Þjóðsögur um peningamál (TEDx fyrirlestur)

Prófessor Jem Bendell er eigandi Lifeworth Consulting, ráðgjafarfyrirtækis á sviði sjálfbærrar þróunar. Hann hefur 16 ára reynslu af ráðgjafarstörfum fyrir einkarekin fyrirtæki, opinberar og alþjóðlegar stofnanir á borð við Sameinuðu Þjóðirnar, og skrif hans um samfélagslega ábyrgð fyrirtækja hafa víða hlotið birtingu. Hér fjallar hann um gamlar þjóðsögur og nýjar lausnir á sviði peningamála:

Kaldhæðni örlaganna

Húseignin í Austurstræti 16, þar sem Reykjavíkurapótek var upphaflega til húsa, hefur verið seld nauðungarsölu. Tilboðshafi er Frjálsi Fjárfestingarbankinn, eða réttara sagt þrotabú hans sem var jafnframt stærsti kröfuhafinn í eignina, ásamt Arion banka og Avant sem hefur verið sameinað Landsbankanum.

Í þessu húsi er skemmtistaður á jarðhæð, þar sem meðal annars var haldið kosningahóf NEI-hreyfinga í tengslum við þjóðaratkvæðagreiðslu um IceSave-III síðastliðið vor. Á efri hæðunum eru hinsvegar skrifstofur skilanefndar gamla Landsbankans.

Þannig er þrotabú Frjálsa Fjárfestingarbankans orðið leigusali þrotabús Landsbankans. Þetta er á vissan hátt afskaplega ljóðrænt...

Frjálsi eignast Austurstræti 16

Bankaáhlaup í Lettlandi um helgina

Fyrir hálfum mánuði sagði Businessweek frá því að handtökuskipun hefði verið gefin út gegn fyrrum hluthöfum þarlends banka vegna gruns um fjársvik, skjalafals og bókhaldssvik. Yfirmaður lettneska fjármálaeftirlitsins sagði að meðal annars hefði verið misfarið með fjármuni viðskiptavina bankans. Skilanefnd hefur verið skipuð á bankann en á meðan unnið er að því að greiða úr flækjunni hafa úttektir í hraðbönkum verið takmarkaðar við 50 lati sem jafngildir um fimm þúsund krónum.

Það sem gerðis næst var fullkomlega fyrirsjáanlegt:

Núna um helgina fór svo á kreik orðrómur í Lettlandi um að sænski bankinn Swedbank sem er með allmörg útibú þar í landi, riðaði til falls. Sjá vélþýdda frétt  E24.no:

Latvian customers of the Swedish large bank Swedbank has through the weekend emptied ATMs in several areas. This after rumors that the bank is about to collapse.

This confirms several sources in Latvia to E24, as well as communications director Thomas Backteman in Swedbank.

- Yes, it is true that there is greater activity against ATMs in some regions of Latvia, said Backtemann to E24 Sunday evening.

The Swedish bank Swedbank is one of Europe's largest banks, and in Norway owns the brokerage, First Securities.

When customers begin to withdraw savings from a bank, this is called a bank run . Since a bank can not muster all the money that is on savings accounts at short notice, is a silk incident very dramatic for a bank.

Með öðrum orðum, spádómur sem rætist af sjálfu sér. Hérna eru nýjustu myndir:

 

Óttast ekki upplausn ESB

Þegar kerfið þykist vera lesblint

Ríkissaksóknari segist ekki hafa fundið neitt sem bendi til þess að starfsmenn öryggissveitar sendiráðs Bandaríkjanna í Reykjavík hafi gerst brotlegir við lög.

Helstu málsatvik sem liggja fyrir:

- Sendiráðið hefur staðfest að eftirlitssveitin sé raunveruleg.

- Frásagnir fjölmiðla hafðar eftir fyrrverandi starfsfólki, meðal annars um leit í undirvagni bifreiða í eigu íslenskra ríkisborgara og eftirför sem endaði með bílaeltingaleik.

-  Og megingagnið: skeyti frá sendiráðinu sem birtist á WikiLeaks og inniheldur frásögn af eftirliti með vegfarendum án þeirra vitundar og eftirför.

Þetta eru flest athafnir sem venjulegu fólki leyfast almennt ekki og falla að jafnaði undir valdheimildir lögreglu, sem þarf í mörgum tilvikum að óska dómsúrskurðar til að fá slíkt eftirlit heimilað vegna lögreglurannsóknar. Sá sem stundar slíkt án heimildar er þannig að taka sér lögregluvald og jafnvel dómsvald. Þegar stjórnvöld í einu ríki stunda leynilegt eftirlit í öðru ríki eru það njósnir samkvæmt skilgreiningu hugtaksins.

Almenn hegningarlög:

116. gr. Hver, sem tekur sér eitthvert opinbert vald, sem hann ekki hefur, skal sæta sektum eða fangelsi allt að 1 ári eða, ef miklar sakir eru, fangelsi allt að 2 árum.

93. gr. Stuðli maður að því, að njósnir fyrir erlent ríki eða erlenda stjórnmálaflokka beinist að einhverju innan íslenska ríkisins eða geti beint eða óbeint farið þar fram, þá varðar það fangelsi allt að 5 árum.

Enn eitt dæmið um að kerfið þykist vera lesblint á sínar eigin reglur, hvenær sem því hentar að víkja þeim til hliðar. Og ekki er skárra að birta svona fréttatilkynningu athugasemdalaust með copy/paste aðferðinni við fjölmiðlaútgáfu.

Sendiráðsmenn brutu ekki lög

Góð ráð gegn vefauglýsingum

Hér eru leiðbeiningar fyrir þá sem vilja losna við auglýsingamennsku vefmiðla. Maður byrjar á því að ná sér í viðbót fyrir vafrann til að útiloka auglýsingar. Sú sem ég nota er Adblock Plus fyrir Firefox en fleiri slíkar viðbætur eru til fyrir ýmsa vafra.

Einfaldast er að ná í Adblock hér:

Það er einfalt að setja viðbótina upp með því að smella á stóra takkann þar sem stendur "Add to Firefox" og fylgja svo þeim leiðbeiningum þá birtast. Það þarf að smella nokkrum sinnum til að samþykkja uppsetninguna, og svo er líklega ráðlegt að endurræsa vafrann að uppsetningu lokinni.

Til að loka á auglýsingar er einfaldast að gerast áskrifandi að lokunarlista, sem einhver hefur tekið saman í þeim tilgangi að deila með fleirum. Þegar Adblock er sett upp í fyrsta skipti er manni boðið upp á nokkra slíka. EasyList og Fanboy eru ágætir valkostir. Hér er svo dæmi um einn slíkan sem lokar á bróðurpartinn af íslenskum vefauglýsingum og rekjurum.

Smelltu hérna til að gerast áskrifandi að íslenska lokunarlistanum.

Til að verjast erlendum auglýsingum og rekjurum enn betur má til dæmis benda á vefsvæði EasyList sem er hýstur hjá höfundum Adblock: http://easylist.adblockplus.org

Með því að smella á á hlekkinn Add EasyList to Adblock Plus útilokar maður rúmlega sextán þúsund auglýsingaslóðir. Þar er einnig boðið upp á Add EasyPrivacy to Adblock Plus sem útilokar slóðir rúmlega 3.500 rekjara. Síðarnefndi listinn er einnig fáanlegur fyrir Internet Explorer 9.

Annar slíkur listi er frá Fanboy:

Smella hér til að gerast áskrifandi: Add Fanboy List Adblock list to Firefox. Fanboy er einnig með rekjaralista: Add Fanboy Tracking list to Firefox og lista sem útilokar viðbætur frá samfélagsvefjum: Add Fanboy Annoyances List to Firefox. Tveir fyrrnefndu listarnir eru líka fáanlegir fyrir Internet Explorer 9: Fanboy Adblock list for Internet Explorer 9 og Fanboy Tracking list for Internet Explorer 9.

Áður en þú ákveður að loka fyrir auglýsingar á þínum uppáhalds vefmiðli eða einhverri síðu sem veitir þér virðisaukandi þjónustu, skaltu íhuga að auglýsingar eru oft stærsta tekjulind þeirra aðila sem halda úti slíkum rekstri. Hinsvegar geta verið lögmætar ástæður fyrir því að loka fyrir auglýsingar, til dæmis sparar það talsverða netumferð og vinnuálag á örgjörva og annan vélbúnað sem er fínt ef unnið er á kraftlítilli tölvu eða með hæga nettengingu. Eða bara vegna þess að þú vilt geta heimsótt vefsíður án þess að fá flogaveikiskast af auglýsingum sem blikka eins og jólatré.

Vefpressan höfðar mál

Skrár tengdar þessari bloggfærslu:

• Adblock-is