Skulda 83% af árstekjum

Þegar rýnt er í opinberlega aðgengilegar upplýsingar um fjármál stjórnmálasamtaka kemur í ljós að íslenskir stjórnmálaflokkar fá ríflega helming samanlagðra árstekna sinna úr ríkissjóði. Samtals skulda flokkarnir tæplega 83% af árstekjum sínum, eða rúmar 567 milljónir. Þetta skiptist auðvitað misjafnlega niður á einstaka flokka, kíkjum á yfirlit:

• *Borgarahreyfingin 402% (7 milljónir)
• Framsóknarflokkur 241% (253 milljónir)
• Vinstrihreyfingin 121% (123 milljónir)
• Samfylkingin 63% (107 milljónir)
• Sjálfstæðisflokkurinn 25% (78 milljónir)
• Hreyfingin 19% (200 þús.)
• Samtök Fullveldissinna 0% (0 kr.)

Samtök Fullveldissinna, yngsti skráði stjórnmálaflokkur landsins, skera sig algjörlega úr frá öðrum flokkum. Auk þess að vera algjörlega skuldlaus skiluðu samtökin, ásamt Hreyfingunni, afgangi af rekstri sínum á árinu. Loks var ársreikningur samtakanna sá eini sem var skilað innan lögboðinna tímamarka, eða fyrir 1. október síðastliðinn. Samkvæmt lögum um fjármál stjórnmálasamtaka eru tímanleg skil ársreikninga skilyrði fyrir úthlutun ríkisframlaga til stjórnmálastarfsemi, en á fjárlögum ársins 2009 nam sú fjárhæð samtals 436,5 milljónum króna.

• Fjármál stjórnmálasamtaka (samantekt)

 *Rétt er að geta þess að tiltölegulega hátt skuldahlutfall Borgarahreyfingarinnar á sér að mesu leyti eðlilegar skýringar þar sem um fyrsta starfsár hennar var að ræða og kosningaár.

Flokkarnir töpuðu tugum milljóna á kosningaári

Athugasemdir

[Jóna Kolbrún Garðarsdóttir, 4.3.2011 kl. 01:20]

Hvernig getur fólk treyst stjórnmálaflokkum sem geta ekki einusinni rekið sjálfa sig án skuldsetningar?  Maður spyr sig....

[Vendetta, 4.3.2011 kl. 01:26]

Ættu ekki skuldir Borgarahreyfingarinnar og Hreyfingarinnar að slást saman svona hugmyndalega séð, þar eð Borgarahreyfingin tók á sig öll útgjöldin við að koma Hreyfingunni inn á þing. Þ.e.a.s. ætti ekki Hreyfingin að taka á sig einhverjar af skuldum Borgarahreyfingarinnar?

[Guðmundur Ásgeirsson, 4.3.2011 kl. 01:52]

Vendetta: það sem gerist er að á síðasta og þessu ári, og hugsanlega því næsta, fær Borgarahreyfingin peninga sem fylgja þeim fjórum þingmönnum sem komust á þing fyrir hennar hönd á sínum tíma. Þessa peninga getur núverandi stjórn Borgarahreyfingarinnar svo notað til að endurgreiða uppsafnaðar skuldir vegna kosningabaráttunnar 2009, ásamt öðrum rekstrarkostnaði. Þess vegna lét ég þess getið að þarna væri um sérstakt tilvik að ræða.

[Vendetta, 4.3.2011 kl. 02:02]

Já, fyrirgefðu, ég sá ekki smáa letrið. Hefurðu íhugað að fara að selja tryggingar?

[Jóna Kolbrún Garðarsdóttir, 4.3.2011 kl. 02:34]

Hreyfingin fær ekki krónu, Borgarahreyfingin fær marga tugi milljóna á hverju ári af fjárlögum.  Síðan Hreyfingin gekk út af landsfundinum fræga forðum daga, hefur hún ekki fengið krónu af fjárlögum vegna stjórnmálaflokka......

[Guðmundur Ásgeirsson, 4.3.2011 kl. 02:51]

Þetta er nokkurnveginn rétt Jóna Kolbrún. Ég held hinsvegar að það séu ekki neinir tugir milljóna sem Borgarahreyfingin fær, kannski einn tugur eða svo. Annars koma þær tölur væntanlega í ljós fyrir 1. október á þessu ári.

Svo á alveg eftir að koma í ljós hvort þessir flokkar eiga nokkuð rétt á þessum peningum fyrst þeir skiluðu ekki ársreikningi á réttum tíma...

[Guðmundur Ásgeirsson, 4.3.2011 kl. 02:53]

Vendetta: nei, en ég fatta hvað þú meinar.

[Magnús Ágústsson, 4.3.2011 kl. 14:33]

eg er sammala Jonu

eigm vid ad treysta folki til ad reka rikid sem ekki getur rekid sinn flokk?

eg varpadi theyrri hugmynd i loftid fyrir nokkrum manudum sidan ad  vid aettum ad fa utanthings stjorn

gefa ollum flokkur fri i 2 ar og ad allar peningagreydslur til theyrra yrdu notadar til ad baeta velferdarkerfid

a thessum 2 arum geta flokkarnir endurskipulagt sig med smaum fralsum framlogum (ekki fra bonkum eda ODRUM FYRIRTAEKJUM) 

kannski er eg barnalegr ad thetta verdi ad veruleika en thad sakar ekki ad vona ad vid faum ospilt folk a thing

eg er reyndar theyrrar skodunar ad thesi 3 sen eiga saeti a thingi med heryfingunni seu ekki spillt en eg thvi midur treysti ekki odrum flokkum tharna