Ræsið sérsveitina! ("Rice! Rice! Rice!")

Vill einhver vinsamlegast setja sérsveitina í viðbragsstöðu, það er hryðjuverkaforsprakki og stríðglæpamaður á leið til landsins!!! Vil ég þá frekar biðja um palestínska flóttamenn, Litháenskar fyllibyttur, eða jafnvel gesti á erótískar fagráðstefnur ef því er að skipta!

Réttast væri að taka á móti þessari norn "Guantanamo style" og leyfa henni svo að kynnast af eigin reynslu hugtökum á borð við "extraordinary rendition" og "unconventional interrogation" sem hún átti sjálf dágóðan þátt í að innleiða. Hvítþvegin þægindaheiti yfir aðferðir sem m.a. Amnesty International, Evrópudómstóllinn og sjálfar Sameinuðu Þjóðirnar hafa ályktað að brjóti þvert og ítrekað í bága við alþjóðalög, en hærri veraldleg yfirvöld en þessi fyrirfinnast ekki hér á jörð! Ef við þykjumst eiga erindi í öryggisráðið ættum við ekki leyfa fólki eins og þessu sem er þekkt fyrir aðild sína að Skipulagðri Alþjóðlegri Glæpastarfsemi^TM að fara óáreitt um íslensk landsvæði og lofthelgi, burtséð frá ríkisfangi þess og starfsheiti innan viðkomandi glæpasamtaka. Og aldrei að vita nema við myndum uppskera stuðning fyrir vikið, a.m.k. pottþétt frá N-Kóreu, Íran, Sýrlandi, Kúbu og Venesúela, mögulega Kínverjum en eflaust líka frá einhverjum nágrönnum okkar í Evrópu sem hafa þurft að þola framkomu Rice og samstarfsmanna hennar á alþjóðavettvangi.

Miðað við fréttir undanfarið virðast íslensk dómsmálayfirvöld búa yfir ýmsum leiðum til að kyrrsetja útlendinga jafnvel fyrir aðeins grun um alvarlegan glæp, sem ekki er betur hægt að sjá en að eigi fyllilega við í þessu tilviki. Það mætti t.d. sjá fyrir sér að á leið bílalestar hennar frá Keflavík yrði einfaldlega tilkynnt um talstöð að "vegna ófyrirséðrar aðsteðjandi hættu" þurfi nú að halda á nýjan áfangastað fyrir utan borgina. Samtölin í bílnum yrðu mögulega á þessa leið: (lífverðir Rice við íslenska verði laganna) "What's going on, why are we turning in the other direction?" (ísl. svara um hæl) "Due to an unforseen security threat we must now head to an undisclosed location outside the city, a place so top-secret that you must be blindfolded and handcuffed for your own security!". Því næst yrði keyrt sem leið liggur austur fyrir fjall í lögreglufylgd og ekki stoppað fyrr en komið yrði inn fyrir girðingu á hrauninu litla, hvar sérsveit RLS myndi veita þeim viðeigandi móttökur og "áfallahjálp". (Ósjálfrátt kom upp í hugann á mér sérsveitarmaður standandi yfir þeim með rauðan brúsa æpandi: "GAS! GAS! GAS!"^®) :D

Það má svosem láta sig dreyma um skáldlegt réttlæti á borð við það sem hér er lýst (NB aðeins sem hugmynd!) En það verður þó líklega að að teljast óraunsætt á meðan ættarlaukur taglhnýtinga viðkomandi glæpasamtaka vermir hér ráðherrastól dómsmála með rassi sínum og reynir hvað mest hann má að hylma yfir sögulegar staðreyndir varðandi hina ýmsu glæpi þeirra. 

Rice á leið til Íslands

Athugasemdir

[Jóna Kolbrún Garðarsdóttir, 29.5.2008 kl. 02:27]

Heyr heyr

[Unnar Geirdal, 29.5.2008 kl. 02:34]

Við þykjumst vera á móti þessu, en hve mörg okkar munu mótmæla ?

[Sema Erla Serdar, 29.5.2008 kl. 03:24]

Vel mælt!

[Sigurbjörn Friðriksson, 29.5.2008 kl. 09:24]

´

Heyr! heyr!  Ég vildi helst sjá sömu móttökunefnd og tóku á móti (hvort voru það) Hells Angels/Vítisenglarnir eða Bandidos.

Kv,

Björn bóndi.

´

[Guðmundur Ásgeirsson, 29.5.2008 kl. 09:48]

Hversu mörg? Ég er hér að mótmæla, þá er a.m.k. kominn 1.... plús 2 sem taka undir mér með athugasemdum sínum innan 90 mínútna frá því þær eru skrifaðar plús einn í viðbót nú í morgun, og ég sá svo ekki betur en að seint í gærkveldi eftir að fréttin birtist hafi bloggheimar hreinlega logað í athugasemdum sem flestar voru á svipuðum nótum. Svo er aldrei að vita hvað gerist eftir að tjellingin stígur fæti á íslenska grundu... Þó að svona blogg-mótmæli séu kannski ekki mjög "hávær" í hefðbunum skilningu þá eru þau samt sem áður sett skriflega fram í opinberum fjölmiðli, það sem einu sinni fer á netið hverfur nú ekki svo glatt þaðan og því má segja að mótmælin séu varanlegri á því forminu. Sérstaklega þykir mér ánægjulegt að sjá að æ fleira "venjulegt fólk" er nú að vakna fyrir því hvurslags óþjóðalýður það er sem hefur rænt völdum af þessari fyrrverandi vinaþjóð okkar fyrir vestan, og notað þau völd m.a. til að blekkja okkur og svíkja til fylgilags við afar vafasama stefnu svo vægt sé til orða tekið. Það væri bara óskandi að ráðamenn þjóðarinnar væru jafn réttsýnir í þessum efnum og bloggarar virðast vera upp til hópa.

P.S. ég minni á að berist lögreglu vitneskja um alvarlegan glæp, ber henni skv. íslenskum lögum að fylgja málinu eftir. Gildir þá einu hvort áður hefur borist formleg kæra eður ei, enda er hverjum sem veit af glæp sem hefur verið framinn heimilt að leggja fram kæru burtséð frá því hvort hann eigi beina aðild að málinu, og á það jafnt við um embættismenn lögreglunnar eða ríkissaksóknara þegar svo ber undir. Það virðist vera gegnumgangandi misskilningur (meira að segja hjá lögreglunni sjálfri!) að ef fórnarlamb glæps leggur ekki sjálft fram kæru þá megi ekki fylgja málinu eftir. Þetta er alrangt því ekki hafa allir glæpir einu sinni eiginlegt fórnarlamb til að leggja fram kæruna... og svo er líka dálítið erfitt að leggja inn kæru og mæta í skýrslutöku ef maður lendir t.d. í því að vera fórnarlamb mannræningja... morðingja... nú eða stríðsglæpamanna! (Rice er einmitt álitin samsek um allt þetta þrennt ásamt fleiru slæmu.)

[Davíð S. Sigurðsson, 30.5.2008 kl. 14:16]

Ég þakka þér fyrir þennan þarfa pistil, myndi fara og mótmæla ef ég væri ekki að vinna ;) þ.e.a.s ef maður yrði ekki bara tilrauna-teisaður