Lækkunin sem sést milli september og október 2008 nemur 450 milljörðum króna eða tæpum 24%. Sambærileg lækkun hefur hinsvegar aldrei komið fram á efnahagsreikningum heimilanna. Með sértækri skuldaaðlögun voru skuldir heimila lækkaðar um 7,2 milljarða, með 110% niðurfærslu voru þær lækkaðar 45,8 milljarða og með Leiðréttingunni 2015 um 80 milljarða, sem gerir samtals 133 milljarða. Fram til janúar 2012 höfðu jafnframt verið endurreiknuð og niðurfærð gengistryggð lán um 149,3 milljarða. Miðað við þessar tölur eiga lánastöfnanir því eftir að skila að minnsta kosti 167 milljörðum til heimilanna, sé aðeins miðað við þessa einu mynd. Rétt er að taka fram að raunveruleg staða er mun flóknari, til dæmis er hér ekki tekið tillit til áður uppgreiddra lána, vaxta og skaðabóta.