Hagsmunasamtök heimilanna hefja viðræður við forsætisráðherra

Í kjölfar fjölmennra mótmæla fyrir ári síðan sáu stjórnvöld sér þann leik helstan á borði að bjóða fulltrúa Hagsmunasamtaka heimilanna að borðinu til að reikna út, í félagi við fulltrúa úr stjórnkerfinu og fjármálageiranum, hvað hinar ýmsu aðgerðir myndu koma til með að kosta og hvernig þær myndu gagnast fólki. Að endingu fór hins vegar svo að sjónarmið samtakanna voru blásin út af borðinu og fulltrúi samtakanna sá sig tilneyddan til að skila séráliti sem stjórnvöld hafa neitað að birta.

Eftir tvo fjölmenna samstöðufundi síðustu daga og afhendingu 33.525 undirskrifta tilkynnti forsætisráðuneytið að sérfræðingahópurinn yrði endurvakinn. Jafnframt tilkynnti ráðuneytið, að samtökunum forspurðum, að Hagsmunasamtök heimilanna væru enn aðili að hópnum. Um leið og samtökin gera athugasemdir við þau vinnubrögð lýsa samtökin því yfir að þau muni ekki taka þátt í slíku leikriti aftur. Annað og meira þarf að koma til. Samtökin munu því hefja viðræður við forsætisráðherra um breytta nálgun á viðfangsefnið.

Til að ganga fram fyrir heimilin og færa til baka þá eignatilfærslu sem átt hefur sér stað frá heimilunum til fjármagnseigenda þarf pólitískt hugrekki, kjark og þor.

4. október 2011

Stjórn Hagsmunasamtaka heimilanna

-----------------------------------------------

Fréttatilkynning Hagsmunasamtaka Heimilanna og fylgigögn:

Hagsmunasamtök heimilanna hefja viðræður við forsætisráðherra

Upplýsingar um tillögur Hagsmunasamtaka heimilanna

Drög að kostnaðarmati eignarnámsleiðar

Fréttatilkynningar forsætisráðuneytisins:

Hagfræðistofnun HÍ metur kröfur Hagsmunasamtaka heimilana

Sérfræðingahópur metur svigrúm banka og afskriftir á lánum heimila

Hagfræðistofnun skoðar verðtrygginguna

Skrár tengdar þessari bloggfærslu:

• Upplýsingar um tillögur Hagsmunasamtaka Heimilanna
• Guðmundur Ásgeirsson - Skuldavandi Heimilanna (drög)
• Fréttatilkynning forsætisráðuneytisins um sérfræðingahóp