Efni
RSS
Bofs
Sérfræðingur með skoðanir á öllu milli himins og jarðar.
Þessi vefdagbók er eingöngu persónulegt málgagn höfundar. Lesendur eru vinsamlegast beðnir að taka skrifin ekki allt of hátíðlega þó svo að öllu gamni fylgi jafnan nokkur alvara. Athugasemdir eru opnar öllum, vinsamlegast gætið almenns velsæmis. Allur höfundarréttur og sæmdarréttur er áskilinn.
Meirihluti Íslendinga vill hvorki Evru né ESB
26.10.2009 | 13:40
Ætli Finnar séu einmanna í Evrunni? Haft er eftir Matti Vanhanen, forsætisráðherra Finnlands, að hann vilji sjá öll Norðurlöndin innan Evrópusambandsins og á evrusvæðinu. Ólíklegt verður þó að teljast að honum verði að ósk sinni. Í Svíþjóð er almenn ánægja með ESB-aðild en hinsvegar lítill áhugi fyrir upptöku Evru. Í Danmörku stóð til að fara alla leið en aðild að myntbandalaginu er hinsvegar komin í biðstöðu því ekki er lengur pólitískur vilji fyrir hendi. Noregur er ekki í ESB og þar á bæ virðist vera mjög lítill vilji fyrir inngöngu við núverandi aðstæður. En hvað með Ísland?
Ef marka má niðurstöður nýrrar skoðanakönnunar sem Miðlun gerði fyrir vefritið Pressan.is vilja 55% Íslendinga að í peningamálum þjóðarinnar verði mörkuð stefna til framtíðar utan Evrópusambandsins með einum eða öðrum hætti. Þar af vill rúmur fjórðungur, eða 26%, að stefnan verði óbreytt og haldið í íslensku krónuna. 29% vilja taka upp erlendan gjaldmiðil einhliða, en þar af aðeins 9% evru. Einungis 24% vilja hins vegar taka upp evru með inngöngu í Evrópusambandið. 21% taka ekki afstöðu.
Það athyglisverðasta við niðurstöðurnar er þó líklega að af þeim sem taka afstöðu vilja tæp 70% að gjaldmiðilsmál Íslands verði með þeim hætti að ekki verði gengið í Evrópusambandið. Þykir það benda til þess að andstaða við ESB-aðild hafi enn aukist frá síðustu könnun sem Capacent gerði fyrir Samtök iðnaðarins um miðjan september, en þar kom m.a. fram að 61,5% aðspurðra myndu hafna inngöngu í Evrópusambandið í þjóðaratkvæðagreiðslu.
Meira um þetta hjá Heimssýn og á Pressunni. Áfram Ísland!
|
Vill Norðurlöndin á evrusvæði |
| Tilkynna um óviðeigandi tengingu við frétt | |
Athugasemdir
Við höfum ekkert að gera í ESB og það þarf að berja það inn í tómann haus samspillingaraulana. Og AGS úr landi strax
Árni Karl Ellertsson (IP-tala skráð) 26.10.2009 kl. 17:16
Halelúja!
Guðmundur Ásgeirsson, 26.10.2009 kl. 19:25
Vantar "sópran" í kórinn? (-:
Helga Kristjánsdóttir, 26.10.2009 kl. 19:59
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.