Tvískinnungur hjá ESA og ESB

Efitrlitsstofnun EFTA (ESA) hefur ákveðið að hefja formlega rannsókn á ríkisaðstoð í tengslum við lánveitingar til fjárfestingarbankanna Saga, VBS og Aska Capital. Á sama tíma er sama stofnun að ávíta Íslendinga fyrir að veita ekki öðrum fjárfestingarbanka, Landsbanka Íslands, ríkisaðstoð vegna uppgjörs við forgangskröfuhafa. Sá sem er í mótsögn við sjálfan sig er yfirleitt á villigötum.

Um daginn fór belgíski bankinn Dexia á hausinn, en hann var með starfsemi víðsvegar um álfuna þvert yfir landamæri, alveg eins og Landsbankinn var með IceSave. En viti menn, til að afstýra algjöru bankahruni fóru Belgar íslensku leiðina og endurfjármögnuðu rekstrahæfar einingar Dexia með tilfærslu þeirra yfir í ný félög, á meðan áhættufjárfestingar voru skildar eftir í þrotabúinu. Í stað þess að krefja Belgíu um fulla ríkisábyrgð á endurfjármögnuninni féllust þau lönd þar sem bankinn hefur starfsemi á að deila með sér ábyrgðinni í hlutfalli við umfang starfseminnar, Belgía 60.5%, Frakkland 36.5%, og Luxembourg 3%. Á sama tíma eru Íslendingar ávítaðir fyrir að láta forgangskröfur á Landsbankann fá sambærilega meðferð.

Meðan aðrar þjóðir álfunnar deila með sér ábyrgð til að hindra bankahrun hefur ESB sjálft og hinar ýmsu stofnanir þess þar á meðal ESA, gert allt aðrar kröfur til Íslands. En á sama tíma er sama stofnun að væna Íslendinga um mismunun á grundvelli þjóðernis. Hvað er það eiginlega?

Evrópa er ekki aðeins fjárhagslega gjaldþrota, heldur líka siðferðislega.

Og ef einhver skyldi enn velkjast í vafa, þá hringir þessi auglýsing frá ungverska bankanum Raiffeisen árið 2007 vonandi einhverjum viðvörunarbjöllum núna hjá skynsömu fólki.

Þetta gæti allt eins verið frá íslenskum banka árið 2007 og er í raun verra því þarna er ekki einu sinni verið að glanshúða hlutina heldur er siðferðisbresturinn falinn í allra augsýn með því að dulbúa hann sem léttvægt og barnalegt grín. Við vitum það af biturri reynslu hvaða afleiðingar svo víðtæk og útbreidd siðblinda hefur á bankastarfsemi: ofsagróði í skamman tíma áður en allt springur svo í loft upp á endanum.

Rannsaka ríkisaðstoð til fjárfestingabanka

Þingkonan ekki til prýði

Ragnheiður Ríkharðsdóttir þingkona Sjálfstæðisflokksins hefur nú afhjúpað yfirstéttarhroka sinn og sambandsleysi við aðstæður almennings í þjóðfélaginu, með fordæmingu á framtaki liðsmanna Occupy Reykjavík. Þessara dugmiklu einstaklinga sem hafa slegið upp tjaldborg á Austurvelli við erfiðar íslenskar aðstæður að hausti, til að vekja athygli á bágri stöðu stórra þjóðfélagshópa og mótmæla einmitt þesskonar firringu af hálfu yfirvalda sem fram kemur í ummælum þingkonunnar.

Henni þykir tjaldbúðirnar til óprýði og vill þær burt, segir að forsendur leyfisveitingar fyrir gjörningnum liggi ekki fyrir. Það er ljóst að þingkonan hefur ekki lesið stjórnarskránna sem tryggir almenningi skýlausan rétt til tjáningarfrelsis og mannsafnaðar, og með slíkri vanvirðingu við æðstu lög landsins er hún að brjóta gróflega þann eiðstaf sem hún hefur svarið með því að taka sæti á Alþingi. Þetta er ekki persónulegt afbrot hennar sjálfrar eða gegn öðrum einstaklingi, heldur aðför gegn lýðræðinu af hálfu fulltrúa löggjafarsamkomunnar, sem er alvarlegt mál.

Slíkt er auðvitað til mikillar óprýði við Austurvöll og maður veltir því óhjákvæmilega fyrir mér hvers vegna Ragnheiður velur sér ekki heppilegri vettvang til að leggja stund á ólýðræði og spúa eitri, til dæmis í einhverju bankaútibúinu þar sem hún félli mun betur að nánasta umhverfi. „Að mínu mati er þetta óásættanlegt,“ „Þetta snýst um ásýnd Austurvallar." og er ömurlegt í nágrenni við dómkirkjuna, svo ég vitni í orð Ragnheiðar sjálfrar. Liðsmenn Occupy hljóta nú að gera þá mótkröfu að Garðyrkjustjóri fjarlægi svona illgresi umsvifalaust af svæðinu, enda liggja engar forsendur fyrir áframhaldandi veru Ragnheiðar í grennd við Austurvöll.

Vissulega er ekki eftirsóknarvert að Occupy gisti endalaust utandyra, enda gæti liðsmönnum hreyfingarinnar orðið kalt í vetur við íslenskar aðstæður, þó ekki hafi þau reyndar kvartað neitt hingað til. En ástæðurnar fyrir því að þau eru þarna yfir höfuð hafa hinsvegar ekkert breyst. Þar til gerðar hafa verið raunverulegar umbætur í átt til lýðræðislegrar þáttöku kjósenda í ákvarðanatöku og réttlæti fært til almennings í eðlilegum mæli, eru forsendur tjaldbúðanna óhaggaðar.

Við skulum því hafa hér litla og óvísindalega skoðanakönnun. Ég hvet lesendur til að skrifa í athugasemdum, hvor þeim finnst að ætti að hverfa fyrr af vettvangi:

1) Occupy eða 2) Ragnheiður?

Tjöldin ekki til prýði

Bréf frá evrópska björgunarsjóðnum

Sjá einnig: EFSF Denies It Is An Illegal Pyramid Scheme

Hmmmm...

 

 

Ítalía sinni aftur burðarhlutverki

Súper-Maríó?

Má ég kynna nýjan forsætisráðherra Ítalíu:

Mario Monti (f. 19.3.1943):

Monti is a Praesidium member of Friends of Europe, a leading European think tank, was the first chairman of Bruegel, a European think tank founded in 2005, and he is European Chairman of the Trilateral Commission, a think tank founded in 1973 by David Rockefeller. He is also a leading member of the Bilderberg Group.

Monti is an international adviser to Goldman Sachs and The Coca-Cola Company.

Með öðrum orðum þá er þessi svokallaði hagfræðingur í fullu starfi sem boðberi hins gerspillta og mannskemmandi fyrirkomulags alþjóðastjórnmála og fjármálakerfis sem tröllríður, nei raðnauðgar, heimsbyggðinni í gróðaskyni.

In December 2009, he became a member of the reflection group for the future of Europe, chaired by former Spanish Premier Felipe Gonzalez. In this forum, he advocated an economic government for Europe and a European Monetary fund. He also supported a New European Deal with a better coordination between social and economic issues in Europe.

Monti is a founding member of the Spinelli Group, an organization launched in September 2010 to facilitate integration within the European Union.

Hinn hreinræktaði teknókrati hefur sem sagt unnið að því hörðum höndum nánast alla ævi að sameina Evrópu undir eina ríkisstjórn, einn gjaldeyrissjóð og seðlabanka, í eina þjóð undir einum fána á einni fósturjörð, ofar öllu! Bíddu var ekki einhver annar Ítali búinn að reyna þetta áður í samstarfi við Þjóðverjana? Minnir að hann hafi heitið Benni-Musso-eitthvað... jæja nóg um það.

In 1994 Monti was appointed to the European Commission, along with fellow-Italian, Emma Bonino, by the first Silvio Berlusconi government.

On 9 November 2011 Monti was appointed a Lifetime Senator by Italian President Giorgio Napolitano.

Athyglisvert hvernig maðurinn er aldrei kjörinn heldur alltaf skipaður í þessi háu embætti, af öðrum háum embættismönnum, þ.á.m. Bunga-meistaranum sjálfum. Það hlýtur að vera óþarfi að halda kosningar þarna framar, þegar það er miklu einfaldara að skipa einfaldlega einn af dyggum starfsmönnum Evrópusambandsins sem forsætisráðherra yfir einu af aðildarríkjunum. Enda er það þá varla merkilegra en deildarstjórstaða, eða hvað?

- Og rúsínan í endanum á þessari pepperónípylsu:

His research has helped to create the Klein-Monti model, aimed at describing the behaviour of banks operating under monopoly circumstances.

- Líkan af einokun fjármálakerfis er beinlínis nefnt eftir honum!

Nei, ég gæti ekki skáldað svona lagað upp sama hvað ég reyndi. Séu þessi ólíkindi borin saman við tölvuleikinn með nafna hans píparanum, þá er það líklega gott dæmi um hvernig veruleikinn getur tekið mannlegu hugmyndaflugi fram í faránleika. Mér finnst allt í einu tvívíður pípulagningamaður sem hleypur um á sveppatrippi og grýtir eldglæringum í banvænar skjaldbökur, alls ekki vera mjög súrrealískt fyrirbrigði. Svo lengi sem það er bara tölvuleikur.

Monti falin stjórnarmyndun

Öfgaþjóðernisshyggja Össurar opinberast

Á Alþingi í dag hélt utanríkisráðherra fram þeirri skoðun að Íslendingar séu svo miklu betri og flinkari enn allir, að þeir ættu bara að taka yfir efnahagslega stjórn heillar heimsálfu. Stingur meira að segja upp á Steingrími J. Sigfússyni fjármálaráðherra til verksins. Þetta er að sjálfsögðu ekkert annað en útþenslusöm þjóðernisstefna, og svo hrokafull að það er komið út í öfga.

En síðast þegar öfga-þjóðernisjafnaðarmenn með norræna yfirburði að leiðarljósi reyndu að ná völdum í Evrópu, urðu afleiðingarnar skelfilegar. Hvernig ætli Steingrími lítist á að vera settur á stall með Hjálmari Schacht heitnum?

Spurði hvaða ESB Ísland ætti að ganga í