Hvað með EES og Kína?

Í tengdri frétt The Times er bent á veika samningsstöðu Íslands gagnvart ESB og velt upp þeim möguleika að skoða aðrar leiðir í milliríkjaviðskiptum, t.d. NAFTA. Nú er ég ekki að mæla með því sérstaklega að við hengjum okkur aftur á Kanann en það er þó möguleiki sem vert að taka til athuganar þó ekki nema til að hafa fleiri en einn valkost til að bera saman við. Ég vil líka minna á að við höfum nú þegar EES-samninginn sem heimilar okkur talsverða fríverslun við Evrópu án þess að gera kröfu um algert fullveldisafsal til Brüssel eða Berlínar. En áður en núverandi stjórn komst til valda voru Íslendingar líka langt komnir við gerð fríverslunarsamnings við Kína. Það væri athyglisvert ef hægt væri að upplýsa hvernig það mál stendur, og hvaða afstöðu ríkisstjórnin hefur til þess. Athuga ber líka að ef við göngum í ESB þá missum við um leið þennan samningsrétt og sjálfstæði í utanríkismálum skerðist til muna. Ef við viljum geta átt viðskipti við sem flest ríki í heiminum, þá er ekki endilega víst að það komi sér best að vera í klúbbi með breska heimsveldinu, eða Frakklandi og Ítalíu, því sumar stórar og fjarlægar þjóðir líta beinlínis á þá sem keppinauta í alþjóðaviðskiptum.

Kannið alla möguleika og varist einhliða skyndilausnir!

Ísland þurfi að spila vel úr veikri stöðu gegn ESB

Athugasemdir

[Vilhjálmur Árnason, 3.5.2009 kl. 16:34]

Veist þú um óbeina styrki sem samfylkingin fær frá esb.

[Guðmundur Ásgeirsson, 3.5.2009 kl. 21:05]

Ekkert conkret, bara orðrómur. Sel það ekki dýrara en ég keypti það. Shhh...

[Gullvagninn (IP-tala skráð) 4.5.2009 kl. 08:15]

Það stefnir í viðskipta-blokkirnar þrjár, Oceana, East- og West Eurasia, eða Ameríkubandalagið, Evrópubandalagið og svo Asíubandalagið.  Svo verða tvær af þessum blokkum í eilífu stríði, en það breytist hvaða tvær blokkir það eru, og þegar það breytist, þá breytist það bæði í nútíð, fortíð og framtíð :P

[Guðmundur Ásgeirsson, 4.5.2009 kl. 10:29]

Hehe, ég var einmitt sex ára snáði árið 1984... ;)

[Róbert Viðar Bjarnason, 5.5.2009 kl. 22:57]

Það er Facebook hópur með yfir 3000 manns sem hvetur til þess að ræða við Bandaríkjamenn og Kanada um gjaldmiðilssamstarf og samstarf í kringum græna orkuþekkingu.

http://www.facebook.com/group.php?gid=52098381302

Það er sjálfsagt að skoða allar leiðir og samningstaða Íslands við ESB væri mikið sterkari ef það væru aðrir möguleikar skoðaðir samhliða.

[Sigurjón, 17.5.2009 kl. 03:21]

Það er alveg ástæða til að halda áfram viðræðum við Kína um fríverzlunarsamning.  Svo getum við talað við Bandaríkin og Kanada um slíkan samning.  Eftir það getum við flutt inn vörur frá Kína, umpakkað þeim hér og flutt þær áfram til Norður-Ameríku og grætt á tá og fingri með þjónustugjöldum.  Dubai gerir þetta og stórgræðir.  Olíupeningar eru ekki nema brot af auðnum þar.

Snilld!