhrifamenn í Sjálfstæðisflokknum. Eina undantekningin frá því mynstri er Jón Sigurðssson (krati), en athygli vekur að enginn úr röðum núverandi þingmanna eða stjórnarliði er á listanum. Kannski þeim verðið boðið næst...

Mrs. Clinton upplýsir hvar stefnan er mörkuð

Þeim sem vita hvað CFR stendur fyrir kann að þykja þetta athyglisvert, hinum er líklega sama. Á vef bandaríska utanríkisráðuneytisins má finna fyrirlestur sem Hillary Clinton utanríkisráðherra hélt í útibúi Council on Foreign Relations í Washington DC þann 15. júlí síðastliðinn.

Takið sérstaklega eftir inngangsorðum ræðunnar:

"I am delighted to be here in these new headquarters. I have been often to, I guess, the mother ship in New York City, but it’s good to have an outpost of the Council right here down the street from the State Department. We get a lot of advice from the Council, so this will mean I won’t have as far to go to be told what we should be doing and how we should think about the future... I look out at this audience filled with not only many friends and colleagues, but people who have served in prior administrations..."

Fyrir þá sem ekki vissu þá hafa langflestir handhafar valdsins í Bandaríkjunum undanfarna áratugi verið meðlimir í CFR, og því hefur verið haldið fram að það sé þar en ekki í ráðuneytunum sem stórar ákvarðanir eru teknar sem móta svo heimsmálin að miklu leyti. Nú þegar sú kenning hefur verið staðfest þá þökkum við frú Clinton kærlega fyrir að deila þessu með okkur.

Landráð?

Úr almennum hegningarlögum:

X. kafli. Landráð.
86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

Svo má deila um það hvort þetta séu nauðung eða svik, skv. heimildum af þinginu var a.m.k. hótað stjórnarslitum yrði þetta ekki samþykkt. Mér hefur borist til eyrna að verið sé að undirbúa kæru á hendur stjórnvöldum, og verður fróðlegt að fylgjast með hver verður framvindan í því máli.

Íslandi allt!

Búið að sækja um ESB-aðild

Vér mótmælum!

Í dag samþykkti Alþingi að fela ríkisstjórn Íslands að leggja inn umsókn um afsal þess fullveldis sem Íslendingar börðust svo lengi fyrir. Þetta er svartur dagur í sögu þings og þjóðar. 

Hef ekki fleiri orð að sinni. Samúðarkveðjur til Íslendinga nær og fjær.

Samþykkt að senda inn umsókn

Tony Blair sem forseta? NEI ALDREI!

Nú berast af því fréttir að fyrrverandi breski forsætisráðherrann og annar höfuðpaurinn úr Íraksstríðinu, Tony Blair sækist eftir að verða forseti Evrópusambandsins.

Þarf eitthvað að ræða þetta frekar að við eigum ekkert erindi þangað?

Ég skora eindregið á háttvirta þingmenn að HAFNA aðild að þessu upprennandi hernaðarbandalagi!

Hvet svo alla sem vettlingi geta valdið að drífa sig niður á Austurvöll núna seinni partinn og láta í sér heyra. Ég var í símanum rétt í þessu að kanna stemmninguna, en þar er nú þegar kominn reytingur af fólki og mikill hiti í flestum.

Ekkert samkomulag um atkvæðagreiðslu