Skemmtileg saga um niðurfærslu skulda

Ég rakst á þetta á vef Bylgjunnar, en þættinum Reykjavík síðdegis barst þessi saga sem ég tek mér bessaleyfi til að birta hér:

Kaninn, hóteleigandinn, smiðurinn, kaupmaðurinn, píparinn, þorpshóran og þúsund pundinn.

Þessi saga gerðist í niðurníddu sveitaþorpi á Englandi - en gæti hafa gerst í kvótalausu krummaskuði á Íslandi.

Það kom forríkur Ameríkani í þorpið og bókaði svítuna á sveitahótelinu í viku.  Hann borgaði 1000 pund í fyrirframgreiðslu.

Hóteleigandinn varð mjög ánægður og borgaði húsgagnasmiðnum 1000 pund sem hann skuldaði honum.

Húsgagnasmiðurinn varð mjög ánægður og borgaði kaupmanninum 1000 pund sem hann skuldaði honum.

Kaupmaðurinn varð mjög ánægður og borgaði píparanum 1000 pund sem hann skuldaði honum.

Píparinn varð mjög feginn og borgaði þorpshórunni 1000 pund sem hann skuldaði henni (hún var búin að hóta að rukka eiginkonuna)

Þorpskonan varð mjög ánægð og borgaði hóteleigandum 1000 pund sem hún skuldaði honum fyrir herbergi til að stunda sína vinnu.

Svo kom Ameríkaninn niður í lobbíið og sagðist vera hættur við að vera í þorpinu og hóteleigandinn endurgreiddi honum 1000 pund.

Allir voru nú skuldlausir og ánægðir.

Svo segja menn að framsóknarleiðin sé ekki fær!!! Þetta er eina leiðin!!!