...zzzzzz...zzzzzzz....

Svona sið myndi ég vilja taka upp hérlendis! ;)

Frakkar kanna kosti þess að blunda í vinnutíma

Ætlaði hann næst í framboð vestanhafs?

"afbakaði sannleikann á útsmoginn og fagmannlegan hátt"

Það er kannski engin furða að Bandaríkjastjórn líti á Ísraelsstjórn sem helstu bandamenn sína, enda virðist vera svipað viðhorfi í gangi þar gagnvart sannleikanum, og líka einskis svifist til að komast hjá ábyrgð á eigin afglöpum.

Fyrrum dómsmálaráðherra Ísraels fundinn sekur um kynferðisbrot

Úlfarnir sviptir sauðargærunni...

Þarna sést þeirra rétta andlit langar leiðir. Núverandi stjórn í Washington svífst greinilega einskis til að bjarga eigin skinni og réttlæta gjörðir sínar, sama hversu illa ígrundaðar sem þær eru, og augljóst hvar aðal áherslurnar liggja hjá þeim. Það virðist flest hafa snúist um það hjá þeim að fá ætlunarverkum sínum framgengt sama hvað það kostar, og í tilraunum sínum til þess að komast upp með það hafa þeir skrumskælt sannleikann, snúið út úr heilbrigðu lýðræði, og hreinlega logið og kúgað í krafti stöðu sinnar. Ef það eru ekki föðurlandssvik, þá hvað?. Bara ef þeir hefðu nú lagt svona mikla áherslu og vinnu í að marka skynsamlega stefnu gagnvart öðrum ríkjum og í fleiri mikilvægum málum, þá væri kannski ekki allt í kalda koli hjá þeim núna eins og t.d. í Írak. En eins og áður sagði, þá sýnir þetta vel hvar áherslurnar liggja. Fyrst þeir geta verið svona þaulskipulagðir og einarðir í gæslu eigin hagsmuna, þá hlýtur að vekja furðu hvað þeir virðast alltaf klúðra feitt í málum sem skipta mun meira máli fyrir bandarísku þjóðina og þar með heildarhagsmuni í okkar heimshluta. Það hlýtur líka að teljast verðug spurning fyrir framtíðarstefnumörkun okkar Íslendinga í utanríkismálum, hvort við viljum halda áfram að líta á svona forherta skúrka sem "vini" okkar. Sérstaklega þar sem þeir hafa ekki einu sinni haft fyrir því að sýna okkur lágmarks kurteisi undanfarið, og neita svo í þokkabót að þrífa upp skítinn og óþverrann sem herinn þeirra skildi eftir sig hérna.

Réttarhöld varpa ljósi á tilburði ráðamanna til að stjórna fjölmiðlaumræðu

Nagladekk skapa meiri vanda en þeim er ætlað að leysa!

Ég bý í Reykjavík á 3 börn, miðstrákurinn fékk RS-veiru í öndunarfærin þegar hann var pínulítill. Síðan þá hefur hann verið mjög gjarn til að fá öndunarfærasýkingar og astmaköst, sérstaklega á veturna þegar er stillt veður með þurrk og frosti, og svifryksmyndun er hvað mest. Ég hætti að nota nagladekk fyrir tveimur árum síðan, keyri nú um á heilsársdekkjum allan ársins hring með góðri reynslu, og vil því hvetja aðra til að íhuga þetta vel. Mín reynsla af naglaleysinu er mjög góð, minni kostnaður, minni bensíneyðsla, hljóðlátari akstur og betri samviska. Og það merkilegasta er kannski, að í 90% tilfella, þ.e. þegar götur eru sæmilega auðar eða hafa verið mokaðar, þá er veggripið MUN BETRA heldur en þegar ekið er um á mjóum járnpinnum sem skauta bara ofan á hörðu malbikinu. Tölfræðilega eru nagladekk í raun hættulegri en önnur dekk, nema þú sért akandi meirihluta tímans á svelli, en í seinni tíð hafa slíkar aðstæður heyrt til undantekninga hér í borg. Þessa örfáu daga sem það gerist er bara málið að aka skynsamlega eftir aðstæðum og þá er maður oftast í góðum málum. Ég vil að lokum taka fram að þessum áróðri mínum er fyrst og fremst beint til almennra ökumanna eins og ég er sjálfur, og á ekki endilega við aðra sem þurfa að geta treyst á ökutæki sín við erfið skilyrði, t.d. vegna vinnu sinnar eða annara kringumstæðna. Við hin ættum samt sem áður að geta keyrt varlega þegar er hálka eða bara sleppa því að nota bílinn við slíkar aðstæður og labba eða taka strætó. Svo er auðvitað sumt fólk sem ætti alls ekki að hafa leyfi til að keyra að vetrarlagi nema að fara fyrst á námskeið um eðlisfræðina sem liggur að baki veggripi ökutækja, og hafa fengið almennilega þjálfun í hálkuakstri, en förum betur út í þá sálma síðar...

Svifrykið skemmir lungu barna

Fríríkið á Miðnesheiði

Besta hugmyndin sem ég hef heyrt varðandi nýtingu varnarsvæðisins fv. er sú að stofna þar fríríki í líkingu við Kristjaníu, sem vill svo skemmtilega til að er önnur yfirgefin herstöð. Íbúar þar eru nú á hrakhólum því til stendur að reka þá á brott til að rýma fyrir nýbyggingum, og væri því kærkomið ef þeir fengju samastað í sambærilegu umhverfi. Þetta myndi líka leysa ýmis innanríkisvandamál fyrir okkur. Íslendingar þyrftu t.d. ekki lengur að fara upp í flugvél til að skreppa í "Stínu", eins og margir gera reglulega þó þeir hafi kannski ekki allir hátt um það (sshhh...). Kristjanía er langmest sótti ferðamannastaðurinn og best þekkta vörumerkið í öllu Danaveldi, og væri því vel við hæfi að við myndum hirða það tromp af þeim rétt eins og Magasin o.fl. dönsk fyrirbæri. Samlegðaráhrifin við Bláa Lónið myndu margfalda ferðamannastrauminn, það er örugglega mjög þægilegt að slappa af í Lóninu eftir að gera það sem ferðamenn gera jafnan í Kristjaníu. ;) Geðslag á svæðinu yrði því allt hið rólegasta, og ferðaþjónustan á Suðurnesjum stæði í miklum blóma. Framtíð fasteigna á svæðinu væri tryggð því Kristjaníubúar hafa mikla og góða reynslu af viðhaldi gamallar byggðar. Þeir eru a.m.k. ekki með allt frosið eins og núverandi gæslumenn svæðisins (sumir íbúanna eru reyndar "freðnir" en það er allt önnur saga ;). Að lokum myndi þessi lausn fyrirbyggja mögulegan skaða sem hlotist gæti af sölu fasteignanna á opnum markaði, eins og sumir hafa lýst áhyggjum yfir. Ef eitthvað er myndi fasteignaverð á Suðurnesjum hækka, það hefur a.m.k. gert það í Kaupmannahöfn allt frá því að fríríkið var stofnað þar! Íbúarnir myndu eflaust vera tilbúnir til að hreinsa svæðið eftir herinn sem neitar að taka með sér eigin skít (sonur minn er 3 ára og meira að segja hann þrífur oftast upp eftir sig!). Og ef við skyldum hafa áhyggjur af óæskilegum fylgifiskum eins og glæpum og fíkniefnasmygli, þá má benda á að ef einhverstaðar er ákjósanlegur staður, þá er það einmitt þarna uppi á afskeggtri heiði, innan mannheldrar girðingar, með jarðsprengjusvæði og varðstöðvar allt um kring. Þetta má styðja nákvæmlega sömu rökum og þegar Valgerður Sverrisdóttir predikar fyrir uppbyggingu stóriðjuvera, þ.e. að fyrst það þarf að byggja þau einhversstaðar í heiminum hljóti að vera skást að byggja þau hér þar sem þau valda einna minnstu heildartjóni á umhverfinu samanborið við önnur lönd.

Að lokum: Áfram Ísland, því herinn er burt! (og farið hefur fé betra)

Vel útbúinn draugabær til sölu

Miðaði hann á grindverkið eða hvað? ;)

Maður hefur svosem heyrt um að krakkar að leik hafi dottið í tjörnina, en að bílar geri það er líklega nýlunda. Skondið samt að þetta skyldi einmitt gerast á eina staðnum þar sem er grindverk meðfram tjarnarbakkanum, og samt skuli hann lenda útí. ;) Allavega, gott að enginn meiddist en mikið svakalega hlýtur manninum að hafa orðið kalt í frostinu sem er núna!

Bíll í Reykjavíkurtjörn

Hefði þetta talist fréttnæmt þann 10.9.2001?

Fyrir 11. september 2001 hefði verið útilokað að fjölmiðlar utan bandaríkjanna myndu verja plássi undir svona smáfrétt. Hvort sem um er að ræða hræðslu"áróður" eða ekki þá er þetta að minnsta kosti "hræðslu-fréttaflutningur" sem er til þess fallinn að minna okkur á yfirstandandi stríðsrekstur gegn hryðjuverkum. Vonandi er allt í lagi í NY, en ósjálfrátt minnist maður þess að það var einmitt við samkonar aðstæður sem mesti fréttaatburður þessarar aldar átti sér stað. Þá á ég auðvitað við fyrirvaralaust niðurrif tvíburaturnanna (byggingar úr stáli hrynja nefninlega ekki svo glatt vegna elds og hrun þeirra minnti mest á stýrðar niðurrifssprengingar, en það er efni í aðra grein!). Fyrir fádæma tilviljun voru veðurmyndavélar á þaki hússins ekki í gangi þann dag eins og vant er, "vegna viðhalds" er opinbera skýringin. Fyrir enn merkilegri tilviljun hafði slökkvilið verið kallað til vegna gasleka í grennd við WTC, og með í för voru franskir kvikmyndagerðarmenn sem voru að taka upp heimildarmynd. Þeir náðu einu myndunum sem vitað er um af fyrri árekstrinum. Ein samsæriskenningin segir að myndavélastoppið hafi verið með ráðum gert svo engar myndir næðust af niðurrifinu, en önnur samsæriskenning segir að gasleka-útkallið hafi verið sviðsett til þess einmitt að tryggja að einhverjar myndir næðust til að spila í fjölmiðlum og hrella almenning með. Persónlega myndi ég toppa það með því að segja að bæði myndavélastoppið og gaslekinn hafi verið sviðsett, til þess að tryggja að myndir næust en þó aðeins úr hæfilegri fjarlægð til að vera gagnslítil sem heimild um hvað raunverulega varð turnunum að falli. En það væri auðvitað bara tilgáta sem verður seint hægt að sanna, enda er fyrir löngu síðan búið að moka upp leifum turnanna, brytja þær niður í frumeindir og skipa þeim um borð í skip sem fóru svo til Kína með úrganginn til urðunar. Það hlýtur að teljast einkennileg meðferð á sönnunargögnum sem varða stærsta fjöldamorð sem framið hefur verið í einu mesta her- og lögregluríki mannkynssögunnar! Vonandi er þessi gasleki núna ekki til marks um að fleiri "einkennilegar tilviljanir" séu yfirvofandi.

Bestu kveðjur til NY.

Tilkynnt um megna gaslykt í New York

Lækning fundin við sáðfyllisgremju!

Það hefur nú varla þurft hávísindalega rannsókn til að komast að þessari niðurstöðu. Kannski hefur viðkomandi prófessor bara svona litla persónulega reynslu af þessari ágætu leið til að tappa af sér (streitu þ.e.a.s. ;). En þýðir þetta ekki bara í raun að lögleiðing vændis gæti haft jákvæð áhrifa á suma? A.m.k. þá sem eiga erfitt með að ná sér í rekkjunaut, t.d. vegna sjúkdóms eða annara persónulegra kringumstæðna. Umhugsunarvert, ekki satt?

Kynlíf dregur úr streitu