Ekkert hlaup?

Í almannavarnamistöðinni í Skógarhlíð borða menn hraun og drekka gos, enda tíðindalaust af gosstöðvum þó svo að jörðin skjálfi og hristist. Ætli það hafi enginn stolist til að narta í hlaup á vaktinni í gær? Það er kannski ekki samrýmanlegt neinni hjátrú, því auðvitað vona allir að ef það gjósi þá komi ekki svo stórt hlaup að það valdi tjóni í byggð.

mbl.is Borða Hraun og drekka gos
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðmundur Ásgeirsson

Virknin er núna mestöll nálægt þessum punkti:

https://goo.gl/maps/jV42W

Rétt undan sporði Dyngjujökuls, sem eru góðar fréttir, í bili.

Jarðskjálftavirkni hefur hinsvegar verið að grynnka á þessum stað frá því sem var í dag þegar dýpra var á henni. Það sem virðist vera að gerast þarna er að jörðin er að rifna í sundur eins og rennilás, og er með hreinum ólíkindum hversu nákvæmlega sú rifa fylgir legu þeirra flekaskila sem þarna liggja um landið og undir Vatnajökul. Haldi þessi sprunga áfram að gliðna til norðurs eru aðeins 20 km í sjálfa Öskju, en vonandi fer hún ekki að bæra á sér líka.

Guðmundur Ásgeirsson, 25.8.2014 kl. 02:21

3 Smámynd: Guðmundur Ásgeirsson

http://www.mbl.is/frettir/innlent/2014/08/25/skjalfti_upp_a_5_1_i_bardarbungu/

http://www.vedur.is/skjalftar-og-eldgos/jardskjalftar/vatnajokull/

Mánudagur
25.08.2014
16:19:0364,612-17,4722,0 km5,199,04,1 km SA af Bárðarbungu

https://goo.gl/maps/uC3Qv

Fim komma einn er gríðarmikil hreyfing á aðeins tveggja km dýpi.

Guðmundur Ásgeirsson, 25.8.2014 kl. 18:15

4 Smámynd: Guðmundur Ásgeirsson

Þessi stóri hnykkur kom í nótt.

Miðvikudagur
27.08.2014
01:52:0265,022-16,6534,0 km4,599,02,9 km SV af Dreka

https://goo.gl/maps/HSrna

Samkvæmt jarðskjálftakortinu virðist berggangurinn nú hafa náð alla leið í Öskju. Spurning hvort hún fer að bæra á sér?

Guðmundur Ásgeirsson, 27.8.2014 kl. 11:40

5 Smámynd: Guðmundur Ásgeirsson

Hérna gaus í nótt í smástund, en bara pínkulítið:

https://goo.gl/maps/4zYXB

Gosið var svo fjölmiðlavænt að það kom upp aðeins steinsnar frá flugvelli Ómars Ragnarssonar. :) Allt er enn á fleygiferð og gæti vel gosið meira.

Guðmundur Ásgeirsson, 29.8.2014 kl. 15:04

6 Smámynd: Guðmundur Ásgeirsson

Á sama sprakk stórt eldfjall hinumegin á jörðinni:

http://www.visir.is/stort-eldgos-hafid-a-papua-nyju-gineu/article/2014140828855

Guðmundur Ásgeirsson, 29.8.2014 kl. 15:09

7 Smámynd: Guðmundur Ásgeirsson

Á sama tíma auðvitað ;)

Mesta virknin í dag hefur verið undir og við sporð Dyngjujökuls, og teygt sig út á Holuhraunið í Norður þar sem gaus smáspýju upp úr sprungunni á aðfararnótt föstudagsins. Ekkert lát er á kvikuinnskotinu og skjálftavirkni við jökusporðinn nær upp á kílómetersdýpi í jarðskorpunni.

Það sem er þó athyglisverðast á jarðskjálftakortinu eru sterkustu skjálftar dagsins, tveir yfir fimm að stærð og báðir í jaðri Bárðarbungu öskjunnar sjálfrar sem kvikuinnskotið kemur frá, auk fjögurra skjálfta á svipuðum slóðum yfir fjórir að stærð. Þetta hafa jarðvísindamenn túlkað sem merki um að hrauntappinn í öskjunni sé að síga, og við það verður núningur utan í jaðra öskjunnar þar sem bergið hrekkur svo til með þessum miklu brestum.

Það sem liggur þó ekki fyrir er, hvað gerist ef þessi mikla sigdæld sem myndast í öskjunni við það að miðja hennar sígur, leiðir til þess að jörðin rifnar meðfram jöðrum hennar. Gæti slík atburðarás leitt til þess að kvika fyndi sér leið til yfirborðs í öskjunni sjálfri? Vonandi ekki því það væri mun hættulegra.

Guðmundur Ásgeirsson, 30.8.2014 kl. 18:19

8 Smámynd: Guðmundur Ásgeirsson

Loksins kemur skynsamleg sviðsmyndagreining frá Almannavörum: http://www.visir.is/hraunid-nu-rumir-sex-ferkilometrar/article/2014140909728

Guðmundur Ásgeirsson, 2.9.2014 kl. 21:57

9 Smámynd: Guðmundur Ásgeirsson

Almannavörnum hefði það átt að vera.

Guðmundur Ásgeirsson, 2.9.2014 kl. 21:57

10 Smámynd: Guðmundur Ásgeirsson

http://www.visir.is/atburdarrasin-i-bardarbungu-fra-a-til-o/article/2014140909826

Talið er að þessir skjálftar stafi af sigi í öskjunni vegna lækkandi þrýstings undir henni þegar efni úr uppstreymisrásinni fær útrás til hliðar. Innan hringsins sjást hins vegar mjög fáir skjálftar. Ætla mætti að sig á berglokinu á yfirborði öskjunnar myndi einnig búa til talsvert af jarðskjálftum innan bergloksins sjálfs. Þessi vöntun á jarðskjálftum innan hringlaga öskjubrotanna bendir til að efnið þar sé mjög heitt, bráðið eða nærri bræðslumörkum steinda bergsins. Því verður að telja talsverðar líkur á að mjög stórt og grunnstætt kvikuhólf sé undir öskjunni í Bárðarbungu. Gos beint upp úr slíku kvikuhólfi, þar sem súr kvika hefur safnast lengi fyrir, gæti orðið mjög stórt og framleitt mikið af ösku og vikri líkt og t.d. Askja gerði árið 1875. 

Þetta er það eina sem ég óttast vegna þessara jarhræðinga.

Á meðan einblínir stjórnstöð Almannavarna á Holuhraun.

Hvað gerist ef bergtappinn í Bárðarbungu brotnar?

Þá erum við að horfa fram á hamfarir !

Guðmundur Ásgeirsson, 3.9.2014 kl. 00:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband