Seðlabanki Bandaríkjanna uppgötvar greiðslumat

Stjórn Seðlabanka Bandaríkjanna (Federal Reserve) sendi í gær frá sér fréttatilkynningu þar sem stungið er upp á að byltingarkennd nýjung verði innleidd á bandarískan húsnæðismarkað: GREIÐSLUMAT.

Hugmyndin gengur út á að meta greiðslugetu lántakenda áður en þeim eru veitt húsnæðislán og á hún sér lagagrundvöll í svokölluðum "Truth in Lending Act (TILA)" sem mætti íslenska sem Lög um sannleika í lánastarfsemi. Nái tillagan fram að ganga má leiða líkur að því að svokölluðum "lygaralánum" (liar loans) muni fara fækkandi, en þau eru talin geta haft skaðleg áhrif á efnahagslífið.

Hækkanir á Wall Street

Athugasemdir

[Jóna Kolbrún Garðarsdóttir, 21.4.2011 kl. 00:53]

Rosalega byltingarkennd hugmynd

[Arnór Baldvinsson, 21.4.2011 kl. 05:12]

Sæll Guðmundur,

Þessi lán, sem ganga undir heitinu liar loans, voru og eru mikið veitt sjálfstæðum atvinnurekendum, sem eiga oft erfitt með að sýna fram á nákvæmlega hverjar tekjurnar eru þar sem þeir eru ekki með fyrirtæki og því er reksturinn og persónulegur reikningur nánast sá sami. 

Við vorum með þennan hátt í nokkur ár og m.a. endurfjármögnuðum húsnæðislán á þeim tíma.  Það var langt frá því að vera eitthvað einfalt mál og vissulega fór fram greiðslumat, en það gat aðeins stuðst við skattframtöl og önnur gögn sem krafist var af okkur, en ekki launaseðla þar sem við borguðum okkur ekki laun!  Tekjur hjá einkafyrirtækum eru líka yfirleitt sveiflukenndar og því er erfitt að gera nákvæmt greiðslumat.  Í okkar rekstri síðustu 11 ár þá hefur tekjuhæsti mánuðurinn verið meira en 10 faldar tekjur miðað við þann tekjulægsta og tekjuhæsta árið nálæt 3 falt það tekjulægsta. 

Það er auðvitað allt annað að endurfjármagna heldur en að fá upphaflegt húsnæðislán þar sem við áttum húsið og það stóð meira en undir láninu.  Og því miður voru þessi lán misnotuð herfilega af fólki og miðlurum sem skálduðu upp tekjur sem aldrei voru til.  En það þurfa samt að vera til staðar húsnæðislánamöguleikar fyrir þá sem eru í einkarekstri og geta ekki gefið upp tekjur nema af eigin framtölum.  Hér er sjaldgæft eða óþekkt að afrit af framtölum séu afhent frá skattstofunni (IRS) og því er það undir viðkomandi að koma með eigin skattframtöl.  Ef ekki eru til launaseðlar eða greiðsluseðlar þá er ekki svo einfalt mál að fá upplýsingar um tekjur nema frá þeim sem aflar þeirra.  Það eina sem t.d. við höfum til þess eru skattframtöl og reikningsyfirlit frá bankanum, þar sem við borgum okkur ekki laun heldur eru tekjur okkar hagnaðurinn af rekstri fyrirtækisins, en við erum með LLC - Limited Liability Corporation. 

Kveðja,