Icesavings höfðar mál gegn hollenska seðlabankanum

Hagsmunahópur hollenskra innstæðueigenda sem töpuðu samtals jafnvirði fjögurra milljarða króna umfram þá tryggingu sem hollenska innlánstryggingakerfið veitti, hafa höfðað skaðabótamál gegn hollenska seðlabankanum fyrir að vanrækja eftirlitsskyldu sína þegar hann leyfði Landsbankanum að hefja þar móttöku innlána undir merkjum IceSave. Hollensku sparifjáreigendurnir gátu ekki gert sér grein fyrir raunverulegri stöðu Landsbankans fyrr en of seint, en vita nú eftir á eins og aðrir að þetta var eintóm svikamylla sem íslenska þjóðin ber ekki sök á. Fyrst að hollenski seðlabankinn sem tilheyrir seðlabankakerfi evruríkjanna lét sjálfur blekkjast, hlýtur að teljast útilokað að almenningur hafi haft nokkur tök á að vita betur, hvað þá að afstýra tjóni.

DV segir frá:

Icesavings, hópur Icesave innistæðueigenda hófu málaferli í þessari viku gegn seðlabanka Hollands, De Nederladsche Bank, fyrir skort á eftirliti með Icesave. Samkvæmt Icesavings sýndi seðlabankinn af sér mikla vanrækslu með því að tryggja ekki betra eftirlit með Icesave innistæðureikningunum.

Seðlabanki Hollands hefur haldið því fram að hann hafi verið grunlaus um slæma stöðu íslensku bankanna þegar hann heimilaði Icesave innistæðureikninga í Hollandi.
Icesaving hópurinn segir að íslenska bankakerfið hafi verið í andarslitrunum þegar Icesave hóf innreið sína til Hollands og segja bankann því hafa brugðist eftirlitsskyldu sinni.

Þeir hafa því höfðað mál gegn seðlabanka Hollands til greiðslu 25 milljón evra, en það mun vera upphæðin sem þeir töpuðu vegna Icesave reikninganna.

Hver er fréttin nákvæmlega?

Ólafur Ragnar Grímsson, forseti Íslands, fundaði í gær með Sturlu Jónssyni og Arngrími Pálmasyni um fjármál einstaklinga og samskipti þeirra við bankastofnanir og opinbera aðila. Miðað við fordæmin ætti varla lengur að þykja fréttnæmt þó að forsetinn gæti jafnræðis meðal þeirra þegna sem óska áheyrnar hans, enda er hann með því aðeins að framfylgja stjórnarskrá lýðveldisins sem fleiri mættu taka sér til fyrirmyndar.

En hvað er þá fréttnæmt við þetta? Kannski eftirfarandi:

• Forsætisráðherra fundar ekki með almenningi um hagsmuni heimilanna
• Fjármálaráðherra fundar ekki með almenningi um ríkisfjármálin
• Viðskiptaráðherra fundar ekki með almenningi um framferði bankanna
• Velferðarráðherra fundar ekki með almenningi um húsnæðismál
• Innanríkisráðherra fundar ekki með þolendum afbrota í fjármálakerfinu

Munið svo eftir að taka þátt í Undirskriftasöfnun Heimilanna:

 

Forsetinn fundar um skuldir heimilanna

Ilmur eða fnykur?

Athyglisverðar, þessar ólíku fyrirsagnir um eitt og sama málið:

02:16

Kannabisilm lagði út á götu

03:13

Lögreglan rann á kannabisfnyk

 

Lyktgæðin eru augljóslega smekksatriði í þessu tilviki.

Og tveir miðlar sem eru gjarnan á öndverðum meiði.

Kannabisilm lagði út á götu

Varúð: þjófahyski á ferð um Austfirði

Í gærkvöldi var ræningjaflokkur sendur keyrandi langleiðina austur á Djúpavog í skjóli nætur með stærðarinnar flutningabíl til að sækja ætlaðan ránsfeng.

Þeim varð þó ekki kápan úr klæðinu, því árisull eigandi kom að þeim við verknaðinn, lagði bíl sínum þvert yfir veginn og hindraði brottnámið af slíkri hugdirfsku að meðlimir Saving Iceland gætu roðnað úr afbrýðisemi.

Því næst var lögregla kölluð til og glæpagengið sent tómhent til baka, en þó með loforð upp á vasann um að verktakinn greiði "verndargjald" gegn því að fá að halda tækjum sínum, í bili það er að segja.

Nei þetta er ekki saga af ítölsku mafíunni, heldur íslenska fjármálafyrirtækinu Lýsingu, handrukkurum þess og meðsekri lögreglu.

Hversu lengi ætlar innanríkisráðherra að láta niðurlægja sig með vanvirðu sem þessari við nýlega útgefin tilmæli sín?

Hvers vegna hafa höfuðstöðvar þessarar skipulögðu glæpastarfsemi ekki verið rýmdar og innsiglaðar og höfuðpaurarnir settir í járn?

Og hversu lengi ætlar lögreglan að gerast sek um hegningarlagabrot með vanrækslu á lögboðnum starfsskyldum sínum að þessu leyti?

Ég bara spyr?

Bankahrun í þann mund að hefjast!

Fjármálakerfi Evrópu er í þann mund að hrynja ef þið skylduð ekki hafa tekið eftir því, og bankaáhlaup stendur yfir. Búið ykkur undir það sem koma skal. Trúið mér ef þið viljið en ekki skamma mig fyrir afleiðingarnar, hverjar sem þær verða.

"Skástu" fréttirnar í dag voru óstaðfestur orðrómur sem fór á kreik í dag um að Brasilía myndi ásamt Kína, Indalandi og Rússlandi (BRICs) halda áfram að kaupa skuldir evruríkja. Fjármálamarkaðirnir tóku við það hækkunarkipp sem entist í innan við eina mínútu. Það var ekki einu sinni beðið eftir því að orðrómurinn yrði borinn til baka áður en hlutabréfaverð hrundi aftur.

P.S. Tókuð þið aftir því að prins Al-Thani frá Qatar viðskiptafélagi Kaupþings er núna í óðaönn að kaupa hlutabréf í grískum bönkum? Þetta er svo sambærilegt ástand við haustið 2008 að það er nánast hrollvekjandi!