SP-Fjármögnun stal bíl "í misgripum" (o.fl. sögur)

Þetta er ekki einleikið hjá þessu /#$%& glæpahyski.

 SP brýtur eigin skilmála | Ríkisútvarpið vefur

SP fjármögnun brýtur skilmála eigin samninga með því að verðmeta bíla sem hafa verið vörslusviptir án þess að styðjast við verðmatskerfi Bílgreinasambandsins... ... ...

Myntkörfulánið nam 5.4 milljónum í ársbyrjun 2008. Lántakinn hætti að geta staðið í skilum eftir gengishrunið um haustið en þá stóð lánið í 10 milljónum. Bíllinn var tekinn af honum og verðmetinn. Samkvæmt lánssamningnum skal nota verðmatskerfi Bílgreinasambandsins við uppgjör og 5 mánuðum eftir vörslusviptingu kostaði sambærilegur bíll þar tæpar 8 milljónir. ... ... ... SP ákvað að meta bílinn á 4.2 milljónir, og lækka það mat síðan um 20% án þess að skilgreina nánar. Síðan beitti SP fyrir sig ákvæði samningsins um 15% lækkun á uppítökuverði... ... ... Þá átti eftir að meta ástand bílsins ... ... ... Þar var ýmislegt týnt til... ... ... Ofan á það bættist óútskýrður kostnaður sem SP bætti handskrifað inn á matið... ... ... Bíllinn var að lokum tekinn upp í 10 milljón króna höfuðstól lánsins á tvær milljónir. Eftirstöðvarnar voru tæpar 8 milljónir og lántakandanum var stefnt. Stuttu síðar seldi SP-fjármögnun bílinn fyrir 5 milljónir króna. Lántakinn skal samt greiða 8 milljónir.

Gott og vel, það liggur fyrir að SP Fjármögnun hefur stundað gegndarlausa rányrkju á almenningi, en með þessu næsta hefur yfirgangurinn náð algjörlega nýjum hæðum.

 DV.is - Frétt - SP Fjármögnun tók bíl í misgripum í dag

„Þetta var svolítið furðuleg reynsla," segir Guðjón Hjörleifsson, en SP Fjármögnun fjarlægði bílinn hans af bílaplaninu fyrir utan vinnstað hans. Bílinn er ekki á lánum hjá SP Fjármögnun og var því í raun um stuld að ræða.

„Ég er að vinna í fyrirtækinu Miðaprent, sem er í sama húsnæði og Kassagerðin, bara í kjallaranum. SP Fjármögnun var með aðstöðu þar og var með alls konar dót þarna inni. Þeir voru með fullt af bílum á planinu sem þeir voru búnir að taka í vörslu. Þeir eru búnir að vera að tína þá svona hægt og rólega,"... ... ... „Í dag var svo mikill kraftur í þeim og voru þeir að taka bílana og fara með þá á eitthvert afgirt svæði. Svo var ég bara búinn klukkan fjögur og ætlaði að fara að labba út í bíl, þá var bíllinn bara ekkert fyrir utan," segir Guðjón sem hringdi strax í SP Fjármögnun til að spyrjast fyrir um hvort bíllin væri hjá þeim. „Ég vissi alveg að þeir hefðu tekið bílinn, þá hafði einhver karl bara komið og skrifað niður einhver númer. Í þessu offorsi tóku þeir bara bílinn minn með."

En afhverju voru þeir að flytja bílana á "eitthvert afgirt svæði" og það "í þessu offorsi"? Getur verið að þessi síðasta hérna hafi skotið þeim skelk í bringu?

 Vísir - Gengislánaskuldari stal bíl af Lýsingu  

Gengislánaskuldari kveðst hafa farið inn á geymslusvæði Lýsingar í nótt og dregið þaðan bíl - til tryggingar endurgreiðslu frá Lýsingu. Hann gefur Glitni 7 daga frest til að veita sér tryggingu fyrir endurgreiðslu ... ... ... En af hverju vill hann ekki bíða endanlega niðurstöðu dómstóla sem vænta má snemma í haust?

Ég er ekki að stela af Lýsingu frekar en Lýsing stal af mér. Ég er að beita sömu aðferðum og þeir beittu á mig. Þeir töldu mig skulda sér fé og tóku hluti frá mér. Nú svara ég í sömu mynt."

Maðurinn telur fjármögnunarfyrirtækin þrjú, Lýsingu, SP fjármögnun og Glitni, skulda sér samtals um 5 milljónir. „Það varð hrun og má alþýðan ekki standa á sínum rétti. Hve lengi eiga þessi fyrirtæki að fá að halda áfram að níðast á verkalýðnum og stela af alþýðunni. Ég ætla ekki að gefa þeim meiri frest."

Öflugur þessi.

SP-fjármögnun fer að tilmælunum

Athugasemdir

[Jóna Kolbrún Garðarsdóttir, 4.7.2010 kl. 02:12]

Þessar fjármögnunarleigur hafa komið fram við fólk eins glæpamenn.  Fyrirtækin sjálf hafa verið rekin eins og glæpafyrirtæki, og ofsótt viðskiptavini sína.  Sérstaklega þá sem gátu ekki borgað þegar afborganir lánanna höfðu tvö eða þrefaldast...

[Edda Karlsdóttir, 4.7.2010 kl. 09:23]

Það er ekki nóg með að fyrirtækin "hafa verið rekin" eins og glæpafyrirtæki. Þetta ERU glæpafyrirtæki. Sagan sem maðurinn sagði af sínum við skiptum við SP-fjármögnun sýnir bara að það sem gerðist er hreinn og klár þjófnaður sem fyrirtækið hefur stundað þarna. Þetta er því miður ekki eina tilfellið sem við höfum heyrt af hvernig komið hefur verið fram við fólk í sambandi við lán hjá þessum fyrirtækjum. Það á að kæra svona og lögreglan á að loka þessum sjoppum í hvelli. Hvernig bankarnir hafa hagað sér gagnvart lántakendum er einnig klár þjófnaður, það er ekki hægt að kalla þetta neinu öðru nafni! Og svo leggja stjórnvöld blessun sína yfir allt saman. Þetta ýtir undir algjöra lögleysu í okkar samfélagi því miður og það er frekar hættulegt stefna.

[Gunnar Heiðarsson, 4.7.2010 kl. 09:50]

Góð samantekt hjá þér Guðmundur.

Það eitt að verðfella bíl sem á gangverði er um 8 miljónir niður í 4,2 er ósvífni. Að ná síðan verðinu úr 4,2 niður 2 miljónir er algerlega út í hött.  Þeir segjast notast við uppítökuverð hjá BGS.

Skoðum þetta aðeins; úr 8 í 4,2 það er um 47% verðfall. Uppítökuverð BGS er oftast un 10-15% undir gangverði, þarna átti því verðið að vera að minnsta kosti 6,8. Þá lækka þeir verði óskilgreint um 20% og síðan um 15% frá uppítökuverði. 20% eru klárleg ólögleg en 15% lækkun virðist hafa verið í samningnum. Þá stendur bíllinn í ca. 5,8 miljónum. Þá fer bíllinn í ástandsmat, þar eru talin upp ýmis atriði sum þeirra orka mjög tvímælis, en ástandsmatið hljóðaði upp á um 700 þúsund. Ef eðlilegt slit eins og dekk og fleira er tekið undan, má gera ráð fyrir að raunverulegt ástandsmat sé ca. 450 þúsund. Nú stendur bíllinn í ca 5,350,000- . Þá kemur einhver ótilgreindur kostnaður upp á tæp 300 þúsund. Þessi krafa er algerlega ólögleg.

5.350.000- var því raunverulegt verðmat á bílnum. Enda kemur fram að söluverð bílsins var mjög nálægt því.

Þarna beinlínis STAL SP fjármögnun rúmum 3 miljónum frá lántakandanum. Þetta er þjófnaður og ekkert annað og á skilyrðislaust að sækja þá til saka sem að þessu stóðu af hálfu SP.

Í þessu tilfelli fór málið fyrir dómstóla og er þar enn, eftir að þessi frétt kom hafa fulltrúar SP haft samband við lántakandann og boðið honum að hann fái lækkun á höfuðstól sem nemur mismun á 2 miljónum og söluverði bílsins, að frádregnum þeim kostnaði sem SP hefur oðið fyrir. Lántaki hafnaði að sjálf sögðu tilboðinu.

[Gunnar Heiðarsson, 4.7.2010 kl. 09:53]

Ég gleimdi að geta þess að þetta er bara eitt dæmið af fjöl mörgum. Það var viðtekin venja hjá þessum fyrirtækjum að beita slíkum aðferðum við vörslusviptingu og uppgjör á eftirstöðvum.

[Ægir Óskar Hallgrímsson, 4.7.2010 kl. 11:15]

Þessi fyrirtæki eru stór varasöm...að það skuli ekki vera búið loka þessum glæpastofnunum...sýnir bara það að stjórnmálastéttin styður svona gjörning.

[Guðmundur Ásgeirsson, 4.7.2010 kl. 13:36]

Ég endurtek: glæpsemin er ekki einleikin!

Gengishagnaður Exista móðurfélags Lýsingar var 90 milljarðar

Hagnað sinn af þessari spákaupmennsku innleysti Exista strax eftir að gengið var fallið. Það er reyndar villandi að tala um "spá" í þessu sambandi því ekki var þa spádómsgáfa sem aflaði þessara tekna heldur voru þeir einfaldlega búnir að tryggja sig báðum megin við borðið. Svona stöðutaka gegn viðskiptavinum er í eðli sínu ekkert ósvipuð þeim viðskiptum sem risabankarnir á Wall Street stunduðu með svokallaða "undirmálsvafninga" og hafa nú orðið tilefni til sakamálarannsóknar.

Hvernig væri að reyna að endurheimta þetta illa fengna fé upp í þann kostnað sem sagt er að geti fallið á ríkið vegna gengislána? Getur verið að það henti einhverjum að nota þá hótun frekar sem áróðurstæki?

Ég vil vekja athygli á mótmælafundi gegn tilmælum FME og Seðlabanka um gengislán sem boðað er til á morgun mánudag kl. 12:00. Hér er nokkuð skemmtileg greining á innihaldi og markmiðum þessara tilmæla:

Að lokum vil ég ítreka fyrir áhugasömum að skoða upptökurnar frá Borgarafundi um gengistryggingu. Sérstaklega upplýsandi er 12. hluti þar sem seinni helmingur fjallar um starfsheimildaleysi fjármálafyrirtækja. Glæpsemin einskorðast nefninlega ekki bara við fjármálafyrirtæki heldur líka við eftirlitsstofnanir sem eru hugsanlega meðsekar vegna yfirhylmingar.

[Ragnheiður Arna Magnúsdóttir (IP-tala skráð) 4.7.2010 kl. 17:54]

Hvar í andskotanum er Dómsmálaráðuneytið!!??? Ótrúlegt Helvíti!

[Ingibjörg Guðrún Magnúsdóttir, 4.7.2010 kl. 22:38]

Það verður að fá að vita hversu margar af svona framkvæmdum hafa verið gerðar núna, sem og hver er beinn gróði í krónutölu búinn að vera það sem er af ári 2010 sem og allt árið 2009 hjá þessum fyrirtækjum sem var bjargað á okkar kostnað til baka eftir hrun ef hægt er að segja svo... Hvar er fjármálaeftirlitið búið að vera..! Að það skuli vera búið að troða svona á okkur mannskapnum í Landinu er óskiljanlegt fyrir framan ANDLITIÐ á öllum í Ríkistjórn og eftirlitsstofnunum sem eiga að passa okkar hag.. En við hverju mátti búast af Ríkistjórn sem er búinn að vita af ólögmæti þessa lánaforms allan tímann...

[Guðmundur Ásgeirsson, 5.7.2010 kl. 02:54]

Ef það hefur einhverntímann verið tilefni til víðtæks greiðsluverkfalls meðal almennings þá er það núna. Ég ætla ekki að hvetja til slíks, það verður hver og einn að taka ákvörðun um. Fyrir mitt leyti þá eru þetta ekki fjármálafyrirtæki sem við eigum í höggi við heldur skipulögð glæpasamtök sem hafa ekki bara framið arðrán heldur nánast valdarán. Og nú síðast hreinan bílþjófnað.

Hversu lengi getur þetta haldið áfram áður en einhver einstaklingur sem finnst réttlætiskennd sinni misboðið gengur af göflunum og færir atburðarásina á annað og hugsanlega verra stig? Langlundargeð fólks á sér takmörk og það er orðið löngu tímabært að hreinlega verði farið inn í þessi fjármálafyrirtæki með lögregluvaldi, þeim lokað og stjórnendur þeirra handteknir, eins og í hverju öðru glæpahreiðri. Eða er löggan of upptekin af einhverjum hassplöntum?