Megi þau stikna í neðra!

Þessir fráfarandi stjórnendur byggingafélags námsmanna eru spilltir inn að beini, fyrir þessu hef ég ekki bara heimildir heldur persónulega reynslu! Ég bjó í þrjú ár í húsnæði frá þeim með konu og tvö lítil börn, kyndingin var ónýt og börnin því alltaf hálflasin, sem leiddi á endanum til þess að ég hraktist úr námi. Í húsinu var sjaldan svefnfriður fyrir partístandi, og virtist því vera lítið sinnt þó svo löggan hefði margoft verið kölluð til vegna ónæðis, a.m.k. héldu lætin alltaf áfram.

Í hinum enda hússins bjó fólk sem hvorugt var í námi en það er skilyrði fyrir að fá aðgang að þessu húsnæði sem er niðurgreitt og styrkt af hinu opinbera, síðar kom í ljós að sá sem þar bjó var skyldur einum á skrifstofu byggingafélagsins! Við gerðum framkvæmdastjóra félagsins viðvart um þessa misnotkun á húsnæði félagsins, en vorum sjálf um svipað leyti að segja upp leigunni og flytja í eigið húsnæði. Ég veit ekki hver voru viðbrögðin önnur en þau að við fengum sendan reikning fyrir viðgerðum á meintum skemmdum á íbúðinni upp á ígildi hálfs árs leigu hvorki meira né minna! Og það fyrir (að mestu leyti) eðlilegt slit eins og á málningu (Málning hf), hurðum og gólfefnum (Kährs, Egill Árnason), sem voru svo léleg að ef ég hefði keypt þau sjálfur væri ég löngu búinn að skila þeim og fá endurgreitt! Skipti þar engu að þessi upphæð var langt undir því lögboðna hlutfalli af greiddri leigu sem gera skal ráð fyrir í eðlilegt viðhald vegna slits, þannig að í raun hefðu þeir átt að þakka okkur fyrir að vera hagkvæmir leigjendur! En nei, í staðinn átti einfaldlega að reyna að kúga okkur til að bera ALLAN kostnaðinn af því að undirbúa íbúðina fyrir næstu leigjendur. Þar að auki var um algjört okur að ræða, það kostar ekki morðfjár að heilmála eina íbúð! Nýja íbúðin okkar var 50% stærri og kostaði málning á hana um kr. 20.000 og vinnan tók 2-3 daga fyrir tvo menn, ef ég væri á sama taxta og þessir málarar virtust vera, þá væri ég fyrir löngu síðan orðinn milljónamæringur!

Endurtek að við höfðum búið þarna í þrjú ár, í nýlegu húsi sem var þó svo lélegt að einn veturinn sprungu fullt af rúðum þar út af frostinu einu saman! Samt sem áður hefur sami verktaki (Þórtak) fengið úthlutað flestum nýbyggingum á vegum félagsins síðan þá, hmmm... einkennilegt. Ég hafði rætt þennan slaka frágang og léleg gæði húsnæðisins oft og mörgum sinnum við umsjónarmann fasteigna BN sem tók undir þá skoðun mína að t.d. málningin á veggjunum væri einfaldlega ónýt frá upphafi og parketið stæði engan veginn undir væntingum miðað við gefin loforð í auglýsingum. Framkvæmdastjórinn virtist ekki á sama máli, a.m.k. var endurmálun íbúðarinnar bróðurpartur af upphæðinni sem okkur var gert að greiða. Og það hefðum við sennilega þurft að gera ef sá er þetta ritar hefði ekki kjaftinn á réttum stað, fyrir neðan nefið og ofan hökuna þ.e.

Guð má vita hversu marga aðra fátæka námsmenn þeir hafa reynt að taka í ra*****ið með þessum hætti. Ég vona heitt og innilega að Sigurður fráfarandi frkvstj. BN verði dæmdur í langa refsivist, og helst að hann lendi í klefa ásamt dæmdum nauðgara með óræða kynhneigð! ("Beygðu þig eftir sápunni kallinn minn!")

*Viðbót 16 maí 2008* Teitur, ég var líka að leigja í Grafarholtinu, n.t.t. í brúnu blokkinni við Kristnibrautina. Og já, eitt gleymdi ég að nefna: þegar okkur var afhent íbúðin upphaflega var hún grútskítug eins og trésmíðaverkstæði, það voru meira að segja skítablettir á gólfinu við klósettið, en við vorum með fyrstu leigjendum þarna þegar húsið var nýbyggt (hálfbyggt?!). Svo var ráðinn húsvörður sem fékk heila íbúð til eigin afnota (var ekki í námi), en hver hans kjör voru að öðru leyti veit ég ekki. Seinna var okkur sagt af kunningja sem til þekkti, að tengsl væru milli húsvarðarins og verktakans sem byggði húsið fyrir BN.

Fjármálamisferli kært

Athugasemdir

[teitur (IP-tala skráð) 2.5.2008 kl. 20:56]

Gott að vita af þessu, ég er að leigja í grafarholtinu, bara forvitnast hvar varst þú að leigja ?