32:30

Vantrauststillaga á ríkisstjórnina var felld, eins og við var að búast.

Það dró helst til tíðinda að enn fækkar í stjórnarliðinu, Ásmundur Einar Daðason hefur ákveðið að segja sig úr þingflokki VG, og mun hann þar með slást í hóp Atla Gíslasonar og Lilju Mósesdóttur sem standa utan þingflokksins.

Vantrauststillaga felld

Athugasemdir

[Jón Ingi Cæsarsson, 14.4.2011 kl. 10:37]

Maður kemur í manns stað eins og sjá mátti... og lélegt var fylgið við þingrof og nýjar kosningar.

[Guðmundur Ásgeirsson, 14.4.2011 kl. 14:43]

Það er vegna þess að það er engin sérstök stemning fyrir því að rjúfa þing á þessum tímapunkti. Við erum nýbúin með eina kosningabaráttu og höfum varla þrek í aðra strax. Auk þess held ég að þess verði ekki langt að bíða að ríkisstjórnin liðist í sundur af eigin rammleik hvort sem er.

[Svavar Bjarnason (IP-tala skráð) 14.4.2011 kl. 15:34]

Þingmenn VG skrifuðu upp á stjórnarsáttmálann. Ég hef velt því fyrir mér hvort Ásmundur, og kannski fleiri þar innanborðs, séu haldin lesblindu.

[Guðmundur Ásgeirsson, 14.4.2011 kl. 21:11]

Er stjórnarsáttmáli undirritaður og lagalega bindandi samningur? Eða er hann meira í ætt við einhverskonar stefnumótunarplagg?

Hafa allir stjórnarliðar, þar með talið í hinum stjórnarflokknum, fylgt stjórnarsáttmálanum í þaula?

Hafa allir stjórnarliðar, þar með talið í hinum stjórnarflokknum, fylgt lögum í einu og öllu? Hafa aðrir samningar sem stjórnarflokkarnir hafa staðið að verið í samræmi við lög, eða meirihlutaviljavilja þjóðarinnar?

Svörin við þessum spurningum hljóta að gefa vísbendingu um hversu mikið sé að marka svona plagg um ríkisstjórnarsamstarf þessara aðila.

[Svavar Bjarnason, 14.4.2011 kl. 21:56]

Stjórnarsáttmáli er málamiðlun, í þessu tilfelli milli tveggja stjórnmálaflokka.

Slíkum sáttmála er ekki breytt nema með samþykki beggja aðila.

Þessir aðilar sem hlaupið hafa undan merkjum, voru áður búnir að skrifa upp á þennan sáttmála.

Ósköp einfalt.