Pólitískt lauslæti

Merkilegt að vinstriflokkarnir skuli allt í einu vilja hafa Björn Inga innanborðs, þar sem hann er allra borgarfulltrúa mest flæktur í þetta mál sem þau eru svona óánægð með. Hvað fær þau svosem til þess að halda að hann sprengi ekki líka þennan nýja meirihluta næst þegar upp kemur mál sem ekki eru allir sáttir um? Varmennið Björn Ingi Hrafnsson hlýtur að vera afar góður sölumaður, sem styrkir mig enn frekar í því áliti að hann sé ekki á réttri hillu að vasast í pólitík! Að sama skapi eru "félagsöflin" eins og þau kalla sig greinilega ekki laus við alla valdafíkn, grípa tækifærið bara umhugsunarlítið að því er virðist. En bíðum við... var það ekki nákvæmlega það sama og Dagur B. gagnrýndi Sjálfstæðismenn fyrir þegar þeir mynduðu meirihluta með B.Inga eftir síðustu kosningar? Og svo í stað þess að selja strax vill hann að borgin haldi sínum hlut í REI þrátt fyrir að vera nýbúin að segja að borgin eigi ekki að vera í samkeppnisrekstri... Menn mega svosem skipta um skoðun en fyrr má nú vera, hann er á köflum farinn að teygja sig lengra til hægri en sjallarnir!

Að lokum örkvæði: 

Græðgi og lauslæti, talað í hringi,

Vilhjálmur, Svandís, Dagur B. Ingi!

góðar stundir 

Nýr meirihluti myndaður í borgarstjórn