Eldsumbrot á kjördag?

Almannavarnir hafa lýst yfir fyrsta háskastigi vegna aukinnar skjálftavirkni í Eyjafjallajökli...
Í lok febrúar jókst svo virknin verulega og síðustu sólarhringana hefur hún verið viðvarandi...
Hátt á þriðja þúsund skjálftar hafa mælst frá því á miðvikudag...

Er þetta kosningaskjálfti? Kjósa eða gjósa?
Eða gýs nú upp reiði yfir framkomu Breta?
Eldgos hér geta haft mikil áhrif í Evrópu,
ætla landvættirnar kannski að hrauna yfir fjendur vora?!

Ég er ekki hjátrúarfullur en ef þetta endar með eldsumbrotum þá tek ég því sem fyriboða. Vonandi mun það samt ekki valda miklum hamförum, en þó má búast við að gos í Eyjafjallajökli myndi loka hringveginum tímabundið. Það er samt alltaf gaman að fá smá gosspýju sem laðar að ferðamenn, vísindamenn og myndatökulið, auk þess að auglýsa okkar aðal útflutningsvöru sem eru náttúruöflin. Hjá Veðurstofu Íslands má sjá jarðskjálftakort af jöklinum undanfarinn sólarhring:

 

 

Fyrsta háskastigi lýst yfir

Athugasemdir

[Axel Jóhann Hallgrímsson, 5.3.2010 kl. 14:55]

Verði gos verður það túlkað hægri vinstri allt eftir sjónarhóli hvers og eins í sambandi við kosningarnar.

[Finnur Bárðarson, 5.3.2010 kl. 16:43]

Þar erfitt að skyggnast inn í hugarheim guðanna. Skilaboðin frá þeim eru alltaf svo loðin.

[Ómar Gíslason, 6.3.2010 kl. 00:36]

Eru Goðin ekki að segja sitt álit

[Guðmundur Ásgeirsson, 9.3.2010 kl. 10:54]

Jörð skelfur á ný: Eyjafjallajökull róaðist aðeins í gær, en tók svo aftur kipp í morgun og nötrar nú stöðugt eins og hann gerði fyrir helgina.