Efni
RSS
Bofs
Sérfræðingur með skoðanir á öllu milli himins og jarðar.
Þessi vefdagbók er eingöngu persónulegt málgagn höfundar. Lesendur eru vinsamlegast beðnir að taka skrifin ekki allt of hátíðlega þó svo að öllu gamni fylgi jafnan nokkur alvara. Athugasemdir eru opnar öllum, vinsamlegast gætið almenns velsæmis. Allur höfundarréttur og sæmdarréttur er áskilinn.
Mótmælafundir á Lækjartorgi og Austurvelli í dag
15.10.2011 | 12:41
Laugardaginn 15. október kl. 15 er boðað til aðgerða, Tökum torgin, hér í Reykjavík.
Ætlunin er að koma saman á Lækjartorgi og láta í ljós andstöðu við fjármálavaldið og krefjast alvöru lýðræðis, eins og gert verður um allan heim þennan dag.
Samskonar aðgerðir hafa verið boðaðar í 662 borgum í 79 löndum um allan heim.
Hér á eftir fylgir í íslenskri þýðingu ákall þeirrar alheimssamstöðu sem myndast hefur á örskömmum tíma gegn fjármálavaldinu og fyrir alvöru lýðræði.
Alþjóðleg yfirlýsing
15. október — Sameinumst í baráttunni fyrir hnattrænum breytingum
Tilkynning frá 15. októberhreyfingunni – Mótmæli gegn fjármálaveldi og alvöru lýðræðis krafist í 662 borgum í 79 löndum.
Sjá vefsíðu um viðburðinn á heimsvísu.
Hinn 15. október mun almenningur um heim allan fara út á götur og torg. Frá Ameríku til Asíu, frá Afríku til Evrópu rís fólk upp til að krefjast réttar síns og alvöru lýðræðis. Tími er kominn til að við sameinumst í friðsömum mótmælum um heim allan.
Núverandi valdhafar vinna einungis í þágu örfárra og hundsa bæði vilja meirihlutans og þann fórnarkostnað sem mannfólk og umhverfi verður að bera. Þetta er óþolandi staða sem verður að taka enda.
Við munum einum rómi gefa stjórnmálamönnunum, og fjármálaelítunni sem þeir þjóna, til kynna að það er okkar, fólksins, 99 prósentanna, að ákveða okkar eigin framtíð. Við erum ekki vörur í þeirra höndum til að höndla með, né heldur í höndum bankamannanna sem eru ekki fulltrúar okkar.
Hinn 15. október ætlum við að hittast á götum úti og hefja þær hnattrænu breytingar sem við viljum sjá. Við munum mótmæla friðsamlega, ræða saman og skipuleggja okkur þar til við náum þeim fram.
Tími er kominn til að sameinast. Tími er kominn fyrir þá að hlusta.
Almenningur um allan heim, rísum upp 15. október.
Á sama tíma munu Raddir fólksins standa fyrir dagskrá á Austurvelli og meðal ræðumanna verður formaður Hagsmunasamtaka Heimilanna, Andrea J Ólafsdóttir.
|
Mótmælt í 951 borg í 82 löndum |
| Tilkynna um óviðeigandi tengingu við frétt | |
Flokkur: Viðskipti og fjármál | Breytt s.d. kl. 12:43 | Facebook
Athugasemdir
Bankarnir,líú og fjórflokkurinn valda því að fiskafli
Íslendinga er aðeins, ýsa 40.000 t. ufsi 50.000 t. þorskur 170.000 t.
Þarna vantar mörghundruðþúsund tonna afla, til að fiskimiðin
gefi þjóðinni þann afla sem eðlilegt er.
Krefjumst frjálsra smábátaveiða sem leysa byggða, fátæktar
og atvinnuvanda Íslendinga.
Aðalsteinn Agnarsson, 15.10.2011 kl. 13:20
Verð með ykkur í huganum. Áfram alþýða heimsins.
Ásthildur Cesil Þórðardóttir, 15.10.2011 kl. 13:48
Áfram Island!!!!!!
Eyjólfur G Svavarsson, 15.10.2011 kl. 14:14
Guðmundur, fyrirsögn þín gefur þetta til kynna:
O.s.frv. til eilífðarnóns. eða fram til næstu kosninga (það sem fyrr kemur).
Vendetta, 15.10.2011 kl. 19:34
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.