Báru ábyrgð á öryggismálum WTC

Glitnir banki hefur nú ráðið bandaríska ráðgjafafyrirtækið Kroll Inc. til að rannsaka grun um óeðlilegar millifærslur í aðdraganda bankahrunsins.

Meðal þess sem Kroll hefur áður haft umsjón með voru öryggismál í tvíburaturnunum og öðrum byggingum World Trade Center sem voru eyðilagðar í árásunum á New York þann 11.9.2001. Eins og flestir vita þá brugðust allar öryggisráðstafanir gjörsamlega, öryggiskerfið búið að vera óvirkt í tvær vikur "vegna viðgerða" og myndavélar á þakinu sem alla jafna voru með beina útsendingu hefðu getað náð mikilvægum sönnunargögnum og líklega besta fréttatengda myndefni sögunnar, ef ekki hefði á óútskýranlegan hátt verið slökkt á þeim aðeins þennan eina dag.

En þetta eru örugglega allt saman bara óheppilegar tilviljanir þannig að ég ætla ekki einu sinni að nefna öll "óhreinu" og minna þekktu málin sem þetta fyrirtæki hefur verið viðriðið, með eða án samstarfs við vestrænar leyniþjónustur og ýmsa skuggalega leikmenn í "þriðja heiminum". Af samsæriskenningum er nóg að finna um Kroll svo ekki sé minna sagt, en eins og máltækið segir: Þar sem er reykur eru góðar líkur á að sé einhversstaðar eld að finna.

Mér er því spurn: hverju má eiginlega búast við að áðurnefnd rannsókn á Glitni muni skila öðru en hagnaði fyrir Kroll? Ef niðurstöðurnar verða eitthvað í líkingu við þá sem kom út úr opinberri rannsókn á 9/11 "klúðrinu" þá má lýsa þeim með einu orði: yfirhylming. Og þessir náungar eru meistararnir...

Rannsaka óeðlilegar millifærslur

Athugasemdir

[Magnus (IP-tala skráð) 21.5.2009 kl. 02:12]

Endalaus spilling !

 Hvernig væri að setja nokkra góða lækna í að greina spillinguna og fá menn til að sleppa henni.. þetta er orðið virkilega þreytandi.

[Páll Geir Bjarnason, 21.5.2009 kl. 02:28]

Hvaða öryggisráðstafanir gat WTC haft til að koma í veg fyrir að Boeng þotur gætu flogið á turnana? Loftvarnarbyssur? Öryggisnet?

[Guðmundur Ásgeirsson, 21.5.2009 kl. 15:52]

Það hefði ekki skipt neinu máli þó þeir hefðu "komið í veg fyrir að Boeing þotur gætu flogið á turnana" því það var ekki vegna þeirra sem þeir hrundu, heldur vegna Thermite sprengiefnis sem komið hafði verið fyrir á burðarsúlum stálgrindarinnar, alla leið niður í kjallara. Hér má finna niðurstöðu óháðrar rannsóknar bandarískra aðila í samstarfi við efnafræðideild Kaupmannahafnarháskóla þar sem fram koma sannanir fyrir þessu, en fleiri slíkar rannsóknir hafa verið gerðar og í öllum tilvikum eru niðurstöðurnar samhljóða. Einnig hafa verið skoðuð gögn úr jarðskjálftamælum þar sem koma skýrt og greinilega fram öflugar sprengingar á meðan byggingarnar hrynja (áður en brakið af þeim lendir).

WTC turnarnir hrundu ekki vegna eldsvoða, byggingar WTC-5 og WTC-6 brunnu t.d. upp til agna en stálgrind þeirra stóð samt eftir lítið skemmd. Í allri mannkynssögunni eru engin trúverðug dæmi um að eldsvoði hafi valdið hruni stálgrindarbyggingar, Windsor turninn í Madrid á Spáni brann t.d. eins og kyndill í 24 klst. án þess að hrynja.

Það sem gerði mögulegt að koma sprengiefninu fyrir var eins og áður segir að tveimur vikum fyrir árásirnar voru öll öryggiskerfi í tvíburaturnunum tekin úr sambandi "vegna viðgerða" og þar með gat nánast hver sem er komist inn í rými bygginarinnar sem að jafnaði hefðu átt að vera lokuð fyrir óviðkomandi. Og þó að myndavélarnar á þakinu hefðu ekki komið í veg fyrir neitt, þá hefðu myndirnar verið mikilvæg sönnunargögn fyrir rannsókn málsins sem á endanum varð hvorki fugl né fiskur.

Byggingarnar hrundu á u.þ.b. 8 sekúndum sem er nokkurn veginn frjálst fall miðað við hæð þeirra. Hefurðu séð byggingu hrynja í frjálsu falli? Yfirleitt er nefninlega talsverð fyrirstaða í neðri hæðunum, nema auðvitað ef þær hafa verið sprengdar í sundur eins og er alsiða við niðurrif stórra bygginga (controlled demolition). Hér má sjá byggingar sem hafa hrunið vegna jarðskjálfta, eins og sjá má þá hafa þær dottið á hliðina en ekki beint niður og í stað þess að splundrast eru efri hæðirnar gjarnan frekar heillegar:

Hér má svo sjá vel heppnað niðurrif byggingar með þaulskipulögðum spreningum, borið saman við "hrun" WTC-7:

Í WTC-7 byggingunni hafði m.a. Secret Service aðsetur og þar var líka hýstur stór hluti af gögnunum úr Enron málinu og fleiri fjársvikum sem aldrei mun fást botn í. Eyðilegging þess var mjög sérstakt tilfelli þar sem húsið varð ekki fyrir neinni flugvél en hrundi samt, eins og spilaborg beint ofan í kjallarann. Það stóð ekki svo mikið sem þakrenna út á gangstéttina heldur var allt brakið "innan lóðar" sem er aðalsmerki vel heppnaðs niðurrifs með sprengiefnum.

Páll, ef þú vilt halda því fram að það hafi engöngu verið Boeing þotur sem ollu hruni tvíburaturnanna, þá verður þú að setja fram mun trúverðugri skýringu á því hvernig það gat gerst en hingað til hafa komið fram. Í þessu tilviki er það "opinbera frásögnin" af atburðarásinni sem er ekkert annað en samsæriskenning, samsæri því hún gerir ráð fyrir að 19 einstaklingar hafi lagt á ráðin um flugrán og loftárás á óbreytta borgara, og kenning vegna þess að hún er ósönnuð. Í rauninni þá stangast niðurstaða 9/11 rannsóknarnefndarinnar í veigamiklum atriðum á við bæði staðreyndir málsins og heilbrigða skynsemi.

[Gullvagninn (IP-tala skráð) 24.5.2009 kl. 09:53]

Góður

[magus (IP-tala skráð) 24.5.2009 kl. 16:48]

Nú man ég ekki alveg hvernig þetta var, þarf að rifja það upp en nenni því ekki núna...

En vinur minn benti mér á Kroll fyrir nokkrum árum og las ég aðeins um "vesen" þeirra gæðingja. Málið var eitthvað á þá leið að Kroll var undir rannsókn vegna misferlis af einhverju tagi, Enron þ.á.m.

Rannsóknin fór fram á skrifstofum í WTC 7, þar sem margar stofnanir voru saman komnar... En því miður þá var WTC 7 þriðji turnin sem féll 11. sept. og fuðraði því upp með honum þessi rannsókn og MARGAR aðrar.. Öll gögnin eyðilögðust með tölvunum sem urðu að ryki með falli byggingarinnar. Eða svo héldu menn.

Convar hét fyrirtæki með séstaka tækni sem gat endurheimt gögn af tölvunum. Það var ráðið til að reyna að endurheimta gögn úr WTC 7. Það komst m.a. fljótt á snoðir um óeðlilegar færslur 11. sept. þar sem svo virtist sem ákveðnir aðilar hafi vitað um hvað myndi gerast....

En Kroll keypti bara Convar 2002. Ekki heyrst "bofs" meira um málið síðan þá. Úps!

Skilst að "rannsóknin" hafi verið helv. smooth eftir það.....Kroll rannsakaði sjálft sig en fann ekki neitt duló. Go figure.

[magus (IP-tala skráð) 24.5.2009 kl. 17:03]

Annað áhugavert fyrirtæki, stærsta CD heimsins. Auglýsa sérstaklega að þeir hafi reynslu af því að vinna með varnarmálaráðuneyti USA í "controlled demolition" á "viðkvæmum verkefnum".... bæði INNANlands sem utan. Jæja, varnarmálaráðuneytið í því að fella byggingar innanlands! Jahérna. Hvernig tengist það vörnum USA gegn hernaði? Hvaða byggingar skyldu það vera?

Department of Defense (DOD)

Controlled Demolition Incorporated (CDI) has the appropriate experience and expertise to assist Department of Defense (DOD) agencies and contractors in demolition operations on sensitive projects, domestically and internationally. Through the support of our international network of offices and agent relationships, Controlled Demolition Incorporated can respond promptly for defense-related consulting and performance requests on short notice

Anti-Terrorism Controlled Demolition Incorporated’s (CDI's) international experience with products of the world’s explosives manufacturers, and the paralleled knowledge of the intentional inducement of progressive collapse, positions our groups perfectly to assess the risk of terrorists activities adjacent to existing structures. Controlled Demolition Incorporated’s in-house explosive and anti-terrorist database provides information necessary to respond to questions raised by the most discerning of clients on an absolutely confidential basis.

[Guðmundur Ásgeirsson, 25.5.2009 kl. 04:43]

Hvernig er það var svo ekki Controlled Demolition Inc. eitt af dótturfyrirtækjum Halliburton, sem Dick Cheney var stjórnarmaður hjá? Mig minnir það allavega.

Og talandi um tengsl... þá má benda fólki á að Rumsfeld er að stórgræða á Tamiflu núna út af svínaflensunni/mexíkóveikinni. Ótrúlegt að enn skuli vera til fólk sem telur þá vera saklausa!