Sóttu sjálfviljugir um starfið

Ég veit ekki til þess að neinn hafi þvingað þessa ágætu lögreglumenn til að fara í sérvseitina eða óeirðasveitina, hvað þá að lumbra á saklausum borgurum sem og fréttamönnum, en það gerðu þeir samt (sumir a.m.k.). Hvað eru þeir svo að væla og kvarta!? If you can't stand the heat, stay ou of the kitchen!

Ef lögreglunni er farið að leiðast þetta stapp, þá er lausnin einföld: Handtakið Geir, Davíð, Árna, Björgvin, Jónas Fr., og kærið þá fyrir landráð (af gáleysi e.t.v.). Verði þeir fundnir sekir og dómurinn komist að þeirri niðurstöðu að ákvarðanir þeirra um þær skuldbindingar sem þeir ætla að leggja á þjóðina hafi verið ólöglegar, þá gildir það samkvæmt alþjóðalögum að viðkomandi skuldir eru felldar niður (afskrifaðar eins og hver annar þjófnaður) og leggjast þar með ekki á komandi kynslóðir. Var það ekki einmitt planið hjá þeim upphaflega? Að borga ekki skuldir óreiðumanna!


mbl.is Fordæma árásir á lögreglumenn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Vá er líklega undarlegasta ef ekki heimskasta réttlæting á ofbeldi hjá þér sem ég hef nokkurn tímann lesið, af því hann er lögga og sótti um starfið þá er í lagi að hann sé nánast drepinn, úffff þú ert gáfaður.

jón (IP-tala skráð) 22.1.2009 kl. 15:53

2 identicon

Sammála seinasta ræðumanni...þeir eru fólk eins og við og þótt að það séu einhver fífl þarna inná milli þá er alveg óþarfi að setja alla undir sama hatt.

eyrún (IP-tala skráð) 22.1.2009 kl. 16:18

3 identicon

Þú ættir að skammast þín!!!

Anna (IP-tala skráð) 22.1.2009 kl. 16:24

4 identicon

Ókei, ertu eitthvað furðulegur milli eyrnanna drengs?

Það þarf einhver að vera í lögreglunni.. Og jú þeir sóttu sjálfviljugir um starfið en jeddúddamía jesús og pétur ekki myndi ég vilja vera til ef að það væri nú ekki lögregla til að halda málunum í skikkanlegu lagi svona þegar allt virðist vera að fara til helvítis!..

 Samkvæmt þessari grein þinni ert þú einn heimskasti pistlahöfundur sem ég hef á ævi minni lesið eftir

Ósk (IP-tala skráð) 22.1.2009 kl. 16:29

5 identicon

Vesalingur.  Þrátt fyrir þína aumu afstöðu til lögreglunnar, þá geturðu áhyggjulaust treyst því að lögregla muni koma þér til bjargar þegar að konan þín fer að berja þín fer að berja þig í sófanum þínum.

Bjorn Jonasson (IP-tala skráð) 22.1.2009 kl. 16:30

6 identicon

Ég er virkilega hneykslaður á því að fólk standi í að beita lögreglumenn ofbeldi,  ofbeldi á hvergi að eiga sér stað en aftur á móti rekur mig í rogastans þegar ég les að lögreglumenn eru fagmenn sem vinna störf sín af alúð og vandvirkni.

Laugardagskvöld í byrjun árs fékk ég mér í glas og ekkert meira með það,  fór að sofa og vaknaði um hádegi.  Sökum þess að ég vill hafa vaðið fyrir neðan mig í sambandi við akstur daginn eftir neyslu þá ákvað ég að ganga að lögreglustöðinni við Dalveg í kópavogi til þess að blása.

Hélt í einfeldni minni að lögreglan væri í stakk búinn til þess að aðstoða almenning en nei.  Er ég spurði þann sem var við deskið hvort ég gæti fengið að blása fékk ég einfaldlega þetta svar "Ertu eitthvað ruglaður,  ef við myndum standa í slíku þá hefðum við ekkert annað að gera"  

Veit ekki en ég hélt að lögregla stæði líka fyrir,,fyrirgefið slettuna,,,To serve and protect.   

haffi (IP-tala skráð) 22.1.2009 kl. 16:42

7 identicon

með Ásdís Rán sem blogg vin... þarf maður að segja meira :D

En ég meina þetta á ekkert eftir að stoppa... ofbeldi leiðir af sér ofbeldi það er bara ríkisstjórnin sem getur bundið enda á þetta!!!

Fannar (IP-tala skráð) 22.1.2009 kl. 18:28

8 Smámynd: Guðmundur Ásgeirsson

Vá, þvílíkar undirtektir...var félagsfundur í naïvistafélaginu eða hvað?

"réttlæting á ofbeldi"

Ef einhver heldur að ég sé að reyna að réttlæta ofbeldi er það misskilningur, og ég skora á jón að finna þess stað í texta mínum að það sé á einhvern hátt "í lagi að einhver sé næstum því drepinn". Að sjálfsögðu er það ekki í lagi en svo við tökum annað dæmi: ef einhver ræðst á þig eða einhvern þér nákominn, jafnvel þó hann sé klæddur í lögreglubúning þegar hann gerir það, er þá eitthvað óeðlilegt að berjast á móti? Það er ekki ofbeldi heldur sjálfsvörn! Það á auðvitað ekki að ráðast á lögregluna að fyrra bragði, en í fréttamyndum má t.d. ítrekað sjá hvernig lögreglan ræðst beinlínis á mótmælendur og jafnvel fréttaritara, ekki öfugt.

En talandi um réttlætingu þá gætu lögreglumenn sjálfir allt eins spurt sig: hvað eru þeir eiginlega að verja? Lengst framan af vetri voru mótmælin t.d. mjög friðsamleg og siðfáguð, og um leið svo kurteisleg að það var of auðvelt fyrir stjórnvöld að sleppa því einfaldlega að hlusta. Ef það hefði bara verið hlustað í tæka tíð á háværar kröfur þjóðarinnar um sjálfsagða endurnýjun, þá hefði spennan ekki þróast á þetta stig og sennilega aldrei komið til átaka.

"Þú ert nú meira fíflið"

Frábær rök Júlíus! Sjálfur ert þú manngæskan holdi klædd.

"þeir eru fólk eins og við og þótt að það séu einhver fífl þarna inná milli þá er alveg óþarfi að setja alla undir sama hatt."

Hárrétt, þeir eru fólk eins og við, og hafa þar með eins og ég og þú val um það hvort þeir fara í lögregluskólann eða annað nám, og að námi loknu í lögregluskólanum hafa þeir líka val um hvort þeir sækjast sérstaklega eftir því að fara í sérsveit/óeirðalögreglu eða eitthvað hættuminna starf. Vilji þeir ekki lenda í óeirðum og því sem þeim fylgir ættu þeir að sjálfsögðu ekki að fara í óeirðalögregluna, sem er t.d. ástæðan fyrir því að ég er ekki sjálfur í þeirri sveit. Og já, það eru fífl inni á milli eins og allsstaðar, ef það er ekki nógu augljóst þá beinist athugasemd mín ekki síst að þeim, en miklu síður að hinum sem vinna sitt starf heiðarlega.

"Þú ættir að skammast þín!"

Fyrir hvað nákvæmlega? Það er fullt af hlutum í lífinu sem ég gæti skammast mín fyrir. Ef ekki væri loksins útlit fyrir að krafan um lýðræði muni ná fram að ganga, þá myndi ég líklega skammast mín mest fyrir að vera Íslendingur akkúrat núna. Ég var til langs tíma skráður í Sjálfstæðisflokkinn en sagði mig úr honum fyrir nokkru síðan þegar ég var byrjaður að skammast mín fyrir það og núna angrar það mig ekki lengur. Ég hef margt betra að gera við sálina en að velta henni upp úr því sem ég gæti mögulega skammast mín fyrir og kýs þess í stað að horfa fram á veginn.

"Ókei, ertu eitthvað furðulegur milli eyrnanna drengs?"

Það er svo allt annað mál og tengist þessu akkúrat ekki neitt!

"Samkvæmt þessari grein þinni ert þú einn heimskasti pistlahöfundur sem ég hef á ævi minni lesið eftir"

Og hefur fullan rétt á þeirri skoðun, Ósk. Sjálf hlýtur þú að vera gríðarleg mannvitsbrekka...

"Vesalingur."

Vesæla þjóð! Það er sorglegra en tárum tekur hvað við höfum látið yfir okkur ganga áður en við loks spyrnum fótum við gegndarlausri spillingu og vanhæfni. Ég er a.m.k. ekki sá vesalingur að kyssa vönd valdstjórnarinnar efasemdalaust.

"Aumu afstöðu til lögreglunnar" ???

Ég ber nú reyndar fulla virðingu fyrir meirihluta lögregluþjóna sem vinna sitt starf af heilindum, en eins og áður sagði þá eru þeir fólk eins og við og líka hálfvitar innan um. Í þau tvö skipti sem ég man eftir að hafa þurft á aðstoð lögreglu að halda, t.d. í eitt skipti vegna líkamsárásar sem ég varð fyrir, þá var því í bæði skiptin vísað á bug og mér ekki komið til hjálpar. Auk þess hef ég nógu oft horft upp á ýmis brot lögreglu í starfi og átroðning á réttindum borgara til þess að mynda mér sjálfstæða skoðun á því. Afstaða mín til lögreglunnar er ekkert "aumari" en þeirra eigin athafnir hafa gefið mér tilefni til, framan af aldri bar ég jafnvel talsverða virðingu fyrir lögreglunni og vil helst búa í landi þar sem það er hægt.

"þegar að konan þín fer að berja þig í sófanum þínum."

Talar þú af eigin reynslu þarna, Björn Jónasson? Ef ekki þá ættirðu að varast svona ógætileg ummæli, þetta er eflaust viðkvæmt mál fyrir suma.

Að lokum vil ég bara ítreka ef það er ekki orðið kristaltært, að ég er ekki að mæla því bót að einhverjir ólánsmenn hafi dúndrað steinum í hausinn á löggunni, og ennþá síður að ég vilji á nokkrun hátt hvetja til ofbeldis. Ég hvet hinsvegar til þess að spillt og vanhæf stjórnvöld sem lítilsvirða landslög og mannréttindi verði sett af með öllum tiltækum ráðum, og ef einstakir aðilar hvort sem þeir klæðast lögreglubúningum eða ekki ætla að standa í vegi fyrir því, þá er það einfaldlega á þeirra eigin ábyrgð!

Guðmundur Ásgeirsson, 22.1.2009 kl. 19:48

9 identicon

Held að 99,5% þjóðarinnar standi með löglumönnunum og fjölskyldum þeirra og hryggilegt að horfa á skríl gríta lögregluna og slasa lögreglumenn.  Sá viðtal við konu lögrelumanns í Kastljósi í kvöld.

Sem betur fer gera all flestir greinarmun á mótmælum og skrílslátum. 
Þessar aðgerðir ykkar sem beinast persónulega að því að reyna að slasa og meiða og skaða lögreglumenn í starfi sínu.  Það sem gerðist núna í nótt er alvarlegt áfall fyrir mótmælendur og rýrir þá trausti.  Sem betur fer voru nokkrir þarna sem fóru fram fyrir lögreglumennina og hlýfðu þeim. Þú og aðrir þínir líkir sem reyna að verja þessar aðgerðir og hvetja til þeirra eiga einungis skömm og fyrirlitningu skilið.  

Gunnr (IP-tala skráð) 22.1.2009 kl. 20:30

10 Smámynd: Guðmundur Ásgeirsson

"Aðgerðir ykkar sem beinast persónulega að því að reyna að slasa og meiða og skaða lögreglumenn"

Hverjir erum "við" í þessu sambandi? Ég tek það svo sem ekki nærri mér en þú heldur vonandi ekki, Gunnr, að ég sé einn af gerendum ofbeldisverka eða sé að verja þann "málstað" sérstaklega. Ef einhverju hefur verið beint gegn einstökum lögreglumönnum persónulega eins og þú orðar það, þá hef ég a.m.k. ekki orðið var við það sjálfur. Ég veit heldur ekki betur en að þeir hafi sjálfir ákveðið að stilla sér upp á milli mótmælenda og þess sem verið var að mótmæla. Ef ég gengi í veg fyrir múrbrjót sem væri að brjóta niður ónýtt hús, væri það þá húseigandanum að kenna ef ég yrði fyrir hnjaski?

Auk þess er það svo margfalt skrásett og myndfest hvernig það hefur ítrekað verið lögreglan sem hefur byrjað að beita ofbeldi að nauðsynjalausu, að það er eins og þeir hafi jafnvel (sumir) viljað hleypa ástandinu í enn meira uppnám. Án þess að ég geti nokkuð fullyrt um það, getur verið að einstaklingar sem sækjast sérstaklega eftir því að ganga í óeirðarsveit, séu þegar betur er að gáð kannski þeir sem eiga hvað síst heima í miðjum óeirðum... alveg eins og bensínbrúsi á ekki heima nálægt opnum eldi???

Tek það fram að ég var ekki niðri í bæ í gærkvöldi, en kom þar við í fyrrakvöld frá ca. 22:30-23:45 og klappaði og hrópaði ásamt miklum fjölda Íslendinga á öllum aldri. (Var sem sagt farinn áður en jólatréð var fellt og brennt!) Næst þegar ég mæti á mótmæli gegn valdstjórninni ætla ég að vera klæddur í gömlu appelsínugulu snjóbrettaúlpuna mína, svo það haldi nú örugglega enginn að ég sé ofbeldismaður eða hvetji til slíks.

Lengi lifi byltingin. Áfram Ísland!

Guðmundur Ásgeirsson, 22.1.2009 kl. 22:06

11 identicon

Sniillldar svar hjá þér við þessu. Sjálfur bý ég í suður ameríku og hef margoft verið rændur með byssu, laminn í klessu, bílnum mínum stolið margoft líka og ég gæti alveg eins farið að væla og flutt aftur til Íslands. En nei, ég vel að búa þar sem ég bý, og tek þar með afleiðingunum (og hef gaman af). Ég myndi líka taka afleiðingunum ef ég færi í lögregluskólann!

Fólkið sem er að kommenta hérna heldur að þú sért að réttlæta ofbeldi, en var ekki kennt að lesa í fyrsta bekk? Það var allavega þegar ég bjó á Íslandi, veit ekki hvort það hafi breyst...

Næsti maður sem ætlar að kommenta á þetta, lestu greinina að minnsta kosti þrisvar og hugsaðu þig svo um í hálftíma, því það er stór möguleiki á að þú einfaldlega skiljir hana ekki.

Takk fyrir og baráttukveðjur!

Kjartan Ólason (IP-tala skráð) 22.1.2009 kl. 22:16

12 Smámynd: Guðmundur Ásgeirsson

Já þetta er harður heimur og það er svo mikill áróður í gangi í bland við tilfinningasemi, en vonandi get ég útkljáð þetta með eftirfarandi hugmynd sem fæddist hjá öðrum bloggara:

Þar sem appelsínugulur hefur komið fram sem litur friðsamra mótmæla í þessari bylgju, þá mættu lögreglumenn líka bera appelsínugula borða við störf sín vegna mótmælanna. Með því myndu þeir sýna að þeir vilji ekki taka þátt í ofbeldi. Sjálfur ætla ég að fara og leita að appelsínugulu snjóbrettaúlpunni minni.

Góðar stundir.

Guðmundur Ásgeirsson, 22.1.2009 kl. 22:52

13 identicon

Ég sá þátt um sérsveitina þar sem þeir voru að undirbúa innrás í eitthvert dópistabæli. Það var góð stemming í hópnum áður en til innrásarinnar kom. Ég varð mjög undrandi þegar ég sá hvað gerðist næst. Þeir réðust inn í húsið með þvílíkum látum að ég er viss um að unga stúlkan og ungi maðurinn sem áttu þar heima hafa fengið áfallastreyturöskun í kjölfarið. Þetta var ungt par sem sat inni í stofu og fékk sér í pípu. Hurðin var brotinn upp með látum síðan öskruðu mennirnir eins og brjálæðingar og réðust að fólkinu. Parið lagðist í gólfið og þau voru sett í járn.Síðan fundust tvö til þrjú grömm af einhverjum ætluðum eiturlyfjum. Það sem ég set spurningarmerki við er, hvers vegna bönkuðu mennirnir ekki bara á hurðina? Hvað áttu þessi læti öll að fyrirstilla? Sérsveitin var vopnuð M-16 hríðskotabyssum, hvað ætluðu mennirnir að gera við byssurnar? Skjóta húsið í tætlur? Auðvitað geta verið stórhættulegir glæpamenn innan um, en þetta rugl er einum of. Svo eru þeir líka farnir að biðja um rafbyssur, vona bara að aldrei komi til þess. Annars er þetta góð vörn hjá þér Bofsi og til hamingju að hafa sagt þig úr Sjálfstæðisflokknum, þó að það sé fyrir löngu síðan. Ég var líka einu sinni Sjálfstæðismaður, svo opnuðust augu mín og ég sá að þetta var flokkur spillingar eða það sem sumir kalla sérhagsmuni,  ég bið núna þjóðina afsökunar á því að hafa einhvern tíman kosið þetta glæpalið.

Valsól (IP-tala skráð) 23.1.2009 kl. 07:25

14 Smámynd: halkatla

Guðmundur og Valsól, það er gott að vita að það séu amk örfáir inná milli sem skilja - ég þakka fyrir fólk einsog ykkur tvo.

halkatla, 23.1.2009 kl. 21:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband