Karadzic er lamb í samanburði við Rice... handtakið hana strax!

...alveg eins og ég hvatti til þegar hún kom hingað til lands á dögunum.

Það sem þyrfti að gera er að mynda alvöru samstöðu um að mæta þessu liði strax á flugvellinum með tilbúnar kærur og lögfræðinga og fjölmiðla og allan pakkann, stilla þeim þannig upp við vegg fyrir framan augu almennings og sýna þeim að ætli þau að ferðast á milli landa eins og ekkert hafi í skorist þá verði þeim hvergi vært, aldrei! Ef ég hefði sjálfur kunnáttu og bolmagn til þess að framkvæma slíkt á raunhæfan hátt væri ég búinn að því, en ef einhver er í betri aðstöðu og í svipuðum hugleiðingum þá býð ég hér með fram krafta mína og þekkingu ef ske kynni að það geti komið slíkum málstað að gagni. Svona liði á auðvitað bara að stinga í steininn og Rice á ekkert betra skilið en að verða e.t.v. bara sjálf send til Guantanamo (ef Obama nær kjöri mun hann hafa vald til þess)! Við fangelsum daglega fólk sem í samanburði við hana og hennar samstarfsmenn hefur aðeins léttvæga hluti á samviskunni. Fyrst það var réttlætanlegt að verja mörghundruð milljónum af almannafé í nornaveiðar á hendur (ætluðum?) hvítflibbaglæpamönnum í íslensku viðskiptalífi, afhverju má þá ekki verja einhverju svipuðu í að veiða alvöru nornir eins og þessa sem hér um ræðir?!

Vilja að Rice verði handtekin

Athugasemdir

[Guðmundur Ásgeirsson, 31.7.2008 kl. 11:48]

Það sem mér finnst fyrst og fremst kjánalegt er að Bandaríkjamenn séu ekki sjálfir löngu búnir að henda þessu liði (Bush og félögum) í steininn! Ef það er eitthvað sem hljómar kjánalega þá eru það athugasemdir eins og þessi, eða ertu kannski hlynntur því að þetta fólk fái óáreitt að stunda glæpi sína gegn mannkyni?