Raftækjabransinn áhættusamur?

Fram að þessu hafa það aðallega verið fjármálafyrirtæki sem hafa fengið að kenna á kreppunni, og svo nú síðast flugfélög sem er svo sem ekki nýtt því það hefur alltaf talist áhættusamur rekstur. Nú síðast gætir hinsvegar þess nýmælis að raftækjakeðjur falla hver á fætur annari að því er virðist. Í Danmörku var það Merlin í eigu Árdegis, sem lýsti svo í kjölfarið yfir gjaldþroti BT hérna heima, og svo núna Circuit City sem er nokkurskonar Elko þeirra Bandaríkjamanna. Ætli sé svipað uppi á teningnum víðar? Ég hef haft fregnir af því að ýmsar smærri rafeindaverslanir séu í vandræðum og byrjaðar að segja upp starfsfólki. Smásöluverslun með raftæki virðist því vera talsvert áhættusamari rekstur en margan hefði grunað fyrir örfáum misserum þegar flatskjáabrjálæðið stóð hvað hæst!

Óskar eftir greiðslustöðvun

Athugasemdir

[Róbert Tómasson, 10.11.2008 kl. 22:06]

Mér þykir svo sem ekkert einkennilegt að harðni á dalnum hjá þessum verslunum, þær ganga jú flestar út á það að selja okkur tískuvörur sem við getum vel verið án.