Afhverju NEI? - 3. hluti

Hér má sjá Íslendinga úr ýmsum áttum gera grein fyrir atkvæði sínu í komandi þjóðaratkvæðagreiðslu um IceSave. Þetta er 3. hluti, fylgist með hér: Kjósum!

Hvetja landsmenn til að kjósa nei

Forystumenn VG hvetja félagsmenn og stuðningsmenn VG til að taka þátt í þjóðaratkvæðagreiðslunni um Icesave og kjósa já.

Þetta eru engin ný sannindi, þeir sem hafa fylgst með umræðunni vita þetta.

Samstaða þjóðar gegn IceSave, hvetur alla kosningabæra landsmenn til að til að taka þátt í þjóðaratkvæðagreiðslunni um Icesave og kjósa nei.

Þetta eru engin ný sannindi, þeir sem fylgst hafa með umræðunni vita þetta.

       En bara til upprifjunar:

     

 

Hvetja félagsmenn til að kjósa já

Svartháfur vs. Hvítháfur ?

Mér finnst hákarl lostæti, komdu meðann! ;)

Ég vil vekja athygli á vefkönnun sem visir.is er með núna um þessa helgi. Spurningin er einföld: Ef kosið yrði um IceSave lögin í dag, hvernig myndirðu kjósa? Einnig er spurt hvaða einstaklingi myndirðu treysta best til að leiða íslensku þjóðina en því má líka skila auðu ef maður vill bara tjá skoðun sína varðandi IceSave.

Í tilefni dagsins - 4. hluti: ársreikningur NBI

Þó það sé tæknilega ekki lengur 1. apríl þá er dagurinn ekki alveg búinn fyrr enn maður fer að sofa.

Nýi Landsbankinn sendi frá sér afkomutilkynningu ársins 2010 og ársreikning í dag. Það var kannski táknrænt að þessi furðulegi efnahagsreikningur sem allavega þessa stundina er álitinn rekstrarhæfur banki, skuli senda frá sér þessar upplýsingar í dag, föstudaginn 1. apríl 2011. Vonandi er ársreikningurinn ekki jafn falskur og öll hin aprílgöbbin í dag.

Ég er ekki búinn að kryfja rekstrarniðurstöðrnar sérstaklega en bæti kannski meiru við smám saman hér um það. Bankinn skilar myndarlegum hagnaði eins og hinir tveir, 27,2 ma.kr. eða rétt rúmlega sá vaxtakostnaður sem myndi gjaldfalla við undirritun IceSave samninga á þessu ári. Ætli upphæðin sé eitthvað meira en tilviljun?

Einnig vekur athygli að sveiflur í verðmati, bæði vegna gengisdóma og bjartsýnni endurheimtuhorfum, eru umtalsverðar. Getur verið að hagnaðurinn sé eintóm froða sem er búin til með því að breyta matsreglum? Íslandsbanki hagnaðist um álíka upphæð og helmingur hennar var tilkomin vegna slíkra bókhaldsfimleika.

Einnig er rétt að benda á að hækkað eignamat jafngildir hækkun endurheimtumats skilanefndar gamla bankans vegna IceSave. Þetta hangir allt saman eins og ég hef áður lýst, um naflastreng frá IceSave inn í hjartað á íslensku atvinnulífi.

Meira um um þetta síðar. Miklu meira!

27,2 milljarða hagnaður Landsbanka

Í tilefni dagsins - 3. hluti: SÖKKÖMB

SØKKØMB er ný og hagkvæm lausn, sérhönnuð fyrir sjálfskipað áhugafólk um beint réttlæti.

Ertu fullur orku? Hefurðu stundum meira á þinni könnu en þú ræður við? Verðurðu sífellt reiðari vegna yfirgangs bankastjóra, innheimtumanna þeirra og annara glæpamanna? Viltu útrýma skipulagðri glæpastarfsemi úr þinni heimabyggð?

Nútíminn gerir sífellt meiri kröfur um hraðvirkar og árangursríkar lausnir, og nú gefst þér tækifæri til að tryggja öryggi þitt og fjölskyldu þinnar með einni slíkri. Þegar öll fjölskyldan hjálpast að við að setja SØKKØMB fallöxina saman heima í stofu muntu finna innri frið er þú hugsar til þess að refsingin muni framvegis verða í samræmi við afbrotið. Í vernduðu friðhelgi heimilisins munt þú nú taka völdin aftur í þínar hendur og verða eigin húsbóndi á ný.

SØKKØMB er framleidd úr gegnheilli stafafuru og útbúin með sterkbyggðu blaði úr ryðfríu stáli. Hún er létt, fyriferðarlítil (tekur aðeins hálfs fermetra gólfpláss samansett), endingargóð, og hefur verið ítarlega þolpróuð við raunverulegar aðstæður! Rétt eins og allar okkar vörur fylgir henni þriggja ára verksmiðjuábyrgð m.v. heimilisnotkun (allt að 100 skipti á dag).

 

     Verð: aðeins €99,-

Skrúfur, festingar, samsetningaráhöld og leiðbeiningar innifalin.