Efni
RSS
Bofs
Sérfræðingur með skoðanir á öllu milli himins og jarðar.
Þessi vefdagbók er eingöngu persónulegt málgagn höfundar. Lesendur eru vinsamlegast beðnir að taka skrifin ekki allt of hátíðlega þó svo að öllu gamni fylgi jafnan nokkur alvara. Athugasemdir eru opnar öllum, vinsamlegast gætið almenns velsæmis. Allur höfundarréttur og sæmdarréttur er áskilinn.
Frambjóðendur til Stjórnlagaþings (.xls og .csv)
29.10.2010 | 20:11
Landskjörstjórn hefur birt lista yfir nöfn þeirra sem bjóða sig fram í kosningum til Stjórnlagaþings sem fara fram 27. nóvember næstkomandi. Listinn er birtur á kosningavef dómsmála- og mannréttindaráðuneytisins í PDF skjali. Þetta skjalasnið hefur þann kost að vera læsilegt flestu fólki með auðfengnum hugbúnaði á nánast hvaða tölvu sem er. Fyrir sjálfvirka úrvinnslu með ýmsum hugbúnaði getur hinsvegar verið betra að fá gögnin á stöðluðu formi fyrir töfluupplýsingar. Ég tók mig því til og snaraði þessu yfir í Excel skjal og einnig á svokallað CSV snið (comma-seperated values) sem er auðvelt að lesa inn í flesta töflureikna og gagnagrunnskerfi. Athugið að ég ákvað að láta stafrófsröðina byrja á byrjun í stað handahófs eins og í skjali kjörstjórnar.
Sjá meðfylgjandi viðhengi, sem öllum er frjálst að nota án sértaks leyfis frá mér.
Ég minni einnig á kynningarsíðu frambjóðenda á vefritinu Svipunni.
|
Nafnalisti frambjóðenda birtur |
| Tilkynna um óviðeigandi tengingu við frétt | |
frambjodendur-til-stjornlagathings.pdfFlokkur: Stjórnmál og samfélag | Breytt 30.10.2010 kl. 00:10 | Facebook
Athugasemdir
Þakkir til þín Gummi :)
Addy Steinarrs (IP-tala skráð) 29.10.2010 kl. 20:57
Vonandi kemur þetta að gagni Addý.
Ég er reyndar ekki kallaður Gummi, en þér er fyrirgefið.
Guðmundur Ásgeirsson, 29.10.2010 kl. 21:12
Þakka þér fyrir og afsakaðu, þetta var alveg óvart
Er ég að fara mannavillt eða bjóst þú á Álfhólsveginum hér áður fyrr?
Addy Steinarrs (IP-tala skráð) 29.10.2010 kl. 22:16
Frábært framtak hjá þér Guðmundur, sem vonandi aðrir nýta sér til úttektar á frambjóðendum.
Jón Baldur Lorange, 29.10.2010 kl. 22:58
Vel gert!
Sigurður Hrellir, 29.10.2010 kl. 23:29
Addý, ég hef aldregi á Álfhólsvegi búið. Hinsvegar kannast ég við einn Gumma sem bjó þar, hann átti SAAB minnir mig.
Guðmundur Ásgeirsson, 30.10.2010 kl. 00:13
Takk fyrir svarið, það var farið að angra mig hversu líkir þið eruð og nafnar þar að auki
Nú veit ég hið rétta. Veit samt ekkert um Saabinn 
Tek undir með þeim sem hæla þér fyrir framtakið - þetta er aldeilis frábært hjá þér! Og fyrst þú svo vinsamlega gefur leyfi þá mun ég benda á þessa síðu hjá þér á framboðsíðunni minni!
Addy Steinarrs (IP-tala skráð) 30.10.2010 kl. 00:33
Gott framtak hjá þér Guðmundur, þökk fyrir.
Það er gaman að spá og spekulera t.d. í starfstéttum fólks, því óskandi væri að þingið yrði mannað sem flestum stéttum.
Fjölmennustu stéttirnar virðast vera lögmenn og framkvæmdastjórar
Svo er líka einn Íslendingur þarna
Níu framhaldsskólakennarar og nokkrir meistaranemar.
Þetta er fróðlegur listi frambjóðenda, sem veldur fyrst og fremst valkvíða og í annan stað ánægju yfir augljósum áhuga alls konar fólks.
Jenný Stefanía Jensdóttir, 30.10.2010 kl. 02:25
Takk fyrir undirtektirnar gott fólk.
Fyrir áhugasama eru hér líka tenglar á stjórnarskrár ýmissa landa:
Guðmundur Ásgeirsson, 30.10.2010 kl. 10:51
Svona eiga menn að vera. Þakka fyrir frábært framtak.
Ragnhildur Kolka, 30.10.2010 kl. 14:15
Hafðu þökk fyrir þetta Mummi.
Kv. S
Sigurjón, 5.11.2010 kl. 15:01
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.