Evrópskt lögregluofbeldi (MYNDBÖND)

Bofs

Guðmundur Ásgeirsson

Sérfræðingur með skoðanir á öllu milli himins og jarðar.

Þessi vefdagbók er eingöngu persónulegt málgagn höfundar. Lesendur eru vinsamlegast beðnir að taka skrifin ekki allt of hátíðlega þó svo að öllu gamni fylgi jafnan nokkur alvara. Athugasemdir eru opnar öllum, vinsamlegast gætið almenns velsæmis. Allur höfundarréttur og sæmdarréttur er áskilinn.

Evrópskt lögregluofbeldi (MYNDBÖND)

27.5.2011 | 13:41

Það mætti halda að þessi myndskeið sem sýna lögreglu berja með kylfum á friðsömum mótmælendum kæmu frá einhverju herstjórnarríkinu í þriðja heiminum. Raunin er hinsvegar sú að þessi ofbeldisverk voru framin núna í morgun af lögreglu á Spáni, einu af stærri ríkjum Evrópusambandsins.

UPPFÆRT 14:30: Þetta var að berast og af framgöngunni að dæma virðist sem skipun dagsins sé að byltingin skuli barin niður af fullri hörku.

Fyrir aðeins hálfum mánuði síðan mátti sjá sambærileg vinnubrögð lögreglu í öðru Evrópusambandsríki, Grikklandi. Ætli sé komin út ný samræmd tilskipun frá Brüssel?

UPPFÆRT 16:30: Munið þið eftir byltingunni í Egyptalandi á vordögum? Já þeir eru byrjaðir aftur að mótmæla, því svo virðist sem byltinginn þar hafi aðeins orðið til þess að leiða nýja stjórn til valda sem reynist álíka slæm og sú fyrri, eða verri eins og gerðist hér á Íslandi. Þessar myndir voru teknar núna síðdegis á Tahrir torgi:

Og eins og fram kemur í athugasemd hér að neðan þá var í dag líka Skotið á mótmælendur í Sýrlandi og Líkin hrannast upp í Jemen. Svei mér þá ef það er ekki bara allt að ganga af göflunum samtímis.

	Gúmmíkúlum beitt í Barcelona
Ábyrgðarmaður færslu Tilkynna um óviðeigandi tengingu við frétt

Meginflokkur: Öryggis- og alþjóðamál | Aukaflokkar: Evrópumál, Mótmæli | Breytt 29.5.2011 kl. 03:33 | Facebook

Athugasemdir

- hreint ótrúlegt hvað fólk gerir hvort öðru á þessari jörð

Vilborg Eggertsdóttir, 27.5.2011 kl. 14:03

Og þú heldur að friðsamleg mótmæli hafi einhver áhrif?

Ef þið viljið breitingar, verðið þið að grípa til vopna ...

Bjarne Örn Hansen (IP-tala skráð) 27.5.2011 kl. 14:09

Í dag var líka Skotið á mótmælendur í Sýrlandi og Líkin hrannast upp í Jemen.

Hinsvegar fór minna fyrir fréttum að því að Belgía, sem hýsir höfuðstöðvar Evrópusambandsins og hefur sjálf verið án ríkisstjórnar í rúmt ár, er núna líklega á leiðinni ofan í niðurfallið vegna þess að grískir þingmenn vilja ekki leggja ríkiseignir að veði fyrir næsta lánapakka frá IMF og ESB.

IceSave hvað?!!!

Röð næstu dómínkubba er nokkurnveginn svona: Írland, Portúgal, Spánn, Ítalía, og þá verður orðið lítið skjól í Evrulandi.

Guðmundur Ásgeirsson, 27.5.2011 kl. 14:40