Verðtryggðar skammtímaeignir

Ef vel er að gáð sést að skilagjald gosdrykkjaumbúða þróast alltaf í samræmi við hækkun vísitölu neysluverð yfir lengri tímabil. Þessi tímabil koma vissulega í skrefum, vegna þess að hækkunin er alltaf króna í senn. Þessi fylgni kemur ekki í ljós nema þetta sé skoðað yfir lengri tímabil en eitt ár í senn.

Athyglisvert að dósasafnarar séu eina stéttin með verðtryggðar tekjur.

Endurvinnslan hækkar skilagjald

Höldum þá þjóðaratkvæðagreiðslu

...um hvort það skuli yfir höfuð sækja um aðild að Evrópusambandinu, fyrst það er svoleiðis sem fólk hafa þetta. Ekki get ég færst undan því, hafandi staðið fyrir a.m.k. einni undirskriftasöfnun sem leiddi til þjóðaratkvæðagreiðslu og stutt aðra slíka sem fram fór.

En kjósum þá gjarnan um hvort sækja eigi um aðilda að Evrópusambandinu.

Var það gert í fyrra sinnið?

Nei það var ekki gert og þess vegna ber að afturkalla það óhæfuverk.

P.S. Fyrir þá sem myndu vilja "kíkja í pakkann" þá er hann hérna: http://www.evropustofa.is/fileadmin/Content/Publications/PDFs/Lissabon-heildarskjal.pdf

Endilega kíkið þá í hann ef þið hafið mikinn áhuga á því.

19 þúsund vilja þjóðaratkvæði

Rannsóknarskýrsla um Dróma löngu komin fram

Hér má finna rannsóknarskýrslu Hagsmunasamtaka heimilanna um afdrif SPRON og stofnun og starfsemi Dróma hf. í kjölfarið, sem var gefin út fyrir löngu.

http://www.scribd.com/doc/187827002/2013-HH-Rannsoknarskýrsla-Dromi

Þessi skýrsla, sem hefur verið send rannsóknarnefnd sparisjóðanna, kostaði skattgreiðendur ekki krónu. Þess má geta að rannsóknin sem og ritun skýrslunnar var unnin í sjálboðavinnu.

Frjáls framlög eru velkomin á reikning Hagsmunasamtaka heimilanna.

Skýrsla um sparisjóði innan mánaðar

Vindbelgir allan hringinn

„Það er ekki hægt að kalla háttsemi hans annað en pólitísk umboðssvik,“ sagði Össur Skarphéðinsson, þingmaður Samfylkingarinnar og fyrrverandi utanríkisráðherra, um loforð Bjarna Benediktssonar, formanns Sjálfstæðisflokksins, þess efnis að þjóðin fengi að greiða atkvæði um framhald viðræðna við ESB.

 Sá sem þetta skrifar ætlar ekki að gera lítið úr því að báðir umræddir séu vindbelgir.

En hvað með Össur sem sótti um aðild að ESB án undangenginnar þjóðaratkvæðagreiðslu?

Geta menn leyft sér að bera fram svona tvískinnung og halda áfram þingsæti sínu?

Samkvæmt sínum eigin orðum hlýtur Össur að verða að segja af sér.

NÚNA!

Sakaði Bjarna um pólitísk umboðssvik

Aumlegar mótmælaaðgerðir

Samkvæmt talningu lögreglu voru um 3.500 manns á mótmælum sem boðað hafði verið til í dag vegna þeirrar ákvörðunar stjórnvalda að draga til baka ólýðræðislega og ólöglega umsókn fyrri ríkisstjórnar um aðild Íslands að Evrópusambandinu sem var lögð fram án undangenginnar þjóðaratkvæðagreiðslu.

Sem betur fer eru andstæðingar lýðræðis í Evrópumálum ekki fleiri en raun ber vitni.

En til samanburðar þá voru tífalt fleiri á mótmælum í október 2010 þegar krafist var tafarlausra aðgerða til þess að taka á skuldavanda heimilanna af myndugleik. Hvers vegna er þessi sami fjöldi ekki mættur núna til þess að mótmæla því að núverandi ríkisstjórn hafi ekki staðið við loforð þess efnis?

Íslenskt samfélag hefur tekið fram úr sér í óskiljanleika.

Góðar stundir.

Enn er mótmælt á Austurvelli