Mislýsingar? (=misvísandi upplýsingar)

Upp á síðkastið eru misvísandi upplýsingar og sögusagnir orðnar svo algengar í íslenskum fjölmiðlum að ég legg til að innleitt verði eftirfarandi nýyrði, þó ekki væri nema bara til að spara okkur smá innslátt hér á blogginu:

Mislýsingar :

1. Óstaðfestar eða véfengjanlegar upplýsingar sem ganga þvert á aðrar óstaðfestar eða véfengjanlegar upplýsingar, og þjóna oftar en ekki þeim tilgangi að villa fyrir sýn á hinar raunverulegu staðreyndir málsins.
2. Fleirtala orðsins mislýsing sem gæti t.d. átt við beina útsendingu frá íþróttakappleik þar sem dómarinn er farinn í kaffi og á meðan hafa slagsmál brotist út meðal leikmanna og þjálfara beggja liða, en í stað þess að segja rétt frá heldur útvarpsþulurinn áfram með lýsingu á ímynduðum kappleik sem á sér enga stoð í veruleikanum, e.t.v. til þess eins að halda hlustendum rólegum hjá viðtækjunum. *

* Á sérstaklega við þegar óttast er að hlustendur kunni að mæta næst á völlinn og blanda sér í slaginn í bókstaflegri merkingu. Undir slíkum kringumstæðum gæti nefninlega skapast hættulegur óróleiki meðal almennings, sérstaklega þar sem þau safnast saman á almannafæri í hópum...

Öðrum sem vilja taka þátt í nýyrðasmíðinni er frjálst að bæta við sínum eigin tillögum. Lengi lifi íslenska tungumálið!

Hannes vísar ásökunum á bug

Athugasemdir

[Jón Steinar Ragnarsson, 9.11.2008 kl. 22:23]

Málið er að hér fór af stað ferli, sem allir þeir sem á er bent áttu sök á. Það er því vonlaust að reyna að ráða í þessar bendingar. Það eina sem það gerir er að dreifa athyglinni frá úrræðunum og því sem framundan er. Greining á aðdragandanum má bíða, en þeir sem voru þáttakendur eiga ekki að halda embættum á meðan, það er ljóst.

Hér er eitt dæmi um vísvitandi blekkingar í því sem ekki er sagt, fremur en því sem sagt er: http://bjb.blog.is/blog/bjb/#entry-705206

Works both ways er það ekki? Alger yfirhylming þar sem allir eru sekir. Það er skýringin.

[Ævar Rafn Kjartansson, 9.11.2008 kl. 22:36]

 Andra Snæ Magnason sem forsætisráðherra!