Lausnirnar liggja nú þegar fyrir

Fyrir rúmu ári síðan voru lögð drög að frumvarpi um afnám verðtryggingar.

140. löggjafarþing - erindi nr. Þ 140/1599

Heildstætt frumvarp um afnám verðtryggingar neytendasamninga var skrifað upp frá því, og eftir talsverða vinnu við fullnaðarfrágang þess var það loks birt á heimasíðu Hagsmunasamtaka heimilanna þann 5. febrúar síðastliðinn eins og skýrt var frá hér:

Frumvarp um afnám verðtryggingar - bofs.blog.is

Hagsmunasamtök heimilanna - Frumvarp um afnám verðtryggingar

Frumvarpið var svo einfaldað nokkuð auk þess sem greinargerð með því var endurbætt og nánast endurskrifuð áður en þar svo flutt í endanlegri mynd á Alþingi þann 7. mars síðastliðinn sem þingskjal númer 1138:

140. löggjafarþing - þskj. 1138 verðtrygging neytendasamninga 

Alþingi - Ferill máls 640. - 141. lþ. Verðtrygging neytendasamninga

Í dag þann 24. maí kom nýkjörin ríkisstjórn saman til fyrsta fundar síns,eins og má lesa um í fréttatilkynningu forsætisráðuneytisins:

Fyrsti ríkisstjórnarfundur ráðuneytis Sigmundar Davíðs Gunnlaugssonar haldinn í dag

Þar segir meðal annars:

...Á fundinum samþykkti ríkisstjórnin einnig að tillögu forsætisráðherra að skipuð verði ráðherranefnd um úrlausnir í skuldamálum heimilanna. Í nefndinni eiga sæti forsætisráðherra, fjármála- og efnahagsráðherra, félags- og húsnæðismálaráðherra og innanríkisráðherra.

...Jafnframt verði skipuð sérfræðinefnd um afnám verðtryggingar af neytendalánum og endurskipulagningu húsnæðislánamarkaðarins sem skili niðurstöðum til ráðherranefndarinnar fyrir næstu áramót.

Það er því allt útlit fyrir að sá hluti sem snýr að fyrra atriðinu verði fljótleystur.

Varðandi seinna atriðið hefur forsætisráðherra nú þegar nefnt sem möguleika til að flýta fyrir úrlausn skuldvanda heimila að koma strax á afskriftasjóði fyrir fasteignaveðlán áður en farið verði í nákvæmar útfærslur á hvernig það svigrúm sem þurfi til að afskrifa sjóðinn verði skapað.

En allt veltur það á því að farið verði að góðum ráðum frekar en slæmum. Það er langt frá því að vera sama hvernig þetta er gert. Ekki viljum við að almenningi verði sendur reikningurinn í laumi, eins og sumar tillögur hljóða upp á. Þó er ekkert því til fyrirstöðu að sá hluti geti verið auðleystur.

Hérna eru nokkrar útfærslur sem kosta almenning ekki neitt:

Eignarnámsleiðin kostar ekkert ! - bofs.blog.is
(Hefði hún verið farin strax væru fjármunir reyndar búnir að sparast!)

SPYR :: Eiga verðtryggð lán að lækka þegar verðbólga lækkar?
(Reyndar er nóg að festa vísitöluna en það má svosem líka lækka hana.)

Upplýsingar um tillögur Hagsmunasamtaka heimilanna
140. löggjafarþing - erindi nr. Þ 140/1823
(Fimm háskólagráður útfærslur, hvorki meira né minna! ;)

Það eina sem hægt er að setja spurningmerki við í þessu er hvers vegna stjórnvöld ætli að bíða fram að næstu áramótum til að hrinda í framkvæmd lausnum sem hafa verið tilbúnar frá því um síðustu og þarsíðustu áramót. Er eftir einhverju að bíða?

P.S. Það þarf ekki heldur að bíða eftir þessu:

141. löggjafarþing - erindi nr. Þ 141/1949 afnám stimpilgjalds

Skipa ráðherranefnd um úrlausnir

Athugasemdir

[Theódór Norðkvist, 25.5.2013 kl. 03:29]

Það þyrfti eiginlega að vera leyfilegt fyrir almenning að leggja fram lagafrumvörp til jafns við þingmenn. Kannski ekki að hver sem er gæti gert það, ein leið gæti verið að ef það tekst að afla fylgis við frumvarpið með marktækri undirskriftasöfnun, sé þingið skyldugt til að taka frumvarpið til afgreiðslu.

Það eina sem hægt er að setja spurningmerki við í þessu er hvers vegna stjórnvöld ætli að bíða fram að næstu áramótum til að hrinda í framkvæmd lausnum sem hafa verið tilbúnar frá því um síðustu og þarsíðustu áramót.

Vegna þess að þau ætluðu sér aldrei að standa við viljayfirlýsingar um að afnema verðtrygginguna og eru að kaupa sér tíma? Vona þó ekki.

[Guðmundur Ásgeirsson, 25.5.2013 kl. 04:01]

Það þurfti enga undirskriftasöfnun til að fá þessi mál flutt.

Bara nokkra fundi með áhugasömum þingmönnum.

Það er löngu búið að safna yfir 37.000 undirskriftum.

Útskýring á hugtakinu Mandat - bofs.blog.is