Aðvörun um yfirvofandi allsherjarhrun

Hér er viðvörun frá fjárfestingaráðgjafanum Porter Stansberry um yfirvofandi hörmungar af völdum hins svokallaða fjármálakerfis. Þetta er ekki hræðsluáróður heldur byggt á skynsamlegri greiningu og sögulegum fordæmum.

Athugasemdir

[Jón Pétur Líndal, 27.3.2011 kl. 21:11]

Þetta var löng lesning.  Að sumu leyti er ég sammála Stansberry.  Þetta stefnir allt í þess átt sem hann er að lýsa.  En ég held að það sé miklu lengra en hann spáir í einhverja upplausn og vandræði í Bandaríkjunum.  Þeir munu fyrst fara í nokkur stríð áður en allt hrynur heima fyrir.  Ég held að Íran, Norður Kórea, jafnvel einhver lönd í norður Ameríku og kannski fleiri olíuauðug ríki muni þurfa að þola innrásir Bandaríkjamanna áður en þessi spádómur rætist.  Bandaríkin munu auðveldlega komast upp með þetta því hernaðarmátturinn er ennþá óviðjafnanlegur.  Það mun engin þjóð geta fengið Bandaríkjamenn til að hætta við stríð sem þeir vilja fara í.  Til þess eru þeir of öflugir.  En auðvitað mun efnahagur Bandaríkjanna hrynja einhvern daginn.  Það er óhjákvæmilegt eins og efnahagskerfi heimsins er byggt upp.  Efnahagskerfið er bara ein stór vaxtablaðra sem er að springa.  Vextir á peningum eru ca. 100 sinnum hærri en rétt er.  Þar sem þeir eru kannski ca. 3-6% ættu þeir í raun að vera ca. 0,03-0,06%.  Þetta er vegna þess að margföldunarstuðullinn á peningaútgáfu sem fæst með því að marg rótera sömu peningunum inn og út úr bönkunum, allt að 100 sinnum gerir það að verkum að á RAUNVERULEGA fjármuni er verið að taka allt að 100 falda eðlilega vexti.  Þetta er það sem er að sliga öll ríki heimsins núna og mun að lokum drepa sjálft fjármálakerfið.

[Vilborg Eggertsdóttir, 28.3.2011 kl. 02:10]

~ o ~ takk fyrir þetta!

[Valur Hafsteinsson, 28.3.2011 kl. 19:26]

Kannski ekki hræðsluáróður en áróður engu að síður.  Hann fléttar þarna inn alls konar greiningum og vissulega eru þarna sögulegar staðreyndir.

 En fyrst og fremst er þetta sölumyndband ... Þar sem hann er að biðja mig um að verja 50 (að því að virðist algerlega verðlausum) dollurum í að kaupa eitthvað dót sem kemur mér úr viðjum dollarana.

Ég held að ég vilji fá þennann klukkutíma, eða hvað sem það nú var sem tók mig að horfa á þetta, til baka.

[Guðmundur Ásgeirsson, 28.3.2011 kl. 21:47]

Valur, það var aðvörun í upphafi myndbandsins. Þú færð því miður klukkutímann ekki endurgreiddan. ;)