Ekkert hlaup?

Í almannavarnamistöðinni í Skógarhlíð borða menn hraun og drekka gos, enda tíðindalaust af gosstöðvum þó svo að jörðin skjálfi og hristist. Ætli það hafi enginn stolist til að narta í hlaup á vaktinni í gær? Það er kannski ekki samrýmanlegt neinni hjátrú, því auðvitað vona allir að ef það gjósi þá komi ekki svo stórt hlaup að það valdi tjóni í byggð.

Borða Hraun og drekka gos

Efni í áramótaskaupið!

Á vef RÚV kemur fram að sjórn SMÁÍS, Samtaka myndrétthafa á Íslandi, hafi óskað eftir því að félagið verði tekið til gjaldþrotaskipta. Ástæðan er sögð vera brot fyrrverandi framkvæmdastjóra samtakanna, sem stjórnin segir hafa viðgengist í mörg ár.

Það sem gerir þetta mál að einum stórum brandara, er að brot hins fráfarandi framkvæmdastjóra felast meðal annars í því að hafa ekki staðið skil á greiðslu afnotagjalda fyrir hugbúnað sem samtökin keyptu eða hafa í það minnsta haft afnot af.

Einnig er um að ræða margvíslegt misferli, þar á meðal skilasvik vegna lögboðinna gjalda, sem geta varðað fangelsi ef umfang brotanna telst nægilegt til að réttlæta slíka refsingu.

Það segir átakanlega sögu fyrir þessi samtök, að fall þeirra skuli mega rekja til þess, meðal annars, að hafa ekki virt höfundarrétt! (Skot í fótinn myndu sumir segja.)

Eldgosaspá bofsins

Gos mun koma upp ca. 15 km SA við Kistufell nálægt jaðri Vatnajökuls innan 48 klst. Annaðhvort rétt eða rangt, um það er engin leið að segja núna.

Þetta er bara til gamans og forvitni.

Góðar stundir.

Nærri 200 manns á skjálftasvæðinu

Hver tekur við sem dómsmálaráðherra?

Hanna Birna Kristjánsdóttir innanríkisráðherra hefur sagt af sér embætti dómsmálaráðherra vegna ákæru sem hefur verið gefin út á hendur öðrum af tveimur aðstoðarmönnum hennar fyrir að leka viðkvæmum persónuupplýsingum til fjölmiðla og ærumeiðingar með því að eiga við og breyta innihaldi í opinberu trúnaðarskjali. Þetta eru grafalvarlegar ákærur.

Samkvæmt fyrstu fréttum virðist sem Hanna Birna ætli samt að sitja áfram sem ráðherra yfir öðrum málaflokkum ráðuneytisins. Hún ætlar semsagt að segja upp hluta starfsins, en halda restinni og þá væntanlega vera samgöngu- og kirkjumálaráðherra. Hún ætlast vonandi ekki til að halda líka launaávísuninni óskertri þrátt fyrir lækkað starfshlutfall, en ef svo er þá yrði það athyglisvert fordæmi fyrir aðrar launþegastéttir.

Því sjónarmiði hefur verið velt upp í almennri umræðu um þetta mál, að þar sem Hanna Birna hefur ítrekað fullyrt opinberlega að skjalið hafi ekki komið frá ráðuneytinu og haldið því fram að útilokað sé að einhver af hennar starfsmönnum hafi lekið því, kunni hún að hafa gerst sek um að hylma yfir með hinum seka, komi síðar í ljós að það hafi þrátt fyrir allt verið einhver af undirmönnum hennar.

Samkvæmt almennum hegningarlögum jafngildir yfirhylming í þessu tilfelli meðsekt þess sem hylmir yfir. Sé sá meðseki yfirmaður hins seka skal refsingin vera allt að helmingi þyngri en fyrir brot hins seka. Þar sem brotið hefur valdið velferðarmissi fyrir þolandann þá liggur við því fangelsisrefsing að lágmarki 2 og að hámarki 16 ár. Hanna Birna gæti því hugsanlega verið að horfa fram á 3-24 ára fangelsi verði aðstoðarmaðurinn fundinn sekur.

Loks er rétt að taka fram að með þessu er ekki verið að gefa í neitt í skyn um afstöðu til sektar eða sýknu, enda á hinn ákærði rétt á því að fá úrlausn um hana með réttlátri málsmeðferð fyrir þar til bærum dómstól, en ekki á bloggsíðum. Ég vil því vinsamlegast óska þess fyrir fram að lesendur virði það kjósi þeir að skrifa athugasemdir hér fyrir neðan.

Þetta er ekki níðpistill á hendur nokkrum manni heldur er tilgangurinn einfaldlega að varpa ljósi á alvarleika málsins samkvæmt þeim refsiramma sem gildir um ákæruliðina.

Aðstoðarmaður Hönnu Birnu ákærður

SEGJAST fara eftir siðareglum frá 2011

... en gera það ekki í reynd.

(Sko, ég leiðrétti þetta fyrir ykkur. :)

Fara eftir siðareglum frá 2011