Ríkissjóður skaðlaus af Dróma

Samningar hafa náðst um úrlausn þeirra lánasafna sem Drómi hf. hefur vélað með allt frá falli SPRON og Frjálsa fjárfestingarbankans í mars 2009. Þar sem marga fyrrum "viðskiptavini" Dróma hf. hefur lengt eftir þess háttar úrlausn er þetta auðvitað fagnaðarefni að því leyti. Þetta er ekki síður fagnaðarefni ef rétt reynist það sem fyrstu fregnir bera með sér, að ríkissjóður muni verða skaðlaus af málum sem tengjast Dróma hf., því þá fellur ekki kostnaður á skattgreiðendur.

Eftir stendur samt ósvarað þeirri spurningu hvort eðlilega hafi verið staðið að stofnun þessa fyrirtækis og rekstri þess, einkum og sér í lagi af hálfu Fjármálaeftirlitsins, en þess verður óhjákvæmilega að geta að fyrrum sviðsstjóri verðbréfasviðs stofnunarinnar gegnir nú stjórnarformennsku í Dróma hf. Án fordóma um þann einstakling ætti þessi staðreynd samt ein og sér að duga til þess að réttlæta slíka rannsókn.

Sjá nánar Rannsóknarskýrlsu Hagsmunasamtaka heimilanna um starfsemi Dróma hf.: http://www.heimilin.is/varnarthing/frettirhagsmunasamtokin/item/1680

Samningar náðust um Dróma

Athugasemdir

[Anna Sigríður Guðmundsdóttir, 31.12.2013 kl. 19:14]

Guðmundur minn. Baráttan skilaði þá einhverju. Vonandi.

En of mörgum spurningum er þó enn ósvarað í þessu máli, eins og svo mörgum öðrum málum.

Það er alla vega ljóst að einungis almenningur í þessu landi getur breytt einhverju til hins betra, með sinni eigin sannfæringu, heiðarleika, réttlátu gagnrýni, og þátttöku í réttlætisbaráttunni.

M.b.kv.