FME og SÍ vanvirða hæstarétt og vernda glæpamenn

Fyrir utan að taka stöðu með glæpasamtökum gegn almenningi, hafa Seðlabanki Íslands og Fjármálaeftirlitið gerst sek um að hvetja til lögbrota eins og Hagsmunasamtök Heimilanna og Samtök Lánþega hafa útlistað í gagnrýni sinni sbr. tengda frétt. Fyrir utan þær röksemdir sem nefndar hafa verið varðandi rétt neytenda skv. 36. grein laga nr. 7/1936 og neytendaverndartilskipun Evrópusambandsins 93/13/EBE, þá er alltaf eitthvað sem fer fyrir ofan garð og neðan í öllum hasarnum. Það virðist til dæmis enginn hafa tekið eftir því að líka er hvatt til þess að dómar hæstaréttar verði hafðir að engu.

Í tilmælum SÍ og FME segir: "með hliðsjón af lægstu vöxtum á nýjum almennum óverðtryggðum útlánum eða ef verðtrygging er valin lægstu vöxtum á nýjum almennum verðtryggðum útlánum"

Í dómi héraðdóms í máli NBI gegn Þráni ehf. sem var staðfestur af hæstarétti segir hinsvegar: "miða verði við upphaflegan höfuðstól auk áfallinna vaxta, en að ekki sé heimilt að reikna annars konar verðtryggingu í stað gengisviðmiðunar."

Þarna er ekki bara hvatt til lögbrota heldur einnig að dómsvaldið sé beinlínis virt að vettugi, en slík íhlutun af hálfu framkvæmdavalds er lögbrot í sjálfu sér, sem Seðlabankinn og FME hafa nú framið og er skjalfest á vefsíðum þeirra. Ekki nóg með að þessar stofnanir verndi glæpasamtök í fjármálageiranum heldur hafa þær nú slegist í hóp þeirra!

Hverskonar bananalýðveldi er þetta eiginlega orðið?!

Segir hvatt til lögbrota

Hvað með glæpamennina sjálfa?

Eitt virðist ætla að gleymast í öllu fárinu vegna staðfestingar á ólögmæti gengistryggingar, en það er sú fásinna að nú þegar stjórnendur viðkomandi fjármálafyrirtækja hafa verið fundnir sekir um glæpi sem valdið hafa almenningi í landinu stórtjóni og jafnvel kostað mannslíf, þá skuli þeir enn sitja að störfum sínum. Í steininn með þá, en ekki hvað?

Ýmis hagsmunasamtök og heiðvirðir einstaklingar hafa verið að fletta ofan af og upplýsa um margvíslega misbresti á starfsemi þessara fyrirtækja, og beita þrýstingi á yfirvöld að gera eitthvað í málinu (eins og t.d. að einfaldlega loka þessum glæpahreiðrum með valdi). Viðbrögðin hafa verið bragðdauf hingað til, en einna sorglegust af hálfu Fjármálaeftirlitsins sem virðist hreinlega hafa vísvitandi leyft þessari skipulögðu glæpasterfsemi að viðgangast! 

Og hvað með hagnaðinn sem eigendur þessara fyrirtækja hafa haft af hinni ólöglegu starfsemi? Lögum samkvæmt á að gera upptækan ætlaðan hagnað af glæpum. Getur verið að það tengist því að aðaleigandi stærsta brotaaðilans (SP) er um leið stærsti bankinn (Landsb.). Erum við kannski að fara að horfa upp á bankahrun #2 í boði stjórnvalda sem virðast ennþá starfa fyrst og fremst í þágu fjármálastéttarinnar?

Ég heyrði af ungum manni fyrir norðan sem fór í síðustu viku á lögreglustöð bæjarins og vildi kæra fjármögnunarfyrirtæki fyrir vörslusviptingu án dómskurðar, sem hæstiréttur er búinn að dæma ólögmæta fyrir þónokkru síðan. Lögreglan neitað beinlínis að rannsaka málið, sem er lögbrot í sjálfu sér!

Hverskonar bananalýðveldi er það eiginlega, þar sem glæpamenn halda störfum sínum þegar heiðvirt fólk gengur atvinnulaust, á meðan lögreglan brýtur sjálf lög og heldur hlífiskildi yfir skipulagðri glæpastarfsemi???!!!

Lausn á næstu dögum

Morgunljóst hvernig reikna skuli lánin!

Það er sáraeinfalt hvernig á að endurreikna gengistryggðu lánin, þau eru óvertðryggð með sömu vexti og standa á skuldabréfinu eða samningnum. Hæstiréttur tók nefninlega afstöðu til þess líka, í þriðja tímamótadómnum sem féll á miðvikudaginn. Þessi niðurstaða drukknaði hinsvegar í öllu fjölmiðlafárinu útaf bílalánadómunum tveimur, og þannig gafst hinum skipulögðu glæpasamtökum því miður færi á að setja spunavélarnar í gang. Þannig að þegar einhver sjálfskipaður spekingurinn heldur því fram að vafi leiki á hvernig skuli endurreikna gengistryggð lán, þá er það einfaldlega rangt.

317/2010 NBI hf. (Aðalsteinn E. Jónasson hrl.) gegn Þráni ehf. (Ragnar Aðalsteinsson hrl.) (Kveðinn upp: 16.6.2010 )

...Telur hann að miða verði við upphaflegan höfuðstól auk áfallinna vaxta, en að ekki sé heimilt að reikna annars konar verðtryggingu í stað gengisviðmiðunar.

Ekki ljóst hvernig eigi að reikna á lánin

Sex orð um gengistryggingu #8

Loksins réttlæti fyrir fórnarlömb skipulagðrar glæpastarfsemi !

Hamingjuóskir til myntkörfulánþega nær og fjær! Þess má geta að undirritaður gerði sér lítið fyrir og dró fána að húni í tilefni dagsins. Á morgun verður svo flaggað aftur, en á eftir að koma í ljós hvort það verður í heila eða hálfa...

Gengistryggingin dæmd óheimil

Á dagskrá Bilderberg fundar um helgina

Veiking Evrunnar og sú krísa sem komin er upp vegna skuldavanda Evrópuríkja er meðal þess sem er á dagskrá hins árlega fundar Bilderberg klúbbsins sem haldinn er í Barcelóna á Spáni um helgina. Meðal fundargesta eru jafnan helstu fjármálaráðherrar, seðlabankastjórar, stjórnendur banka, fjölmiðla og stórra fyrirtækja á vesturlöndum, sem geta haft mikil áhrif á gengi gjaldmiðla með samanlögðum áhrifa- og kaupmætti sínum.

Þetta er kannski ekki í frásögur færandi, heldur á allra vitorði sem á annað borð nenna að setja sig inn í heimsmálin umfram það yfirborðskennda froðusnakk sem gjarnan einkennir meginstraum fjölmiðla. Ótrúlegt en satt þá birti samt íslenskur meginstraumsfjölmiðill nú um helgina frétt um fundinn. Hinsvegar verður líklega seint fjallað með gagnrýnum hætti um þetta leynifélag samráðs og pólitískra afskipta á síðum Morgunblaðsins, af augljósum ástæðum. 

Vísir - Bilderberg klúbburinn ræðir um framtíð evrunnar

Hinn árlegi fundur Bilderberg klúbbsins verður haldinn í Barcelóna á Spáni um helgina. Þar mun meðal annars verða rætt um framtíð evrunnar sem stendur á brauðfótum í þeirri skuldakreppu sem ríkir meðal þjóðanna í suðurhluta Evrópu.

Í frétt um málið í Guardian segir að ýmsir hópar mótmælenda séu að koma sér fyrir í Barcelóna til að fylgjast með fundinum og jafnvel trufla hann ef tækifæri gefst til.

Daniel Estulin einn þeirra sem fylgist náið með Bilderberg klúbbnum segir í samtali við Guardian að hann hafi komist yfir dagskrá fundarins. Samkvæmt henni hafa meðlimir klúbbsins verulegar áhyggjur af stöðu evrunnar og mikilli veikingu hennar frá síðustu áramótum. Eru Bilderbergarar taugaóstyrkir yfir því að þetta gæti leitt til frekari kreppu og pólitísk óróa innan evrusvæðisins.

Bilderberg klúbburinn var stofnaður af pólska útlaganum Joseph Retinger árið 1954 og var klúbbnum ætlað að vera brjóstvörn gegn útbreiðslu kommúnismans. Meðal þess sem talið er að Bilderberg hafi komið til leiðar er samvinna Frakklands og Þýskalands, innganga Þýskalands í Nato og Maastricht samningurinn. Þetta hafi allt verið ákveðið í einkaviðræðum Bilderberg manna í koníaksstofum víða um Evrópu.

Gestalistinn að þessu sinni telur m.a. Henry Kissinger fyrrum utanríkisráðherra Bandaríkjanna, David Rockefeller fyrrum forstjóra Chase Manhattan bankans og Paul Wolfowitz fyrrum bankastjóra Alþjóðabankans. Listinn telur að mestu miðaldra eða eldri hvíta karla.

Ekki er vitað til að neinn Íslendingur sæki fundinn að þessu sinni en meðal þeirra sem áður hafa verið á gestalistanum má nefna Davíð Oddsson, Björn Bjarnason og Geir Hallgrímsson, allt fyrrum ráðherra Sjálfstæðisflokksins.

Nú hefur í fyrsta skipti verið fjallað opinberlega um Bilderberg á vettvangi Evrópusambandsins, en Daniel Estulin sem hefur rannsakað klúbbinn í mörg ár og skrifað um hann bók, hélt fyrirlestur fyrir Evrópuþingið nýlega að atbeina ítalsks þingmanns.

Fréttastofan Russia Times, sem stendur utan við stórar fjölmiðlasamsteypur, hefur líka verið með umfjöllun um fundinn sem nú stendur yfir. Hér eru viðtöl við bæði Estulin og Luke Rudkowski frá grasrótarsamtökunum We Are Change:

Enginn hefur þó verið duglegri að halda úti gagnrýni á Bilderberg en útvarpsmaðurinn Alex Jones í vefmiðli sínum, PrisonPlanet, sem er með sérstakan efnisflokk helgaðan fundinum. Hér á Íslandi á þetta sér reyndar hliðstæðu: vefmiðilinn Kryppa.COM sem fjallar um flest það sem stóru fjölmiðlasamsteypurnar forðast að segja frá. Þar á meðal eru þau efnisatriði sem eru til umfjöllunar þetta árið, en þar er vitnað í áðurnefndan Daniel Estulin sem segist hafa eintak af dagskránni undir höndum:

1. Mun Evran lifa af?
2. Þróunin í Evrópu: Útgönguleið Evrópu... á bið?
3. Höfum við stofnanir til að fást við efnahagsmál á heimsvísu?
4. Grikkland: Lærdómur krísunnar og framtíðarstefna.
5. NATO og Afghanistan: framkvæmd stefnumörkunar.
6. Íran og Rússland: efnahagslegar og fjárhagslegar ógnir.
7. Afleiðingar hryðjuverkastríðsins.
8. Áhrif innanríkismála á utanríkisstefnu Bandaríkjanna.
9. Horfurnar í efnahagslífi Japans.
10. Framtíð Bandaríkjadals: aðrir möguleikar.

Evran dauð innan fimm ára?